Gwefan llywodraeth y DU

Sut mae cael gwybodaeth am ysgolion

Mae'r rhan fwyaf o ysgolion yn argraffu eu prosbectws eu hunain ar gyfer rhieni, sy'n cynnwys manylion yr hyn sydd ar gael. Efallai y bydd modd i chi gael yr wybodaeth hon ar-lein hefyd ar wefan yr ysgol.

Mae'r gwasanaeth 'Dod o hyd i ysgolion a Chanolfannau Plant Cychwyn Cadarn' yn ddefnyddiol i gael gwybodaeth am ysgolion. Drwy deipio eich cod post, gallwch gael manylion cyswllt ysgolion ger eich cartref, a dolenni at eu gwefan os oes ganddynt un.

Cewch hefyd ddefnyddio’r gwasanaeth i ddarllen:

• tablau perfformiad ysgolion
• Adroddiadau Ofsted
• Proffiliau Ysgol (mae rhywfaint ar gael ar-lein – bydd rhagor yn cael eu hychwanegu yn y dyfodol)

• Dod o hyd i ysgolion a Chanolfannau Plant Cychwyn Cadarn Opens new window

Tablau perfformiad ysgolion

Bob blwyddyn, mae’r Adran Addysg yn cyhoeddi gwybodaeth ynghylch perfformiad disgyblion pob ysgol.

Mae'r tablau hyn yn ganllaw i ba mor dda y mae ysgol yn llwyddo. Maent yn rhestru canlyniadau profion y Cwricwlwm Cenedlaethol ar gyfer ysgolion cynradd a chanlyniadau arholiadau ar gyfer pob ysgol uwchradd yn Lloegr.

Gallwch ddefnyddio'r wybodaeth hon i weld sut mae pob ysgol yn eich ardal yn cymharu â chyfartaledd:

• ardal eich awdurdod lleol
• y wlad i gyd

Cyhoeddir y tablau canlynol bob blwyddyn:

• Tablau Cyfnod Allweddol 2 (gyda chanlyniadau profion Cyfnod Allweddol 2 ar gyfer holl ysgolion cynradd y wladwriaeth)
• Tablau Cyfnod Allweddol 4 (gyda chanlyniadau TGAU a chymwysterau cyfatebol ar gyfer holl ysgolion uwchradd y wladwriaeth a'r rhai annibynnol)
• tablau addysg ôl-16 (gyda chanlyniadau arholiadau Uwch Gyfrannol a Safon Uwch, a chymwysterau lefel 3 cyfatebol ar gyfer pob ysgol a choleg)

Nid yw disgyblion yn gorfod sefyll profion Cyfnod Allweddol 3 rhagor. Felly, dim ond ar gyfer y blynyddoedd hyd at 2007 y mae tablau Cyfnod Allweddol 3 ar gael.

Yn ogystal â defnyddio'r gwasanaeth 'Dod o hyd i ysgolion, gwasanaethau gofal plant a Chanolfannau Plant Cychwyn Cadarn', gallwch archebu copïau o'r tablau drwy'r post.

• Llinell Archebu Tablau Cyrhaeddiad Ysgolion a Cholegau

Sgoriau gwerth ychwanegol cyd-destunol (CVA)

Mae'r sgoriau hyn yn dangos i ba raddau y mae ysgol wedi helpu ei myfyrwyr i ddatblygu rhwng diwedd un cyfnod allweddol ac un arall.

Mae sgoriau CVA yn ategu canlyniadau'r profion a'r arholiadau a gyhoeddir er mwyn rhoi arweiniad teg i berfformiad ysgol.

Ni fydd canlyniadau profion ac arholiadau a sgoriau CVA yn rhoi darlun cyflawn o ysgol i chi. Fodd bynnag, mae'n bosib y byddant yn rhoi gwell darlun i chi o'r ysgol rydych chi'n ei hystyried.

Mae'r Adran Plant, Ysgolion a Theuluoedd yn cyhoeddi sgoriau CVA ar gyfer ysgolion ochr yn ochr â'r tablau perfformiad.

Darllen adroddiad Ofsted yr ysgol

Mae Ofsted yn arolygu pob un o ysgolion y wladwriaeth yn Lloegr bob tair blynedd o leiaf. Ar ôl cynnal yr arolygiad, mae Ofsted yn cyhoeddi adroddiad y gall y cyhoedd ei weld.

Pan fyddant yn asesu ysgol, bydd arolygwyr Ofsted yn ystyried y canlynol:

• hunanwerthusiad yr ysgol (sut mae'r ysgol yn asesu ei pherfformiad ei hun)
• data ar berfformiad
• gwaith disgyblion
• arsylwadau ar wersi
• sylwadau'r rhieni
• trafodaethau gyda disgyblion a staff

Bydd adroddiad yr arolygiad yn cynnwys asesiad cyffredinol o berfformiad yr ysgol, ynghyd â barn benodol am y canlynol:

• llwyddiannau a safonau
• datblygiad a lles personol y disgyblion
• safon yr addysgu a'r dysgu
• sut mae'r cwricwlwm yn cael ei ddysgu
• y gofal, yr arweiniad a'r gefnogaeth a ddarperir gan yr ysgol
• y modd yr arweinir ac y rheolir yr ysgol

Seilir y farn ar raddfa o un i bedwar:

• un – eithriadol
• dau – da
• tri – boddhaol
• pedwar – annigonol

Mae'r adroddiad hefyd yn awgrymu beth y dylai'r ysgol ei wneud er mwyn gwella. Disgwylir i'r ysgol ddefnyddio awgrymiadau Ofsted yn sail i wneud gwelliannau mor fuan ag y bo modd.

• Arolygwyr Ofsted - cael gwybod mwy Opens new window

Proffil Ysgol

Bydd nifer o ysgolion yn rhoi adroddiad ar eu cynnydd yn y meysydd a nodwyd gan Ofsted mewn Proffil Ysgol blynyddol. Gan fod arolygon Ofsted yn cael eu cynnal unwaith bob tair blynedd, gallwch holi a oes gan y Proffil Ysgol blynyddol wybodaeth ddiweddarach.

Mwy o ddolenni defnyddiol

• Mynediad hwylus i ysgolion (adran pobl anabl)