Gwefan llywodraeth y DU

Arwyddion negeseuon electronig – y pethau pwysig

Mae arwyddion negeseuon electronig yn ymddangos ar draws y system, a gallant ddangos negeseuon gwahanol yn ôl yr angen.

Maent yn amrywio o ran maint: o arwyddion llai sy’n ymddangos ar byst ar y llain ganol, i arwyddion mawr ar bont arwyddion uwchben y draffordd. Mae hyd yn oed arwyddion negeseuon electronig symudol ar gael, y gellir eu defnyddio i ddangos gwybodaeth amser real am draffig pan na fydd arwyddion sefydlog ar gael.

Eu nod yw gwella diogelwch ar y ffyrdd a lleihau effaith tagfeydd drwy roi’r wybodaeth ddiweddaraf i yrwyr am amodau traffig ac amodau ffordd.

Dyma rai o’r negeseuon sy’n ymddangos ar arwyddion:

• cyfyngiadau cyflymer newidiol a osodir mewn ymateb i'r amodau traffig
• rhybuddion i yrwyr am ddigwyddiadau, gwaith ffordd neu dagfeydd
• amcangyfrif o amseroedd teithio neu gyfnodau oedi
• gwybodaeth am ffyrdd eraill
• negeseuon diogelwch

Mae tua 500 o arwyddion negeseuon electronig wedi’u gosod mewn mannau lle bydd gyrwyr yn gwneud penderfyniadau allweddol. Pwrpas hyn yw eich galluogi i ddefnyddio’r wybodaeth am amodau’r ffordd o’ch blaen i newid eich llwybr os bydd angen.

Dim ond negeseuon a all helpu gyrwyr gaiff eu dangos ar yr arwyddion – ni chânt byth eu defnyddio ar gyfer gwybodaeth ddiangen nac at ddibenion hysbysebu.

Pa negeseuon y gellir eu dangos ar yr arwyddion?

Ceir pedwar prif fath o neges:

• rheoli digwyddiadau – negeseuon fel ‘DAMWAIN, ARAFWCH’, ‘GWYRIAD AR Y GYFFORDD NESAF’
• gwybodaeth i yrwyr – negeseuon fel ‘M6 WEDI CAU AR Y GYFFORDD NESAF’, ‘TAGFEYDD AR M1 Y GOGLEDD,’ ‘115 MILLTIR, 1 AWR 40 MUNUD TAN GYFFORDD 6A (M25)’
• gwyriadau strategol – negeseuon fel ‘M40 WEDI CAU AR GYFFORDD 10 - AR GYFER LLUNDAIN DEFNYDDIWCH M6 (DE), M1 (DE)’
• gwaith ffordd – negeseuon fel ‘GWEITHWYR AR Y FFORDD – ARAF’

Pictogramau

Yn ddiweddar, mae pictogramau wedi’u cyflwyno ar rai darnau o’r draffordd er mwyn rhoi gwybodaeth ychwanegol i yrwyr. I weld y pictogramau sy’n cael eu defnyddio ar hyn o bryd, dilynwch y ddolen isod.

• Beth yw ystyr yr arwyddion negeseuon electronig?

Ymgyrchoedd diogelwch

Pan na fydd negeseuon brys ynghylch oedi, digwyddiadau neu dagfeydd, bydd rhai arwyddion electronig yn dangos negeseuon ymgyrchoedd diogelwch yr Adran Drafnidiaeth. Gallai’r rhain gynnwys:

• ‘GWYLIWCH EICH CYFLYMDER’
• ‘CADWCH YN DDIGON PELL’
• 'PWYLLWCH! PEIDIWCH Â FFONIO WRTH YRRU’

• Ymgyrch 'PWYLLWCH!' yr Adran Drafnidiaeth i yrwyr Opens new window

Sut mae'r arwyddion yn gweithio

Gall y negeseuon y mae arwyddion yn eu dangos cael eu gosod:

• gan weithiwr yn un o ganolfannau rheoli’r Asiantaeth Priffyrdd
• yn awtomatig mewn ymateb i'r amodau ffordd

Caiff tua 80 y cant o negeseuon eu gosod yn awtomatig.

Caiff negeseuon awtomatig ddangos:

• gwybodaeth am amseroedd teithio – caiff y negeseuon hyn eu gosod mewn ymateb i lif y traffig ar hyd y rhwydwaith ar y pryd yn ôl synwyryddion a chamerâu darllen platiau rhif yn awtomatig
• rhybuddion am ddigwyddiadau neu giwiau – mae’r rhain yn gosod cyfyngiadau cyflymder o 60 neu 50 milltir yr awr, a 40 milltir yr awr os bydd angen, ac fe’u rheolir gan synwyryddion ffordd sy’n dod o hyd i draffig sy’n symud yn araf o’u blaen

Nod rhybuddion am giwiau neu ddigwyddiadau yw gwneud yn siŵr y bydd gyrwyr yn arafu cyn cyrraedd ciw er mwyn osgoi stopio a chychwyn wrth yrru. Dyna pam y bydd y digwyddiad neu'r ciw wedi dod i ben weithiau erbyn i chi gyrraedd.

• Camerâu ar draffyrdd a chefnffyrdd

• Gwasanaeth Gwybodaeth am Draffig Cenedlaethol Lloegr

Arwyddion negeseuon electronig, a Thraffyrdd Rheoledig/Traffyrdd a Reolir

Systemau rheoli traffig a ddefnyddir ar yr M25 a’r M42 ar hyn o bryd yw Traffyrdd Rheoledig a Thraffyrdd a Reolir. Mae’r ddwy system yn defnyddio arwyddion negeseuon electronig i reoli llif y traffig.

Gallwch gael mwy o wybodaeth am y systemau hyn a'r arwyddion negeseuon electronig y byddant yn eu defnyddio drwy ddilyn y ddolen isod.

• Rheoli tagfeydd ar y draffordd

Dolenni defnyddiol eraill

• Cynllunio'ch taith

• Lleihau llygredd a thagfeydd

Cysylltiadau defnyddiol

• Yr Adran Drafnidiaeth

• Transport for London (TfL)