Gwefan llywodraeth y DU

Cinio ysgol

Rhaid i'r holl fwyd a ddarperir gan awdurdodau lleol yn Lloegr gyrraedd y safonau maeth cenedlaethol. Mae'r rhain yn sicrhau bod plant yn derbyn deiet iach a chytbwys. Mae'r canlynol yn ofynnol dan y safonau, a gyflwynwyd ym mis Medi 2006:

• cig, dofednod neu bysgod olewog o ansawdd uchel ar gael yn rheolaidd
• o leiaf dau ddogn o ffrwythau a llysiau gyda phob pryd
• bara, grawnfwyd arall a thatws ar gael yn rheolaidd

Hefyd, ceir rheolyddion ar y bwydydd canlynol:

• mae bwydydd wedi'u ffrio wedi'u cyfyngu i ddau ddogn neu lai yr wythnos
• mae diodydd melys, creision, siocled a phethau da eraill wedi'u tynnu o brydau bwyd a pheiriannau gwerthu mewn ysgolion
  

• Cael gwybod am arlwyo ysgolion yn eich ardal Opens new window

• Cael gwybod mwy am safonau maeth mewn ysgolion Opens new window

Prydau ysgol am ddim

Does dim rhaid i rieni yn Lloegr dalu am brydau ysgol os ydyn nhw'n derbyn unrhyw un o'r canlynol:

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth ar sail incwm
• cymorth yn unol â Rhan VI Deddf Mewnfudo a Lloches 1999
• yr elfen Gwarant o Gredyd Pensiwn y Wladwriaeth
• Credyd Treth Plant, ar yr amod nad oes ganddynt yr hawl i Gredyd Treth Gwaith ac nad yw eu hincwm blynyddol (yn ôl asesiad Chyllid a Thollau EM) yn uwch na £16,190
• Credyd Treth Gwaith di-dor – y taliad efallai y bydd rhywun yn ei dderbyn am bedair wythnos bellach ar ôl iddynt orffen fod yn gymwys am Gredyd Treth Gwaith

O 6 Ebrill 2012 newidiodd y rheolau ar gyfer Credyd Treth Gwaith i gyplau, ac efallai y bydd rhai teuluoedd wedi colli eu hawl i Gredyd Treth Gwaith oherwydd y mae’r oriau y bydd yn rhaid i gwpl weithio er mwyn bod yn gymwys wedi codi. Efallai y bydd y teuluoedd hyn yn gymwys i gael prydau ysgol am ddim os ydynt yn bodloni unrhyw un o’r meini prawf uchod bellach.

• Cynghorau lleol

• Byrddau Addysg a Llyfrgelloedd – manylion cyswllt Opens new window

• Cymhorthdal Incwm (adran arian, treth a budd-daliadau)

• Lwfans Ceisio Gwaith (adran arian, treth a budd-daliadau)

• Credydau treth (adran arian, treth a budd-daliadau)

Gwneud cais am brydau ysgol am ddim

Ewch at eich ysgol yn gyntaf i gael gwybod a oes arnoch angen gwneud cais drwy’r ysgol neu eich awdurdod lleol.

• Gwneud cais am ginio ysgol am ddim Opens new window

Pecyn bwyd

I'ch helpu i baratoi pecyn bwyd iach a chytbwys i'ch plentyn, gallwch ddod o hyd i gynghorion ac awgrymiadau gan NHS Choices, Change4Life a’r Ymddiriedolaeth Bwyd Ysgol.

• Pecynnau bwyd ysgol – NHS Choices Opens new window

• Syniadau pecyn bwyd – Change4Life Opens new window

• Syniadau pecyn bwyd – yr Ymddiriedolaeth Bwyd Ysgol Opens new window

Llaeth

Gall awdurdodau lleol ac ysgolion benderfynu p’un ai i ddarparu llaeth ai peidio. Os byddant yn gwneud hynny, rhaid iddo fod am ddim i blant sy’n gymwys i gael prydau ysgol am ddim.

Dylai pob plentyn o dan bump sydd mewn gofal dydd am ddwy awr y dydd neu fwy gael diod o laeth am ddim. Mae hyn yn cynnwys rhai plant pedair oed mewn dosbarthiadau derbyn yn ysgolion cynradd. I blant o dan flwydd oed, rhoddir hyn fel fformiwla babanod.

Ffrwythau a llysiau am ddim yn yr ysgol

Mae’r Cynllun Ffrwythau a Llysiau mewn Ysgolion yn rhoi hawl i blant rhwng pedair a chwech oed gael ffrwyth neu lysieuyn am ddim bob dydd, os yw eu hysgol wedi ymuno â’r cynllun.

• Dod o hyd i fwy o wybodaeth am y Cynllun Ffrwythau a Llysiau mewn Ysgolion Opens new window

Mwy o ddolenni defnyddiol

• Darllen cyngor am roi deiet iach i'ch plentyn Opens new window

• Prydau ysgol yng Nghymru Opens new window

• Prydau ysgol yn yr Alban Opens new window

• Prydau ysgol yng Ngogledd Iwerddon Opens new window