Gwefan llywodraeth y DU

Os na chaiff eich plentyn le yn yr ysgol o’ch dewis

Bydd manylion ynghylch sut i apelio i'w gweld yn y llythyr derbyn a geir gan yr awdurdod lleol sy'n amlinellu ei gynnig. Yn y llythyr hefyd, nodir dyddiad cau ac mae'n rhaid i chi apelio erbyn y dyddiad hwnnw. Mewn rhai ardaloedd, efallai y cewch gyflwyno'ch apêl ar-lein.

Os nad yw'ch plentyn wedi cael lle mewn ysgol bydd angen i chi gysylltu â thîm derbyn eich awdurdod lleol. Gallant roi gwybod i chi pa ysgolion sydd â lleoedd gwag.

Proses apelio

Caiff apelau eu hystyried gan banel apêl annibynnol sy'n cynnwys rhwng tri a phum aelod o'r cyhoedd. Dim ond un apêl y gallwch ei wneud ar gyfer pob ysgol nad yw'n cynnig lle i'ch plentyn. Os oes mwy nag un ysgol yn gwrthod derbyn eich plentyn, gallwch wneud apelau ar wahân.

Dosbarthiadau babanod

Yn ôl y gyfraith, 30 o ddisgyblion ar y mwyaf a ganiateir fel arfer mewn dosbarthiadau babanod ac ynddynt blant pump, chwech a saith mlwydd oed.

Gellir gwrthod ceisiadau os yw holl ddosbarthiadau babanod yr ysgol wedi cyrraedd eu llawn faint yn ôl y gyfraith. Yn y math hwn o apêl, dim ond y canlynol y caiff y panel ei ystyried:

• Gwneud cais am le mewn ysgol: meini prawf derbyn

Pryd bydd eich apêl yn cael ei gynnal?

Rhaid i'r awdurdod derbyn ysgrifennu atoch o leiaf 10 diwrnod ysgol cyn y gwrandawiad i gadarnhau'r dyddiad. Gall mudiadau megis y Ganolfan Cyngor am Addysg (ACE) gynnig cyngor wrth i chi baratoi eich achos.

Cylch derbyn ysgolion uwchradd

Rhaid cynnal apelau ar gyfer ceisiadau prydlon (penderfyniadau a anfonwyd ar y diwrnod cynnig cenedlaethol) cyn 6 Gorffennaf. Os bydd 6 Gorffennaf ar benwythnos, rhaid eu cynnal ar y diwrnod gwaith nesaf.

Apelau ysgolion cynradd

Rhaid cynnal apelau cyn pen 40 diwrnod ysgol o gyflwyno'r apêl, neu cyn diwedd tymor yr haf - pa un bynnag yw'r cynharaf.

Apelau ar gyfer ceisiadau hwyr

Dylid cynnwys apelau o'r fath gyda'r apelau hynny a gynhelir ar gyfer yr un cylch derbyn. Fodd bynnag, os nad yw hyn yn ymarferol, rhaid cynnal apelau ar gyfer ceisiadau hwyr cyn pen 30 diwrnod ysgol o gyflwyno'r apêl.

Derbyn myfyrwyr chweched dosbarth mewn ysgolion

Rhaid cynnal apelau cyn pen 40 diwrnod ysgol o gyflwyno'r apêl.

Derbyn yn ystod y flwyddyn

Yn achos ceisiadau a wneir y tu allan i'r broses dderbyn wedi'i hamserlennu, rhaid cynnal gwrandawiadau cyn pen 30 diwrnod ysgol o gyflwyno'r apêl.

• Y Ganolfan Cyngor am Addysg Opens new window

Y gwrandawiad

Cam un

Bydd cynrychiolydd yr awdurdod derbyn yn esbonio i'r panel apêl y rhesymau dros wrthod eich cais.

Yn gyntaf, rhaid i'r panel ystyried a yw trefniadau derbyn cyhoeddedig yr ysgol yn cydymffurfio â gofynion gorfodol y Cod Derbyn i Ysgolion. Rhaid i'r panel hefyd benderfynu a ddefnyddiwyd y trefniadau derbyn yn briodol yn achos yr unigolyn.

• Gwneud cais am le mewn ysgol: meini prawf derbyn

Y penderfyniad

Rhaid i chi ac awdurdod derbyn yr ysgol blygu i benderfyniad y panel apêl - a dim ond y llysoedd all ei wyrdroi.

Bydd y panel yn anfon llythyr atoch chi a'r awdurdod derbyn o fewn saith niwrnod. Os bydd eich apêl yn llwyddo, cynigir lle yn yr ysgol i'ch plentyn. Os na fyddwch yn llwyddiannus, gallwch roi enw'ch plentyn ar restr aros.

Cwyno am y broses apelio

Os ydych yn anhapus ynghylch y modd y gweithredwyd y broses apelio, gallwch gwyno wrth yr Ombwdsmon Llywodraeth Leol. Er y gall argymell apêl o'r newydd, nid oes gan yr Ombwdsmon hawl i adolygu na gwyrdroi penderfyniad y panel apêl.

Os bydd newid yn eich amgylchiadau, efallai y gallwch wneud cais am gael apelio eto, os yw'r awdurdod derbyn yn credu bod y newid yn berthnasol i'ch cais.

• Cysylltu â'ch Ombwdsmon Llywodraeth Leol Opens new window

Yr Ysgrifennydd Gwladol dros Addysg

Cyrff annibynnol yw'r paneli apêl, felly ni all yr Ysgrifennydd Gwladol dros Addysg adolygu na gwyrdroi penderfyniadau paneli unigol. Y cyfan y gall ei wneud yw ystyried cwynion ynghylch a sefydlwyd y panel apêl yn gywir ai peidio gan yr awdurdod derbyn.

Mwy o ddolenni defnyddiol

• Apelio yn erbyn penderfyniad yn gwrthod lle mewn ysgol Opens new window

• Llwytho'r Cod Ymarfer ar gyfer Apelau Derbyniadau Ysgolion Opens new window

• Siarad â rhieni a gofalwyr eraill ynghylch addysg gynradd (Mumsnet) Opens new window

• Siarad â rhieni a gofalwyr eraill ynghylch addysg uwchradd (Mumsnet) Opens new window