Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pensiynau a chynllunio ar gyfer ymddeol

SERPS ac Ail Bensiwn y Wladwriaeth

Cynllun Pensiwn y Wladwriaeth ar Sail Enillion (SERPS) oedd yr hen enw ar Bensiwn ychwanegol y Wladwriaeth. Ym mis Ebrill 2002, newidiwyd yr enw i Ail Bensiwn y Wladwriaeth. Yma, cewch wybod mwy am SERPS, Ail Bensiwn y Wladwriaeth a’r rheolau ynghylch etifeddu'r mathau hyn o Bensiwn ychwanegol y Wladwriaeth.

Cynllun Pensiwn y Wladwriaeth ar sail Enillion (SERPS)

Hyd at fis Ebrill 2002, Cynllun Pensiwn y Wladwriaeth ar Sail Enillion (SERPS) oedd enw Pensiwn ychwanegol y Wladwriaeth ar gyfer cyflogeion.

Roedd y swm o bensiwn SERPS yr oeddech yn ei gael yn seiliedig ar y canlynol:

eich cyfraniadau Yswiriant Gwladol
faint yr oeddech yn ei ennill

Etifeddu SERPS eich partner priod neu’ch partner sifil

Bydd y swm o bensiwn SERPS y gallech ei etifeddu yn dibynnu ar ddyddiad geni’r sawl a fu farw. Defnyddiwch y tabl canlynol i weld sut y gallai hyn effeithio arnoch chi.

Yr uchafswm o bensiwn SERPS y gallai gwraig neu bartner sifil dyn ei etifeddu

Dyddiad geni'r dyn	Y canran uchaf o bensiwn SERPS y gallai gwraig neu bartner sifil y dyn ei etifeddu
5 Hydref 1937 neu cyn hynny	100 y cant
Rhwng 6 Hydref 1937 a 5 Hydref 1939	90 y cant
Rhwng 6 Hydref 1939 a 5 Hydref 1941	80 y cant
Rhwng 6 Hydref 1941 a 5 Hydref 1943	70 y cant
Rhwng 6 Hydref 1943 a 5 Hydref 1945	60 y cant
6 Hydref 1945 ac ar ôl hynny	50 y cant

Yr uchafswm o bensiwn SERPS y gallai gŵr neu bartner sifil menyw ei etifeddu

Dyddiad geni'r fenyw	Y canran uchaf o bensiwn SERPS y gallai gŵr neu bartner sifil y fenyw ei etifeddu
5 Hydref 1942 neu cyn hynny	100 y cant
Rhwng 6 Hydref 1942 a 5 Hydref 1944	90 y cant
Rhwng 6 Hydref 1944 a 5 Hydref 1946	80 y cant
Rhwng 6 Hydref 1946 a 5 Hydref 1948	70 y cant
Rhwng 6 Hydref 1948 a 5 Hydref 1950	60 y cant
6 Hydref 1950 ac ar ôl hynny	50 y cant

Ceir terfyn ar y swm o Bensiwn ychwanegol y Wladwriaeth y gallech ei gael. Mae hyn yn gyfuniad o’ch pensiwn ychwanegol chi ac unrhyw bensiwn ychwanegol a etifeddwyd gennych. Caiff yr uchafswm ei adolygu bob blwyddyn a’i weithredu ar y dyddiad y bydd yr hawl i gael pensiwn ychwanegol a etifeddwyd yn codi am y tro cyntaf. Rhwng Ebrill 2012 ac Ebrill 2013, £161.94 yr wythnos yw uchafswm Pensiwn ychwanegol y Wladwriaeth.

Ail Bensiwn y Wladwriaeth

Ym mis Ebrill 2002, cafodd enw Pensiwn ychwanegol y Wladwriaeth ei newid o SERPS i Ail Bensiwn y Wladwriaeth.

Mae Ail Bensiwn y Wladwriaeth yn fwy hael ar gyfer y rheini sy'n ennill cyflogau isel neu ganolig, rhai gofalwyr a phobl ag anabledd neu salwch hirdymor.