Gwefan llywodraeth y DU

Cael gwybodaeth am ysgolion

Mae'n syniad da dechrau casglu gwybodaeth cyn gynted â phosibl, er mwyn i chi allu cynllunio ymweliadau ag ysgolion a gwneud ceisiadau mewn pryd. Efallai y byddai o fudd i chi wneud y canlynol:

Cysylltu â'ch awdurdod lleol

Mae eich awdurdod lleol yn ffynhonnell wybodaeth ddefnyddiol. Bob blwyddyn, mae awdurdodau lleol yn llunio llawlyfr prosbectws (sef y llyfryn 'Gwybodaeth i Rieni' yn y rhan fwyaf o ardaloedd). Mae'r llyfryn, a gyhoeddir fel arfer yn yr haf, ar gael am ddim i rieni. Bydd yn cynnwys manylion am nifer o feysydd pwysig, gan gynnwys:

Gallwch gael gafael ar gopi drwy gysylltu â'ch awdurdod lleol neu drwy godi un yn eich llyfrgell leol.

• Cysylltu â'ch awdurdod lleol

• Dod o hyd i lyfrgell gyhoeddus Opens new window

Cael gwybodaeth ar-lein

Gallwch gael gwybodaeth am ysgolion ar wefan eich awdurdod lleol. Bydd y dolenni isod yn gofyn i chi deipio ble'r ydych chi'n byw ac yna'n mynd â chi i'r tudalennau perthnasol ar wefan eich awdurdod lleol.

• Cael gwybod am lefydd mewn ysgolion cynradd Opens new window

• Cael gwybod am mefydd mewn ysgolion uwchradd Opens new window

Pa fath o ysgol sy'n gweddu orau i anghenion eich plentyn?

Ar ôl i chi ddod o hyd i rai ysgolion lleol a allai fod yn addas i'ch plentyn, gwnewch restr fer.

Cyn i chi wneud cais am ysgol, meddyliwch am bersonoliaeth eich plentyn a beth yw eu hanghenion. Hefyd ystyriwch anghenion eich teulu: fyddai'n well gennych ysgol sy'n gallu cynnig mynediad i ofal plant ar ôl yr ysgol? Mae pob plentyn yn wahanol, ac efallai y gwelwch chi nad yr ysgol sydd â'r enw gorau o reidrwydd yw'r dewis gorau i'ch plentyn.

• Mathau o ysgolion

• Cefnogi plant medrus a thalentog

• Anghenion addysgol arbennig

Oes gan eich plentyn ddiddordebau penodol?

Os ydyn nhw'n hoff iawn o chwaraeon neu bwnc penodol (megis mathemateg, ieithoedd, celf neu gerddoriaeth) efallai y byddwch am ystyried sut gall yr ysgol helpu i ddatblygu eu diddordebau. Er bod holl ysgolion y wladwriaeth yn dilyn y Cwricwlwm Cenedlaethol, mae rhai yn arbenigo ar bwnc arbennig. Ceir rhagor am Ysgolion arbenigol yn 'Mathau o ysgolion'.

• Mathau o ysgolion

Pa wasanaethau estynedig sy'n cael eu darparu gan yr ysgol?

Mae mwy a mwy o ysgolion yn cynnig gwasanaethau y tu allan i oriau arferol ysgol, megis clybiau brecwast neu glybiau ar ôl ysgol.

Yr ysgolion eu hun sy’n penderfynu pa wasanaethau estynedig i gynnig. I gael gwybodaeth ynghylch pa wasanaethau sy’n cael eu cynnig gan ysgol eich plentyn, dylech gysylltu â’r ysgol yn uniongyrchol.

• Ysgolion a gwasanaethau estynedig

Ymweld â'r ysgol

Os ydych chi'n meddwl bod ysgol yn gweddu i'ch plentyn, ewch i weld yr ysgol honno. Mae'r rhan fwyaf o ysgolion yn cael diwrnodau neu nosweithiau agored, sy'n rhoi cyfle da i weld ysgolion ar eu gorau, cael taith o amgylch yr ysgol, cwrdd â staff a chael golwg ar waith y plant Tra'ch bod chi yno, gofynnwch y canlynol i chi'ch hun:

• oes yna deimlad groesawgar yn yr ysgol, ac a ydy gwaith y plant sy'n cael ei arddangos yn creu argraff arnoch chi
• oes yna ddigon o offer yn yr ysgol - holwch ble mae'r disgyblion yn gwneud chwaraeon, a pha gyfleusterau cyfrifiaduron sydd ar gael
• sut bydd eich plentyn yn mynd i'r ysgol - meddyliwch am lwybrau diogel, cludiant a hyd y siwrnai (mae'n werth cofio bod siwrneiau hir yn gallu bod yn flinedig i blant a bod boreau a nosweithiau gaeafol yn dywyll ac oer)
• a oes gan yr ysgol Gymdeithas Rhieni ac Athrawon - mae'n bosib y bydd y Gymdeithas yn gallu rhoi mwy o wybodaeth i chi am yr ysgol a chyngor am y broses derbyn

Ceir mwy o wybodaeth am Gymdeithasau Rhieni ac Athrawon yn 'Bod yn rhan o addysg eich plentyn'.

• Perthynas rhiant-ysgol

• Cludiant ysgol am ddim

Data am berfformiad ysgolion ac adroddiadau Ofsted

Efallai hefyd yr hoffech ddarllen prosbectysau ysgolion unigol, data cyflawniad a chyrhaeddiad a'r adroddiadau diweddaraf am ysgolion gan Ofsted.

• Perfformiad ysgolion: canlyniadau profion ac adroddiadau Ofsted

Mwy o ddolenni defnyddiol

• Cefnogaeth yn yr ysgol (adran pobl anabl)

• Siarad â rhieni a gofalwyr eraill ynghylch addysg gynradd (Mumsnet) Opens new window

• Siarad â rhieni a gofalwyr eraill ynghylch addysg uwchradd (Mumsnet) Opens new window