Gwefan llywodraeth y DU

Y broses ymgeisio

Mae awdurdodau lleol yn cydlynu derbyniadau i bob un o ysgolion y wladwriaeth, hyd yn oed os nad yr awdurdod lleol yw awdurdod derbyn yr ysgol.

I wneud cais, dylech lenwi ffurflen gais gyffredin yr awdurdod lleol, ar-lein neu ar bapur. Bydd hon ar gyfer pob ysgol yn ardal yr awdurdod lleol hwnnw (a hefyd ar gyfer ceisiadau i ysgolion uwchradd mewn ardaloedd awdurdodau lleol eraill).

Dod o hyd i ysgolion yn eich ardal chi

Gallwch chwilio am ysgolion yn eich ardal chi drwy ddilyn y ddolen ‘Dod o hyd i ysgolion a Chanolfannau Plant Cychwyn Cadarn’.

Sut i wneud cais

Bydd ffurflen gais ar-lein yr awdurdod lleol (neu'r ffurflen gais bapur) yn gofyn i chi restru'ch hoff ysgolion. Efallai y gofynnir i chi nodi un neu ragor o ysgolion cynradd, ac ar gyfer ysgolion uwchradd cewch ddewis o leiaf dair ysgol. Polisi eich awdurdod lleol fydd yn pennu a allwch chi wneud cais i fwy na thair ysgol uwchradd.

I wneud cais am le mewn ysgol ar-lein, dilynwch un o'r dolenni isod ac wedyn teipio'ch cod post yn y man priodol. Byddwch wedyn yn mynd i'r dudalen berthnasol ar wefan eich awdurdod lleol.

• Gwneud cais am le mewn ysgol gynradd Opens new window

• Gwneud cais am le mewn ysgol uwchradd Opens new window

I gael copi o'r ffurflen gais ar bapur, cysylltwch â'ch awdurdod lleol.

• Cysylltu â'ch awdurdod lleol

Pryd i wneud cais

Gallwch wneud cais am le mewn ysgol unrhyw adeg, ac mae'n rhaid ystyried eich cais ar unwaith. Fodd bynnag, sicrhewch eich bod yn gwneud cais am le mewn ysgol mewn da bryd: mae'r broses dderbyn yn dechrau o gwmpas dechrau tymor yr hydref ar gyfer mynediad y mis Medi dilynol.

Holwch yr awdurdod lleol i weld erbyn pryd yn union y dylech gyflwyno'ch cais ynghyd â'r cyfeiriad cywir ar gyfer ei anfon. Mae hyn yn bwysig iawn. Os byddwch yn methu'r dyddiad cau, mae'n llai tebygol y cewch gynnig lle yn yr ysgol o'ch dewis.

• Cysylltu â'ch awdurdod lleol

Beth arall y bydd angen i chi ei wneud

Os byddwch chi'n gwneud cais am le i breswylio, mae'n bosib y gofynnir i chi ddod am gyfweliad neu i roi gwybodaeth ychwanegol gyda'ch cais er mwyn i'r awdurdod derbyn allu asesu pa mor addas yw'ch plentyn i breswylio.

Os bydd ysgol yn derbyn mwyn o geisiadau na nifer y llefydd sydd ar gael, bydd yr awdurdod derbyn yn rhoi ei 'feini prawf derbyn' cyhoeddedig ar waith er mwyn penderfynu pa blant a gaiff gynnig lle. Gall mathau penodol o ysgolion ofyn am fwy o wybodaeth er mwyn eu helpu i ddefnyddio'r meini prawf hyn:

• ar gyfer ysgolion ffydd, mae'n bosib y gofynnir i chi am eirda gan offeiriad neu weinidog crefyddol arall
• gall ysgolion sy'n defnyddio system 'fandio' i sicrhau eu bod yn derbyn disgyblion sydd ag ystod o alluoedd ofyn i'ch plentyn sefyll prawf
• gall ysgolion sy'n derbyn cyfran o ddisgyblion yn seiliedig ar eu gallu mewn pwnc penodol ofyn am asesiad, clyweliad neu brawf er mwyn cael syniad o botensial eich plentyn

Mae'n bosib y gofynnir i'ch plentyn hefyd sefyll prawf os byddwch chi'n gwneud cais i ysgol sy'n dewis disgyblion ar sail gallu, megis ysgolion gramadeg a rhai ysgolion annibynnol.

• Gwneud cais am le mewn ysgol: meini prawf derbyn

Newid ysgolion

Os byddwch chi'n symud tŷ a bod yn rhaid i chi newid ysgol eich plentyn, rhaid i chi fynd drwy'r broses dderbyn eto. Cysylltwch â'ch awdurdod lleol newydd i gael rhagor o wybodaeth. Dylech wneud hyn ymhell ymlaen llaw - mae'n bosibl y bydd rhai ysgolion yn eich ardal newydd eisoes yn llawn.

Disgyblion o dramor

Os yr ydych chi wedi symud i Loegr gyda’ch plentyn gallwch wneud cais iddynt fynychu ysgol a gynhelir neu academi yn ddifater o’i statws mewnfudo. Mae’n bosib y bydd hyn yn gymwys i:

• ymofynwyr noddfa sydd â phlant
• rhieni sydd ag absenoldeb cyfyngedig i ddod i mewn neu aros yn y DU
• athrawon sy’n dod i’r DU gyda’u plant ar gynllun cyfnewid athrawon

Fodd bynnag, mae rheolau gwahanol yn gweithredu mewn perthynas i’r rheiny sy’n gwneud ceisiadau ar gyfer plant sydd ddim yn byw yn y DU ar hyn o bryd. Mae’r rheolau hyn yn cael eu hesbonio yn Y Cod Derbyn i Ysgolion.

• Y Cod Derbyn i Ysgolion Opens new window

Apelio yn erbyn penderfyniad yn gwrthod lle mewn ysgol

Os ydych chi'n anhapus gyda'ch cynnig, yna mae gennych yr hawl i apelio i banel apêl annibynnol. Edrychwch yn 'Apelio yn erbyn penderfyniad yn gwrthod lle mewn ysgol' i gael gwybod mwy.

• Apelio yn erbyn penderfyniad yn gwrthod lle mewn ysgol

Mwy o ddolenni defnyddiol

• Cefnogaeth yn yr ysgol

• Siarad â rhieni a gofalwyr eraill ynghylch addysg gynradd (Mumsnet) Opens new window

• Siarad â rhieni a gofalwyr eraill ynghylch addysg uwchradd (Mumsnet) Opens new window