Gwefan llywodraeth y DU

Canllawiau gwaith cartref ar gyfer ysgolion cynradd ac uwchradd

Rhoddir pwyslais ar sut mae gwaith cartref yn helpu eich plentyn i ddysgu, yn hytrach nag ar yr amser y bydd yn ei gymryd.

Er enghraifft, bydd ambell blentyn yn gweithio'n gyflymach nag eraill ac yn gwneud mwy o waith mewn llai o amser. Dyma syniad o'r amser ar gyfer plant ysgol gynradd:

• Blwyddyn 1 a 2: awr yr wythnos
• Blwyddyn 3 a 4: 1.5 awr yr wythnos
• Blwyddyn 5 a 6: 30 munud bob dydd

Dyma syniad o'r amser ar gyfer plant ysgol uwchradd:

• Blwyddyn 7 ac 8: rhwng 45 a 90 munud bob dydd
• Blwyddyn 9: un i ddwy awr bob dydd
• Blwyddyn 10 ac 11: rhwng 1.5 a 2.5 awr bob dydd

Ni ddylid disgwyl i’ch plentyn dreulio llawer mwy o amser ar ei waith cartref na’r bras amseroedd hyn. Nid oes ots os nad yw'r gweithgareddau'n cymryd cymaint o amser â’r hyn a nodir, cyn belled â'u bod yn ddefnyddiol. Dylai ysgolion drefnu gwaith cartref yn ofalus fel nad oes gofyn i blant wneud gormod mewn un diwrnod.

Gweithgareddau gwaith cartref

Dylai pob gweithgaredd a roddir yn waith cartref fod yn gysylltiedig â’r gwaith y mae’r plant yn ei wneud yn yr ysgol. Fodd bynnag, ni ddylai gwaith cartref fod yn waith ysgrifenedig bob amser. O ran plant iau, bydd yn golygu, i raddau helaeth:

• darllen gyda rhieni neu ofalwyr
• gemau anffurfiol i ymarfer sgiliau mathemateg

Gallai gweithgareddau gwaith cartref i blant hŷn gynnwys:

• darllen
• paratoi cyflwyniad i’r dosbarth
• dod o hyd i wybodaeth
• gwneud rhywbeth
• rhoi cynnig ar arbrawf gwyddonol syml
• coginio

Nid oes ots os nad yw'r gweithgareddau'n cymryd cymaint o amser ag y mae’r bras amseroedd yn ei nodi, cyn belled â bod y gweithgareddau’n ddefnyddiol.

• Datblygu sgiliau darllen, ysgrifennu a sillafu plant rhwng pump ac 11 oed

• Datblygu sgiliau mathemateg ar gyfer plant rhwng pump ac 11 oed

• Helpu eich plentyn sydd rhwng 11 ac 14 oed i ddysgu

• Helpu eich plentyn sydd rhwng 14 ac 19 oed i ddysgu

Helpu eich plentyn gyda'i waith cartref

Mae ysgolion yn fodlon i chi roi help llaw a chynorthwyo eich plentyn gyda’i waith cartref. Fodd bynnag, byddant hefyd am weld beth y gall eich plentyn ei wneud ar ei ben ei hun. Wrth iddynt fynd yn hŷn, bydd yn arbennig o bwysig i’ch plentyn ddod yn fwy annibynnol wrth ddysgu.

Mae’ch plentyn yn debygol o elwa mwy o weithgaredd os byddwch chi’n ei helpu, cyn belled nad ydych yn gwneud gormod ar ei ran. Os nad ydych yn siŵr beth yw eich rôl, dylech gael sgwrs gydag ysgol eich plentyn am y peth.

Gwneud gwaith cartref y tu allan i’r cartref

Bydd eich plentyn yn cael y cyfle i wneud ei waith cartref naill ai yn yr ysgol neu mewn clybiau sy’n cael eu cynnal y tu allan i oriau ysgol, dan oruchwyliaeth. Gallai hyn gynnwys gwasanaethau cymorth i astudio neu wasanaethau estynedig gan yr ysgol.

• Ysgolion a gwasanaethau estynedig

• Cymorth i astudio

• Cymorth i astudio: clybiau brecwast a gwaith cartref

Adborth ar waith cartref eich plentyn

Mae disgwyl i ysgolion wneud yn siŵr bod plant yn cael adborth ar eu gwaith cartref. Dylai’r adborth gael ei roi mewn modd sy’n rhoi gwybod i’ch plentyn:

• pa mor dda yw’r gwaith
• sut y gall wneud yn well

Ni fydd hyn yn digwydd bob amser drwy sylwadau ysgrifenedig gan yr athro. Weithiau, bydd y gwaith yn cael ei drafod yn y gwersi neu efallai y bydd yr athrawon yn rhoi sylwadau ysgrifenedig ar un neu ddau o agweddau ar ddarn o waith. Os ydych chi’n bryderus am yr adborth a roddir i'ch plentyn, dylech drafod hyn gyda'r ysgol.

Mwy o ddolenni defnyddiol

• Awgrymiadau ar gyfer adolygu: rhoi trefn ar bethau (adran addysg a dysgu)

• Awgrymiadau ar gyfer adolygu: sefyll arholiadau (adran addysg a dysgu)

• Technoleg a gwasanaethau ar-lein (adran y cartref a’r gymuned)

• Parentchannel.tv (gwybodaeth fideos ar gyfer rhieni) Opens new window