Gwefan llywodraeth y DU

Mwy o Bensiwn sylfaenol y Wladwriaeth i wŷr/gwragedd a phartneriaid sifil

Mae’n bosib y gallwch gael Pensiwn sylfaenol y Wladwriaeth, neu gynyddu eich Pensiwn sylfaenol y Wladwriaeth, ar sail cofnod Yswiriant Gwladol eich priod neu’ch partner. Fe allech fod yn gymwys i gael hyn os yw pob un o’r canlynol yn berthnasol:

• rydych wedi priodi neu mewn partneriaeth sifil
• nid oes gennych eisoes hawl i Bensiwn sylfaenol y Wladwriaeth yn llawn
• ganwyd eich priod neu’ch partner sifil ar 6 Ebrill 1950 neu ar ôl hynny
• mae’ch priod neu’ch partner sifil yn gymwys i gael rhywfaint o Bensiwn sylfaenol y Wladwriaeth
• rydych chi’ch dau wedi cyrraedd oed Pensiwn y Wladwriaeth

Hefyd, i ddynion priod neu bartneriaid sifil yn unig, fe allech fod yn gymwys os ganwyd eich gwraig neu’ch partner sifil ar 6 Ebrill 1950 neu ar ôl hynny.

Bydd faint gewch chi’n dibynnu ar gofnod cyfraniadau Yswiriant Gwladol eich priod neu’ch partner. Yn 2012-13 fe allech chi gael hyd at £64.40 yr wythnos. Mae hyn yn wir hyd yn oed os nad ydych yn gymwys am ddim Pensiwn y Wladwriaeth ar sail eich cofnod cyfraniadau Yswiriant Gwladol eich hun.

Does dim rhaid i chi fod yn byw gyda’ch priod neu’ch partner sifil i gael y Pensiwn sylfaenol y Wladwriaeth hwn. A does dim rhaid i chi aros iddyn nhw ddechrau hawlio Pensiwn y Wladwriaeth.

Beth sydd wedi newid?

Yn flaenorol, dim ond menywod priod oedd yn gallu cael y Pensiwn sylfaenol y Wladwriaeth hwn. Mae dynion priod a phartneriaid sifil bellach yn gallu gwneud hyn, cyn belled â’u bod yn bodloni’r amodau.

Hefyd, roedd rhaid i fenyw briod aros nes bod ei gŵr wedi hawlio ei Bensiwn y Wladwriaeth ei hun cyn cael unrhyw gynnydd. Bellach, mae hi’n gallu hawlio cynnydd hyd yn oed os nad yw ef wedi hawlio ei Bensiwn y Wladwriaeth ei hun. Mae hyn ar yr amod eu bod nhw ill dau wedi cyrraedd oedran Pensiwn y Wladwriaeth. Mae’r trefniadau hyn yr un mor berthnasol i ddynion priod a phartneriaid sifil.

• Amlinellydd Pensiwn y Wladwriaeth

• Cael credydau tuag at eich Pensiwn y Wladwriaeth

Pryd fydd hyn yn berthnasol i chi?

Mae’n rhaid bod chi a’ch priod neu’ch partner sifil wedi cyrraedd oed Pensiwn y Wladwriaeth.

Hefyd, os ydych chi’n ŵr priod neu bartner sifil, rhaid bod chi a’ch gwraig neu’ch partner sifil wedi cael eu geni ar 6 Ebrill 1950 neu ar ôl hynny. Mae hyn yn golygu:

• os ydych chi’n ŵr priod, gallech fod yn gymwys o fis Mai 2010 ymlaen
• os ydych chi’n ddyn sy’n bartner sifil, gallech ddechrau bod yn gymwys o fis Ebrill 2015 ymlaen
• os ydych chi’n fenyw sy’n bartner sifil, gallech fod yn gymwys o fis Mai 2010 ymlaen

Os ydych chi’n fenyw briod, gallech gael budd o’r cynnydd hwn ni waeth os ganwyd eich gŵr cyn, ar neu ar ôl 6 Ebrill 1950.

Bydd yr union ddyddiad sy’n berthnasol i chi’n dibynnu ar pryd y cyrhaeddoch chi a’ch priod neu’ch partner sifil oed Pensiwn y Wladwriaeth.

A oes angen i chi wneud unrhyw beth?

Pan fyddwch chi a’ch priod neu'ch partner sifil ill dau wedi cyrraedd oed Pensiwn y Wladwriaeth, fe allech chi gael budd.

Pan fyddwch chi ill dau wedi hawlio eich Pensiwn y Wladwriaeth eich hun dylech gael unrhyw Bensiwn sylfaenol y Wladwriaeth y mae gennych hawl iddo yn awtomatig yn seiliedig ar gofnod Yswiriant Gwladol eich partner.

Os nad ydych wedi clywed gan y Gwasanaeth Pensiwn erbyn y dyddiad y byddwch chi a’ch partner yn cyrraedd oed Pensiwn y Wladwriaeth, dylech ffonio’r Gwasanaeth Pensiwn.

Ffoniwch y Gwasanaeth Pensiwn ar 0845 060 0265. Mae llinellau ar agor rhwng 8.00 am ac 8.00 pm o ddydd Llun i ddydd Gwener.

Cofiwch na ellir talu’r symiau ychwanegol nes bod y ddau ohonoch wedi cyrraedd oed Pensiwn y Wladwriaeth.

• Pwy i gysylltu â nhw yn y Gwasanaeth Pensiwn

• Cost cysylltu â rhifau ffôn 08 a 03

Mwy o ddolenni defnyddiol

• Newidiadau eraill i Bensiynau’r Wladwriaeth o 6 Ebrill 2010 ymlaen

• Proffiliwr Pensiwn y Wladwriaeth

Cysylltiadau defnyddiol

• Cysylltiadau ymddeol

• Cysylltiadau cyngor a chefnogaeth ariannol

• Cysylltiadau i rai dros 50