Gwefan llywodraeth y DU

Y rheolau ar gyfer lluniau pasport

Mae'n rhaid i'r lluniau y byddwch yn eu darparu gyda'ch cais:

• beidio â dangos mynegiant ar eich wyneb ac mae'n rhaid i'ch ceg fod ar gau (ni chaniateir i chi wenu, gwgu na chodi eich aeliau)
• cynnwys dim ond chi (ni ddylai babanod gael teganau na dymi, ac ni ddylai pobl eraill fod yn y llun)
• bod yn lluniau lliw, nid du a gwyn
• bod yr union yr un fath
• bod wedi'u tynnu o fewn y mis diwethaf
• bod yn 45 milimedr o hyd a 35 milimedr o led – dyma’r maint safonol pan dynnir llun pasbort mewn stiwdio neu fwth lluniau (ni ddylech gwtogi llun mwy er mwyn bodloni'r amod hwn) b
• bod yn glir gyda ffocws siarp, gyda gwahaniaeth amlwg rhwng eich wyneb a'r cefndir
• bod wedi'i dynnu yn erbyn cefndir plaen hufen neu lwyd golau
• peidio eich dangos â llygaid coch
• eich dangos yn wynebu ymlaen ac yn edrych yn syth at y camera
• heb fod wedi’u rhwygo, eu plygu, na’u marcio
• bod wedi'u hargraffu ar bapur tynnu lluniau gwyn plaen
• peidio â chael cysgodion
• bod wedi'u tynnu gyda'ch llygaid ar agor ac yn gwbl glir (ni chewch wisgo sbectol haul na sbectol dywyll ac ni ddylai eich gwallt fod yn eich llygaid)
• peidio â chynnwys unrhyw adlewyrchiad na golau oddi ar eich sbectol, a rhaid i’r ffrâm beidio â chuddio eich llygaid – mae'r Gwasanaeth Hunaniaeth a Phasbortau (IPS) yn argymell i chi dynnu eich sbectol os yw hynny'n bosib
• bod wedi'u hargraffu'n broffesiynol (nid yw lluniau a argreffir gartref yn dderbyniol)
• dangos eich pen i gyd, heb unrhyw orchudd drosto, oni bai eich bod yn gwisgo gorchudd oherwydd credoau crefyddol neu resymau meddygol
• bod wedi'u cymryd heb unrhyw beth yn gorchuddio eich wyneb – dylech sicrhau nad oes unrhyw beth yn gorchuddio amlinelliad eich llygaid, eich trwyn na'ch ceg
• bod yn llun agos o’ch pen a'ch ysgwyddau, ac argymhellir bod rhwng 29mm a 34mm rhwng gwaelod eich gên a thop eich pen
• peidio â chynnwys unrhyw ysgrifen ar y blaen na'r cefn – ac eithrio pan fydd angen ardystio un o'r lluniau

Mae’r Gwasanaeth Hunaniaeth a Phasbortau hefyd yn cyhoeddi gwybodaeth y gellir ei llwytho i lawr ynghylch lluniau, gan ddangos enghreifftiau o’r hyn sy’n dderbyniol ac yn annerbyniol. Anfonir fersiwn wedi'i hargraffu o'r wybodaeth hon gyda'r holl ffurflenni cais safonol.

• Download ‘Lluniau pasbort’ (PDF, 281K)

• Cymorth gyda ffeiliau PDF

Os ydych yn ffotograffydd proffesiynol, gallwch ddilyn y ddolen isod i gael arweiniad manwl.

• Arweiniad i ffotograffwyr proffesiynol Opens new window

Ardystio eich lluniau

Dylai'r unigolyn sy'n ardystio eich ffurflen gais yn adran 10 (eich 'adlofnodwr') hefyd ardystio un o'ch lluniau (nid y ddau ohonynt). Gwneir hyn drwy ysgrifennu'r canlynol ar gefn y llun:

• ‘Tystiaf fod y llun hwn yn dangos gwir debygrwydd i [Mr, Mrs, Miss, Ms neu deitl arall ac yna eich enw llawn]’

Yna, rhaid iddynt lofnodi'r datganiad a nodi’r dyddiad arno. Nid yw dim ond llofnodi a nodi’r dyddiad ar y llun yn ddigon.

Os yw'n gais ar gyfer rhywun dan 16 oed (gan gynnwys babanod)

Rhaid i’r adlofnodwr wneud y canlynol:

• llofnodi'r ffurflen gais yn adran 10 er mwyn cadarnhau ei fod yn adnabod yr oedolyn a lofnododd adran 9 ers o leiaf dwy flynedd
• ardystio un o'r lluniau fel y disgrifiwyd uchod, gan nodi enw llawn y plentyn

Os ydych yn adnewyddu pasbort

Os ydych yn adnewyddu eich pasbort, ni fydd yn rhaid i chi gael rhywun i adlofnodi eich ffurflen nac i ardystio llun ohonoch onid ydych yn edrych yn wahanol iawn i'r llun yn eich pasbort diweddaraf.

Pwy gaiff adlofnodi’ch llun?

Am restr o bwy gaiff adlofnodi’ch lluniau, gweler ‘Pwy gaiff adlofnodi’ch cais?’

• Pwy gaiff adlofnodi’ch cais?

Newidiadau o ran ymddangosiad

Os yw’ch ymddangosiad wedi newid yn barhaol ac yn sylweddol, fel na ellir eich adnabod yn eich llun pasbort cyfredol, bydd yn rhaid i chi adnewyddu'ch pasbort.

Bydd yn rhaid i chi wneud hyn os ydych wedi cael un o'r canlynol ers i’ch pasbort gael ei gyhoeddi:

• rydych wedi cael niwed neu lawdriniaeth sylweddol ar eich wyneb
• rydych wedi cael nifer o emwaith neu datŵs ar eich wyneb

Bydd angen i chi ddarparu llun newydd a sicrhau y caiff ei ardystio. Bydd disgwyl hefyd i chi dalu am eich pasbort newydd yn y ffordd arferol, hyd yn oed os nad oedd eich hen basbort wedi dod i ben.

Plant

Os bydd ymddangosiad plentyn dan 16 oed yn newid oherwydd y broses aeddfedu arferol, does dim rhaid iddo wneud cais am basbort newydd.

Newidiadau bach o ran ymddangosiad

Os yw’n dal yn bosib eich adnabod yn eich llun pasbort cyfredol, does dim angen i chi wneud cais am un newydd. Er enghraifft, gan amlaf byddai tyfu barf neu liwio'ch gwallt yn cyfrif fel newidiadau bach.

Os ydych yn dymuno cael pasbort newydd er mwyn adlewyrchu’r newid yn eich ymddangosiad, mae croeso i chi wneud hynny. Bydd angen i chi wneud cais a thalu yn y ffordd arferol, a chynnwys llun newydd gyda'ch cais.

Os ydych yn ansicr a yw hyn yn berthnasol i chi, ffoniwch y Llinell Gymorth Pasbortau ar 0300 222 0000.

• Adnewyddu neu ymestyn eich pasbort oedolyn

Cysylltiadau defnyddiol

• Cyngor Teithio'r Swyddfa Dramor

• Gwasanaeth Hunaniaeth a Phasbortau