Gwefan llywodraeth y DU

Gwasanaethau estynedig trwy ysgolion

Mae’n bosib y bydd ysgolion yn cynnig eu cyfleusterau i ddisgyblion, eu teuluoedd a'r gymuned leol y tu allan i oriau ysgol. Gall hyn gynnwys:

• clybiau brecwast (sy’n darparu brecwast iachus cyn i’r ysgol ddechrau)
• clybiau ar ôl ysgol (fel clybiau gwaith cartref, cerddoriaeth, celf, drama a chwaraeon)
• clybiau gwyliau (sy’n cynnig amrywiol weithgareddau yn ystod gwyliau’r ysgol)

Am wybodaeth ynghylch y gofal plant a gweithgareddau cyn ac ar ôl ysgol y mae ysgol eich plentyn o bosib yn eu cynnig, dylech gysylltu â’r ysgol yn uniongyrchol.

Faint fydd hyn yn ei gostio?

Mae rhai gwasanaethau a gweithgareddau am ddim, ond bydd angen i chi dalu am y canlynol fel arfer:

• gofal plant, yn ystod y tymor ac yn ystod y gwyliau
• rhai clybiau a gweithgareddau, fel clybiau cerddoriaeth neu ymweliadau ag amgueddfeydd

Bydd ysgolion bob amser yn ceisio lleihau costau, ac efallai eich bod chithau’n gymwys i gael cymorth ariannol, yn enwedig os ydych chi ar incwm isel.

• Budd-daliadau gofal plant a chymorth i rieni sy’n mynd yn ôl i weithio

• Clybiau brecwast a gwaith cartref

• Gwasanaethau estynedig mewn ysgolion – cael gwybod mwy

Gofal y tu allan i’r ysgol a chlybiau gwyliau

Fel arfer, bydd gofal y tu allan i’r ysgol a chlybiau gwyliau'n cael eu cynnig fel rhan o wasanaethau estynedig ysgolion. Fodd bynnag, efallai y bydd mudiadau gwirfoddol neu sefydliadau preifat yn eu rhedeg hefyd. Gall y rhain fod wedi'u lleoli ar dir yr ysgol, mewn clybiau ieuenctid, mewn canolfannau cymunedol ac mewn neuaddau pentref.

I gael mwy o wybodaeth, cysylltwch â'ch Gwasanaeth Gwybodaeth Teulu lleol yn uniongyrchol.

• Dod o hyd i’ch Gwasanaeth Gwybodaeth Teulu lleol Opens new window

Nanis a gwarchodwyr yn y cartref

Fel arfer, bydd nanis yn gofalu am y plant yn eich cartref, ac yn gofalu am blant o bob oed. Bydd llawer o nanis yn byw yng nghartref y teulu y maent yn gweithio iddynt. P'un ai a ydynt yn byw yn y cartref ai peidio, mae eu horiau'n hyblyg fel arfer.

Mae ffioedd nanis yn dechrau ar oddeutu £6.00 (£9.00 yn Llundain) yr awr, ond mae hyn yn tueddu i amrywio'n fawr. Fel cyflogwr eich nani, bydd yn rhaid i chi hefyd dalu eu treth a’u cyfraniadau Yswiriant Gwladol.

• Dod o hyd i nani