Gwefan llywodraeth y DU

Cynllunio a pharatoi

Dod o hyd i ysgol ar gyfer eich plentyn

Dod o hyd i ysgol yn eich ardal chi

Dechreuwch drwy chwilio ar-lein am ysgol yn eich ardal chi. Dilynwch y ddolen 'Dod o hyd i ysgolion a Chanolfannau Plant Cychwyn Cadarn’, a rhowch eich cod post yn y blwch priodol er mwyn dod o hyd i'r holl ysgolion yn eich ardal. Gallwch hefyd gysylltu â'ch awdurdod lleol a gofyn am restr o ysgolion yn eich ardal.

• Cysylltu â’ch awdurdod lleol

Cael gwybod mwy

Unwaith y byddwch yn gwybod pa ysgolion sydd yn eich ardal, ceisiwch gael gafael ar gymaint â phosibl o wybodaeth amdanynt. Bydd hyn yn rhoi gwell syniad i chi o ba ysgolion fydd orau ar gyfer eich plentyn. Er enghraifft, efallai yr hoffech:

• ymweld â'r ysgolion
• darllen adroddiadau diweddaraf Ofsted am yr ysgolion
• darllen llawlyfrau'r ysgolion a'r awdurdod lleol

• Dod o hyd i ysgol addas ar gyfer eich plentyn

• Perfformiad ysgolion: canlyniadau profion ac adroddiadau Ofsted

Gwneud cais am le mewn ysgol

Ar ôl i chi lunio rhestr fer o'r ysgolion sydd orau gennych, bydd hi'n bryd i chi wneud cais am le.

Meini prawf derbyn

Cyn cyflwyno'ch cais, mae'n bwysig iawn darllen meini prawf derbyn yr ysgol; mae gan wahanol ysgolion wahanol feini prawf. Os yw'r ysgol o'ch dewis yn boblogaidd, bydd y meini prawf derbyn yn rhoi syniad realistig i chi o siawns eich plentyn o gael lle yno.

• Gwneud cais am le mewn ysgol: meini prawf derbyn

Peidiwch â methu'r dyddiad cau

Mae'n rhaid i chi gyflwyno'ch cais erbyn dyddiadau penodol pwysig.

Mae'r dyddiadau'n amrywio o'r naill awdurdod lleol i'r llall felly mae'n werth holi eich awdurdod lleol ac anfon eich ffurflen neu wneud cais ar-lein mewn da bryd. Mae'n bwysig cofio y gallwch beryglu'ch cais os byddwch yn methu'r dyddiad cau.

• Gwneud cais am le mewn ysgol

Pryd fyddwch chi'n cael gwybod canlyniad eich cais

Ar gyfer ysgolion uwchradd, mae awdurdodau derbyn yn anfon llythyrau cynnig ar 1 Mawrth. Mae dyddiadau llythyrau cynnig ysgolion cynradd yn amrywio, felly mae'n werth holi eich awdurdod lleol.

Apelio yn erbyn penderfyniad yn gwrthod lle mewn ysgol

Weithiau, bydd mwy o blant yn gwneud cais am le mewn ysgol nag sydd o lefydd. Os na fydd eich plentyn yn llwyddo i gael lle yn eich dewis ysgol, bydd gennych hawl gyfreithiol i apelio. Mynnwch gael gwybod sut mae'r broses apelio'n gweithio a beth fydd yn digwydd unwaith y gwneir y penderfyniad.

• Apelio yn erbyn penderfyniad yn gwrthod lle mewn ysgol

Addysg i blant dan bump

Mae addysg i blant dan bump ar gael mewn meithrinfeydd, cylchoedd chwarae a dosbarthiadau derbyn. Mynnwch gael gwybod mwy am sut i annog eich plentyn i ddechrau dysgu a sut i'w paratoi ar gyfer eu diwrnod cyntaf yn yr ysgol.

• Dysgu cyn ysgol

Cymru, Gogledd Iwerddon a'r Alban

Os nad yw'r ysgol y mae gennych ddiddordeb ynddi yn Lloegr, rhowch gynnig ar y dolenni hyn:

• Cynghorau lleol yng Ngogledd Iwerddon

• Cynghorau lleol yn yr Alban

• Cynghorau lleol yng Nghymru

Mwy o ddolenni defnyddiol

• Ysgol a'r Cynllun Pontio (adran pobl anabl)

• Siarad â rhieni a gofalwyr eraill ynghylch addysg gynradd (Mumsnet) Opens new window

• Siarad â rhieni a gofalwyr eraill ynghylch addysg uwchradd (Mumsnet) Opens new window