Gwefan llywodraeth y DU

Gofal i blant dan bump oed

Mae’n rhaid i bob darparwr gofal plant sy’n gofalu am blant o’u genedigaeth hyd at 31 Awst ar ôl eu pen-blwydd yn bump oed, gofrestru gydag Ofsted ar y Gofrestr Blynyddoedd Cynnar. Rhaid i bob darparwr ar y gofrestr hon ddarparu’r Cyfnod Sylfaen Blynyddoedd Cynnar, sy’n nodi’r safonau ar gyfer gofal, datblygiad a dysgu cynnar.

• Cyfnod Sylfaen ar gyfer Blynyddoedd Cynnar (geni i bum mlwydd oed)

• Dysgu cynnar am ddim i blant tair a phedair oed

Gofal i blant pump oed neu hŷn

Gall darparwyr gofal i blant sy’n bump oed neu’n hŷn gofrestru gydag Ofsted ar y Gofrestr Gofal Plant Gyffredinol, sydd wedi'i rhannu'n ddwy ran:

• y rhan orfodol – ar gyfer darparwyr gofal plant sy’n gofalu am blant o ddiwedd y Cyfnod Sylfaen Blynyddoedd Cynnar nes byddant yn saith oed
• y rhan wirfoddol – ar gyfer darparwyr gofal i blant sy'n wyth oed neu hŷn

Does dim rhaid i ambell ddarparwr sy’n gofalu am blant rhwng diwedd y Cyfnod Sylfaen Blynyddoedd Cynnar a saith oed ymuno â rhan orfodol y Gofrestr Gofal Plant Gyffredinol. Mae’r rheini nad oes angen iddynt gofrestru yn cynnwys nanis neu ddarparwyr sy’n cynnig gofal plant sy’n seiliedig ar weithgareddau, fel clybiau drama a dawns, y celfyddydau a chrefft neu chwaraeon.

• Ofsted – pwy nad oes angen iddynt gofrestru (PDF, 56K) Opens new window

• Cymorth gyda ffeiliau PDF

Beth mae hyn yn ei olygu i fy mhlant?

Os yw darparwr gofal plant wedi ei gofrestru ar y Gofrestr Blynyddoedd Cynnar, neu ar unrhyw ran o'r Gofrestr Gofal Plant Gyffredinol, mae'n rhaid iddynt fodloni safonau. Mae’r safonau hyn yn cynnwys addasrwydd y staff ar gyfer gweithio gyda phlant, ac addasrwydd a diogelwch y lleoliad.

Fel rhan o’r broses gofrestru, bydd Ofsted yn cynnal archwiliad gan y Swyddfa Cofnodion Troseddol i wneud yn siŵr bod pob aelod o’r staff yn addas i weithio gyda phlant. Mae hyn yn wir am yr holl ddarparwyr sydd wedi'u cofrestru gydag Ofsted, ni waeth pa gofrestr y maent wedi ymuno â hi.

Gofal plant yn yr ysgol

Nid oes angen cofrestru gofal plant ar gyfer plant sy’n dair oed neu’n hŷn a ddarperir gan ysgol ar y Gofrestr Blynyddoedd Cynnar nac ar y Gofrestr Gofal Plant Gyffredinol. Yn hytrach, bydd yr ysgol yn cael ei harchwilio fel rhan o’r system arolygu ysgolion, ac Ofsted fydd yn gwneud hynny hefyd.

Mae’n rhaid i ysgolion sy’n darparu gofal plant fodloni’r un safonau â darparwyr gofal plant cofrestredig.

• Perfformiad ysgolion: canlyniadau profion ac adroddiadau Ofsted

Gwneud cwyn

Os ydych chi’n poeni am unrhyw agwedd ar ofal eich plentyn, dylech holi eich darparwr yn gyntaf. Os ydych dal yn anfodlon, gallwch gysylltu ag Ofsted a byddant yn ymchwilio’r achos ymhellach.

Gallwch hefyd gwyno wrth Ofsted os oes gennych bryderon am ddarparwr nad yw wedi’i gofrestru. Mae gan wefan Ofsted wybodaeth ynghylch sut yr ymchwilir i gwynion yn erbyn darparwyr cofrestredig a darparwyr nad ydynt wedi’u cofrestru.

• Cwynion ynghylch gofal plant (Ofsted) Opens new window