Gwefan llywodraeth y DU

Y Cyngor Dyfarniadau mewn Gofal ac Addysg Plant (CACHE)

CACHE yw'r Corff Dyfarnu sy'n cael ei chydnabod yn swyddogol ar gyfer y Blynyddoedd Cynnar, Gofal ac Addysg a Gwaith Chwarae. Mae'r cymwysterau perthnasol a ddyfernir gan CACHE yn cynnwys:

• Tystysgrif neu Ddiploma mewn Gofal Plant ac Addysg (mae hwn ymdrin â gweithio gyda phlant o dan wyth oed, gan gynnwys y rheini sydd ag anghenion arbennig)
• Diploma Lefel 3 mewn Gofal Plant yn y Cartref (crëwyd y cwrs hwn gyda'r Gymdeithas Genedlaethol Gwarchod Plant, ac mae'n rhoi'r sgiliau i nanis i allu datblygu plant rhwng 0 ac 16 oed)
• Tystysgrif Genedlaethol neu Ddiploma BTEC yn y Blynyddoedd Cynnar (mae'r cwrs hwn yn ymdrin ag arfer da mewn ystod o sefyllfaoedd gofal plant)

Cofrestr Gofal Plant Ofsted

Ceir dwy ran i'r Gofrestr Gofal Plant Ofsted, rhan orfodol a rhan wirfoddol. Nid oes angen i nanis ymuno â'r rhan orfodol, ond gallant ymuno â rhan wirfoddol y gofrestr hon, a ddechreuodd ym mis Ebrill 2007.

Bydd angen i nanis sydd wedi'u cofrestru ar ran wirfoddol y Gofrestr Gofal Plant Ofsted gwrdd â gofynion penodol, megis bod ganddynt gymhwyster cymorth cyntaf perthnasol, eu bod wedi cael hyfforddiant yn y sgiliau craidd cyffredin sy'n ymdrin â meysydd fel cyfathrebu â phlant, pobl ifanc a theuluoedd, a bod ganddynt yswiriant atebolrwydd cyhoeddus.

I gael rhestr fanylach o'r sgiliau y mae'n rhaid i nanis eu datblygu cyn cofrestru â rhan wirfoddol Cofrestr Gofal Plant Ofsted, cliciwch ar y ddolen isod.

• Darllen gofynion rhan wirfoddol y Gofrestr Gofal Plant yn llawn Opens new window

Pethau eraill i chwilio amdanynt

Dyma nodweddion nani dda:

• gallu cynllunio a threfnu cyfleoedd dysgu sy'n ddiogel ac yn hwyl
• gwybod sut i gynllunio a pharatoi prydau bwyd a byrbrydau iach
• dylai fod wedi cael hyfforddiant cymorth cyntaf
• dylai fod â phrofiad gyrru, os yw hynny'n berthnasol
• dylai arddangos sgiliau trefnu da
• dylai fod â diddordeb mewn plant fel unigolion, a phersonoliaeth hyderus a phositif
• dylai fod â phrofiad o weithio gyda phlant o bob oed, mewn amryw o sefyllfaoedd gwahanol