Gwefan llywodraeth y DU

Dechrau arni

Y pethau cyntaf y bydd angen i chi eu gwneud fydd:

• llunio rhestr fer yn cynnwys y nanis posib o'r ceisiadau a dderbyniwch
• siarad dros y ffôn â phob ymgeisydd a ddewiswyd
• trefnu apwyntiadau ar gyfer cyfweliadau, gan ganiatáu o leiaf awr i bob ymgeisydd
• paratoi rhestr o gwestiynau a gofyn yr un cwestiynau i bob ymgeisydd
• gwneud nodiadau ymhob cyfweliad i'ch atgoffa o'u hatebion
  

Cwestiynau y gellir eu gofyn yn y cyfweliadau

Dyma rai enghreifftiau o gwestiynau effallai yr hoffech eu gofyn. Efallai yr hoffech ofyn cwestiynau ynglyn â'r materion sy'n bwysig i chi (efallai ynglyn ag agwedd y nani at losin neu wylio'r teledu ayb).

• ers pryd ydych chi'n nani?
• pam benderfynoch chi fod yn nani?
• enwch chwe gweithgaredd y gallai fy mhlant fod yn eu gwneud ar unrhyw ddiwrnod pe baech yn nani iddynt?
• sut fyddech chi'n mynd ati i siarad â rhiant pe baech yn poeni ynghylch unrhyw beth?
• beth yw eich profiad chi gyda phlant o'r un oed a'm rhai i?
• beth yw oedran y plant yr ydych wedi gweithio gyda nhw o'r blaen?
• pam ydych chi'n mwynhau gweithio â phlant?
• beth, yn eich tyb chi, yw eich cryfderau arbennig chi wrth weithio â phlant?
• a ydych chi wedi cael unrhyw hyfforddiant ym maes gofal plant a datblygu, ac os ydych chi, beth oedd hyd y cyrsiau?
• pa gymwysterau sydd gennych?
• beth yw eich barn chi ynglyn â strategaethau disgyblu cadarnhaol? (ni fyddai gweithiwr gofal plant byth yn defnyddio cosbi corfforol fel dull o ddisgyblu)
• a oes unrhyw agweddau ar eich gwaith yr ydych yn bwriadu eu gwella?
• sut fyddech chi'n treulio diwrnod gyda'm plentyn?
• pam wnaethoch chi adael eich swydd ddiwethaf, ac os yw'n berthnasol, pam fyddwch chi'n gadael eich swydd bresennol?
• pa anawsterau rydych chi wedi dod ar eu traws fel nani, gyda rhieni neu gyda phlant, a sut cawsant eu datrys?
• beth yw eich barn chi ynglyn â theuluoedd yn rhannu nani? (Os hoffech chi drefnu i rannu nani)
• faint o ddyddiau ydych chi wedi bod i ffwrdd o'r gwaith oherwydd salwch yn ystod y 12 mis diwethaf?

Gall asiantaethau nanis roi rhagor o enghreifftiau i chi o gwestiynau y gellir eu gofyn.

• Dod o hyd i'ch asiantaeth nanis leol Opens new window

Oes gan y nani unrhyw gwestiynau i'w gofyn i chi?

Mae cyfweld yn broses ddwy ffordd. Cofiwch gynnig cyfle i'r nani ofyn cwestiynau i chi. Os oes gennych chi nani'n barod, a'ch bod yn cyfweld er mwyn dod o hyd i olynydd, rhowch gyfnod trosglwyddo iddynt gyda'r nani sy'n gadael.

Mae'n bosib y bydd eich nani newydd am siarad â rhywun amdanoch chi. Os mai hwn fydd y tro cyntaf i chi gyflogi nani, ac nad oes nani blaenorol ar gael i siarad â nhw, gallwch gynnig rhif ffôn ffrind iddynt er mwyn ffonio i gael geirda.

Manylion cyflogaeth

Ar ôl i chi ddewis eich nani, bydd yn rhaid i chi drafod y materion canlynol gyda nhw:

• eu cyflog (ynghyd â manylion trefniadau ar gyfer treth ac Yswiriant Cenedlaethol)
• sut y bydd yr arian yn cael ei dalu, bob mis ynteu bob wythnos, gyda siec ynteu'n uniongyrchol i'w cyfrif banc, ayb.
• oriau a dyletswyddau'r swydd
• pryd yr hoffech chi iddyn nhw ddechrau
• eu hawliau gwyliau ac a fydden nhw'n fodlon cymryd gwyliau ar adegau penodol, e.e. er mwyn cyd-fynd â thymhorau'r ysgol neu gyda'ch gwyliau blynyddol chi
• hyd y cyfnod prawf
  

Beth yw barn eich plant?

Mae'n bwysig eich bod yn gadael i'ch plant gyfarfod y nani posib - does dim angen dweud wrthyn nhw pan fyddwch yn eu cyflwyno y bydd y person hwn efallai'n nani iddynt. Gwyliwch sut y maent yn rhyngweithio â'ch plentyn. Fe all fod yn arwydd da os bydd y plant yn cael mwy o sylw ganddynt na chi. Hefyd, gwyliwch yn ofalus sut mae'ch plentyn yn ymateb iddynt.