Gwefan llywodraeth y DU

Oes angen i rywun adlofnodi eich cais?

Mae angen i chi gael rhywun i adlofnodi eich cais os ydych yn gwneud cais am un o'r canlynol:

• pasbort cyntaf
• pasbort newydd yn lle un sydd ar goll, wedi'i ddwyn neu wedi'i ddifrodi
• adnewyddu pasbort plentyn sy'n 11 oed neu'n iau
• adnewyddu pasbort pan mae eich ymddangosiad wedi newid cymaint y byddai'n anodd eich adnabod o'r llun yn eich pasbort diwethaf neu yn eich pasbort cyfredol

Beth mae'n rhaid i'r adlofnodwr ei wneud

Rhaid i'ch adlofnodwr lenwi adran 10 o'r ffurflen er mwyn cadarnhau ei fod:

• yn eich adnabod ers dwy flynedd neu ragor
• a'ch bod yn dweud y gwir am bwy ydych chi

Os mai ar gyfer pasbort plentyn y mae'r ffurflen, dylai'r adlofnodwr adnabod yr unigolyn sy'n llofnodi'r datganiad yn adran 9 yn hytrach na'r plentyn.

Mae'r ffurflen gais yn gofyn i'r adlofnodwr nodi eu rhif pasbort Prydeinig cyfredol (derbynnir rhifau pasbort Iwerddon hefyd). Bydd hyn yn galluogi'r Gwasanaeth Hunaniaeth a Phasbortau i gadarnhau pwy ydyn nhw.

Dylech roi'r canlynol i'r adlofnodwr:

• eich ffurflen gais wedi'i chwblhau (gyda llofnod a dyddiad yn adran 9)
• lluniau
• dogfennau
• ffi
• amlen

Y ffordd hynny gallant selio'r cais ar ôl llenwi adran 10.

Pan fydd rhaid i chi ddefnyddio adlofnodwr, mae’n bosib y bydd angen i’r Gwasanaeth Hunaniaeth a Phasbortau gysylltu â nhw. Gwnewch yn siŵr y byddant ar gael ac nid ydynt ar wyliau. Bydd eich cais yn cael ei oedi os fyddant i ffwrdd.

Ardystio eich lluniau

Dylai eich adlofnodwr hefyd ardystio un o'ch lluniau os yw'r cais ar gyfer:

• pasbort cyntaf
• pasbort newydd yn lle un arall
• adnewyddu pasbort a'ch bod yn edrych yn wahanol iawn i'r llun yn eich pasbort diweddaraf

Gwneir hyn drwy ysgrifennu'r canlynol ar gefn y llun:

• 'Tystiaf fod hwn yn dangos gwir debygrwydd i [Mr, Mrs, Miss, Ms neu deitl arall ac yna eich enw llawn]'

Yna, rhaid iddynt lofnodi a dyddio'r datganiad. Nid yw dim ond llofnodi a dyddio'r llun yn ddigon.

Pwy all fod yn adlofnodwr i chi

Dylai eich adlofnodwr fod:

• yn eich adnabod ers dwy flynedd o leiaf
• yn byw yn y DU

Ni ddylai eich adlofnodwr fod:

• yn perthyn i chi drwy enedigaeth neu briodas
• mewn perthynas bersonol â chi
• yn byw yn yr un cyfeiriad a chi
• yn gweithio i’r Gwasanaeth Hunaniaeth a Phasbortau

Ni fydd galwedigaeth eich adlofnodwr yn pennu p’un ai fydd eich cais yn llwyddiannus ai peidio. Mae cyflwyno pasbort yn dibynnu ar ymgeisydd bodloni nifer o feini prawf. Felly, arweiniad yn unig yw’r rhestr o alwedigaethau isod ac nid rhestr drwyadl o alwedigaethau ydyw. Fodd bynnag, dylech geisio cael adlofnodwr sy’n unigolyn gydag enw da yn eich cymuned leol. Os nad ydych yn siŵr i bwy y dylech ofyn, gallwch ffonio Llinell Gyngor Pasbortau y Gwasanaeth Hunaniaeth a Phasbortau ar 0300 222 0000.

• cyfrifydd
• peilot awyrennau
• clerc erthyglog cwmni cyfyngedig
• asiant aswiriant o gwmni cydnabyddedig
• swyddog banc/cymdeithas adeiladu
• bargyfreithiwr
• cadeirydd/cyfarwyddwr cwmni cyfyngedig
• ciropodydd
• comisiynydd llwon
• cynghorydd (lleol neu sirol)
• gwas sifil (parhaol)
• deintydd
• cyfarwyddwr/rheolwr elusen wedi'i chofrestru at ddibenion TAW
• cyfarwyddwr/rheolwr/swyddog personél cwmni wedi'i gofrestru at ddibenion TAW
• peiriannydd (gyda chymwysterau proffesiynol)
• cyfryngwr gwasanaethau ariannol (ee brocer stoc neu frocer yswiriant)
• swyddog yn y gwasanaeth tân
• trefnydd angladdau
• asiant yswiriant (amser llawn) mewn cwmni cydnabyddedig
• newyddiadurwr
• Ynad Heddwch
• ysgrifennydd cyfreithiol (aelodau a chymrodyr Sefydliad yr Ysgrifenyddion Cyfreithiol)
• seiliad trwydded tŷ tafarn
• swyddog llywodraeth leol
• rheolwr/swyddog personél (cwmni cyfyngedig)
• aelod, cydymaith neu gymrawd corff proffesiynol
• Aelod Seneddol
• swyddog yn y Llynges Fasnachol
• gweinidog crefydd cydnabyddedig (gan gynnwys Gwyddoniaeth Cristnogol)
• nyrs (RGN ac RMN)
• swyddog o'r lluoedd arfog (swyddog presennol neu wedi ymddeol)
• optegydd
• person ag anrhydedd (OBE neu MBE, er enghraifft)
• fferyllydd
• ffotograffydd (proffesiynol)
• heddwas
• swyddog Swyddfa'r Post
• llywydd/ysgrifennydd sefydliad cydnabyddedig
• swyddog Byddin yr Iachawdwriaeth
• gweithiwr cymdeithasol
• twrnai
• syrfëwr
• athro, darlithydd
• swyddog undeb llafur
• asiant teithio (cymwys
• prisiwr neu arwerthwr (cymrodyr ac aelodau cysylltiol o'r gymdeithas gorfforedig)
• Swyddogion Gwarant a Phrif Is-swyddogion
  

Cysylltiadau defnyddiol

• Cyngor Teithio’r Swyddfa Dramor

• Gwasanaeth Hunaniaeth a Phasbortau