Gwefan llywodraeth y DU

Sut i helpu'ch plentyn i astudio a dysgu

Gallwch wneud llawer o bethau i helpu'ch plentyn i wneud yn fawr o'u gwaith cartref, eu gwaith cwrs a'u gwaith adolygu ar gyfer arholiadau.

Helpu gyda gwaith cartref

Does dim rhaid i chi fod yn arbenigwr i helpu'ch plant gyda'u gwaith cartref. Dyma ambell ffordd i helpu:

• awgrymu y dylai'ch plentyn wneud gwaith cartref yn syth ar ôl ei dderbyn fel bod y wybodaeth yn ffres ym meddwl eich plentyn ers y dosbarth
• annog eich plentyn i ddweud os yw'n cael anhawster - efallai y gallwch chi ei helpu i ddod o hyd i'r atebion
• sicrhau bod eich plentyn yn taro cydbwysedd da rhwng bywyd a gwaith, ac nad yw'n treulio gormod o amser yn mynd allan â'i ffrindiau, nac ychwaith yn eistedd yn gwneud gwaith cartref
• cael gwybod am raglenni addysgiadol ar y radio neu ar y teledu
• cael gwybod a oes unrhyw glybiau cymorth i astudio neu waith cartref a all fod o help

• Gwaith Cartref - faint y dylai eich plentyn fod yn ei gael? Opens new window

• Helpu gyda gwaith cartref - cyngor i rieni Opens new window

• Cyngor gyda gwaith cartref i fyfyrwyr Opens new window

Mynd i'r afael â gwaith cwrs

Gall marciau da mewn gwaith cwrs fod o help i roi hwb i raddau terfynol eich plentyn. Gallwch helpu'ch plentyn i fynd i'r afael â gwaith cwrs drwy wneud y canlynol:

• cael gwybod am y cwricwlwm cyfredol a faint o waith y mae angen ei wneud
• cael gwybod pryd mae'r gwaith cwrs fod i mewn a helpu'ch plentyn i baratoi amserlen i'w gwblhau
• gwneud yn siur bod eich plentyn yn deall yn iawn yr hyn y mae gofyn iddyn nhw'i wneud a sut y dyfernir marciau ym mhob darn o waith cwrs
• dod o hyd i wefannau a stafelloedd sgwrsio diogel a all fod o help iddynt astudio
• annog eich plentyn i argraffu a chadw'u gwaith yn rheolaidd os ydyn nhw'n gweithio ar gyfrifiadur
• annog eich plentyn i sgwrsio â'r athro/athrawes am unrhyw broblemau cyn gynted ag y bo modd
• sicrhau bod y llyfrau a'r adnoddau iawn gan eich plentyn

Helpu gydag adolygu

Gall paratoi ar gyfer arholiadau fod yn straen arnoch chi a'ch plentyn. Gallwch helpu i liniaru'r pwysau drwy:

• Canllaw i adolygu Opens new window

‘Coaching your teenager’ – llyfryn i helpu rhieni pobl ifanc rhwng 14 a 19 oed

Weithiau, gall fod yn anoddach cyfrannu at addysg pobl ifanc, ond bwriedir i'r llyfryn hwn eich helpu i wneud hynny. Mae’n darparu’r canlynol:

• cyngor ac awgrymiadau hyfforddi i’w helpu i wneud yn fawr o’r cyfnod yn yr ysgol neu’r coleg
• awgrymiadau ar gyfer dechrau sgwrs
• cyngor ar sut mae magu digon o hyder i gyfrannu, a ble y gallwch gael mwy o wybodaeth

Mae'r un mor bwysig eich bod yn dangos diddordeb yng ngwaith eich plentyn pan fydd yn ei arddegau â phan oedd yn ifanc. Gall rhieni a gofalwyr sy’n gweithio fel tîm gyda’u plentyn ei helpu i fod yn bositif ac i gadw ar y trywydd iawn i gael y dyfodol gorau posib.

• Download ‘Coaching your teenager’ (PDF, 2905K)

Mwy o ddolenni defnyddiol

• Darllen canllawiau am ddewisiadau dysgu 14 i 19 Opens new window