Gwefan llywodraeth y DU

Pwy all ddefnyddio'r ffurflen ar-lein?

Gallwch ddefnyddio'r ffurflen ar-lein i wneud cais am unrhyw fath o basbort unigol yn y DU.

Fodd bynnag, ni ddylech ddefnyddio’r ffurflen gais ar-lein os ydych:

• yn byw oddi allan i'r DU
• angen eich pasbort o fewn pedair wythnos
• angen pasbort cyfunol (grŵp)

Os ydych chi’n byw oddi allan i’r DU, bydd angen i chi wneud cais drwy is-genhadaeth y DU yn y wlad rydych chi’n byw ynddi. Dilynwch y ddolen isod am ragor o wybodaeth ynghylch sut i wneud cais am eich pasbort o du allan i’r DU.

• Ceisiadau am basbort ac i adnewyddu eich pasbort os ydych chi dramor neu’n byw y tu allan i’r DU

Os ydych angen eich pasbort o fewn pedair wythnos, dylech edrych ar y gwasanaethau sydd wedi’u crybwyll yn ‘Amserlen ar gyfer ceisiadau am basbortau’.

Am wybodaeth ar basbortau cyfunol, gweler ‘Pasbortau cyfunol (neu grŵp).

• Dod o hyd i lysgenadaethau ac is-genadaethau'r DU o amgylch y byd Opens new window

• Amserlen ar gyfer ceisiadau am basbort

• Pasbortau cyfunol (grŵp)

Cyfarwyddiadau ar gyfer llenwi’r ffurflen ar-lein

Mae'r ffurflen yn cynnwys help a chyfarwyddiadau manwl ar bob cam.

Pan fyddwch wedi llenwi a chyflwyno'r ffurflen, caiff ei hanfon ar-lein i'r Gwasanaeth Hunaniaeth a Phasbortau. Yna, bydd y Gwasanaeth Hunaniaeth a Phasbortau'n ei hargraffu ac yn ei phostio atoch.

Dylech wneud yn siŵr bod eich manylion yn gywir a llofnodi'r ffurflen a'i dychwelyd i'r Gwasanaeth Hunaniaeth a Phasbortau gyda’r canlynol:

• eich lluniau
• unrhyw ddogfennau ategol eraill y mae eu hangen ar gyfer eich cais

Os hoffech weld pa ddogfennau ategol y mae angen i chi eu darparu, dilynwch y ddolen isod ar gyfer y math o gais yr ydych yn ei wneud.

• Pasbort oedolyn cyntaf

• Adnewyddu pasbort oedolyn

• Pasbort plentyn (cyntaf neu adnewyddu)

• Cael pasbort newydd yn lle un sydd ar goll, wedi'i ddwyn neu wedi'i ddifrodi

• Newid yr enw ar eich pasbort

Pam mae'r Gwasanaeth Hunaniaeth a Phasbortau'n argraffu'r ffurflen gais i chi

Mae Gwasanaeth Hunaniaeth a Phasbortau’n argraffu’ch ffurflen gais ar eich cyfer, oherwydd nid yw argraffydd desg cyffredin o gyfrifiadur cartref yn darparu printiau o ansawdd digon da. Os fyddech yn ei hargraffu’ch hun, mae’n debygol na fyddai modd defnyddio’ch ffurflen.

Pam nad yw'r cais i gyd yn cael ei wneud yn electronig

Mewn theori, yn ogystal ag anfon y manylion ar eich ffurflen gais dros e-bost, fe allech hefyd anfon lluniau digidol, dogfennau wedi'u sganio a'ch llofnod (naill ai wedi'i sganio neu'n electronig) i'r Gwasanaeth Hunaniaeth a Phasbortau. Fodd bynnag, nid yw'r gwasanaeth hwn ar gael am nifer o resymau, gan gynnwys:

• nid yw'r rhan fwyaf o beiriannau sganio cyffredin yn gallu anfon data digon cywir i offer arbenigol y Gwasanaeth Hunaniaeth a Phasbortau
• mae'r risg o dwyll, yn enwedig twyll dwyn manylion personol, yn uwch gyda lluniau digidol
  

• Dechrau’r ffurflen gais ar-lein Opens new window

Dychwelyd y ffurflen a nodi’ch rhif cod bar

Os byddwch yn dychwelyd y ffurflen i'r Gwasanaeth Hunaniaeth a Phasbortau drwy'r gwasanaeth post safonol, dylech wneud nodyn o rif cod bar y cais. Y rhif 10-digid ar frig tudalen flaen y ffurflen gais yw hwn. Bydd angen y rhif hwn arnoch os byddwch yn gwneud ymholiadau am eich cais.

Os byddwch yn dychwelyd y ffurflen drwy ddefnyddio gwasanaeth Gwirio ac Anfon Swyddfa'r Post, fe gewch dderbynneb wrth roi’ch cais iddynt. Cadwch y dderbynneb hon gan y bydd ei hangen arnoch (neu rif cod bar eich cais) os byddwch yn gwneud ymholiadau am eich cais.

I gael mwy o wybodaeth, gweler ‘Dilyn hynt eich cais am basbort’.

• Dilyn hynt eich cais am basbort

Cysylltiadau defnyddiol

• Gwasanaeth Hunaniaeth a Phasbortau

• Cyngor Teithio'r Swyddfa Dramor