Gwefan llywodraeth y DU

Pryd y gallech chi fod wedi talu gormod o dreth drwy eich gwaith?

Efallai y byddwch wedi talu gormod o dreth:

• os ydych wedi dechrau swydd newydd ac wedi cael cod treth brys am gyfnod
• os oedd eich cyflogwr yn defnyddio'r cod treth anghywir
• os oeddech yn gyflogedig am ran o'r flwyddyn yn unig
• os ydych yn fyfyriwr a dim ond wedi gweithio yn ystod y gwyliau a heb lenwi ffurflen P38S Myfyrwyr Cyflogedig
• os oedd gennych fwy nag un swydd ar yr un pryd
• os yw unrhyw incwm arall sydd gennych, a'n bod yn ei drethu drwy'ch cod treth ee incwm o gynilion/buddsoddiad, wedi lleihau ers i chi roi gwybod i Gyllid a Thollau EM yn ei gylch ddiwethaf - sy'n golygu bod swm yr incwm a gynhwysir yn eich cod treth yn rhy uchel
• os oeddech wedi rhoi'r gorau i weithio a heb gael unrhyw enillion na budd-daliadau trethadwy am weddill y flwyddyn dreth
• os newidiodd eich amgylchiadau - er enghraifft fe newidioch o fod yn gweithio'n llawn amser i ran-amser neu daethoch yn hunangyflogedig
• os cawsoch eich diswyddo
• derbynioch daliadau ar ôl gadael megis ôl-ddyledion tâl, taliadau yn lle rhybudd diswyddo, ôl-ddyledion tâl gwyliau, tâl dileu swydd neu daliadau terfynu gan gynnwys iawndal am golli swydd neu gyflogaeth

Codau treth a Thalu Wrth Ennill (PAYE)

Cyhoeddir eich cod treth gan Gyllid a Thollau EM a chaiff ei seilio ar wybodaeth sydd gan Gyllid a Thollau am eich incwm a'ch hawl i lwfansau. Fe welwch y cod ar eich Hysbysiad Cod PAYE. Anfonir hwn atoch fel arfer cyn dechrau'r flwyddyn dreth. Efallai caiff ei anfon atoch ar adegau eraill os bydd rhywbeth wedi newid.

Nid yw pawb yn cael Hysbysiad Cod, ond gellir dod o hyd i’r cod ar eich P45 neu eich slip cyflog hefyd. Mae'n dweud wrth eich cyflogwr beth yw eich lwfansau llog di-dreth a faint o dreth i'w ddidynnu o'ch cyflog cyn i chi gael eich talu. Gelwir y ffordd hon o dalu treth yn Talu Wrth Ennill.

Os oes gennych amryw swyddi neu waith a'ch bod yn cael pensiwn, efallai bod gennych fwy nag un cod treth. Mae'n bwysig gwybod beth mae'ch cod treth yn ei olygu fel y gallwch wneud yn siŵr eich bod yn talu'r swm cywir o dreth.

• Codau treth - gwybodaeth sylfaenol

• Os oes gennych fwy nag un cod treth

• Deall eich Hysbysiad Cod PAYE

Sut mae adhawlio gordaliadau Talu Wrth Ennill - eleni a blwyddyn ddiwethaf

Bydd y modd y byddwch yn adhawlio treth a gafodd ei ordalu eleni a blwyddyn ddiwethaf yn dibynnu ar eich amgylchiadau.

Os ydych yn gweithio

Dywedwch wrth Gyllid a Thollau EM pam eich bod yn meddwl eich bod wedi talu gormod o dreth. Efallai y bydd popeth sydd arnynt ei angen i wirio'ch hawliad ganddynt yn barod. Os na, cewch wybod pa ddogfennau i'w hanfon. Bydd unrhyw ad-daliad sy’n ddyledus eleni yn cael ei dalu gyda'ch cyflog. Bydd Cyllid a Thollau EM yn anfon unrhyw ad-daliad sy’n ddyledus ar gyfer blwyddyn ddiwethaf i chi.

• Cysylltu â Chyllid a Thollau EM Opens new window

Os ydych chi wedi dod yn ddi-waith neu wedi ymddeol

Os buoch chi'n gweithio ond eich bod wedi dod yn ddi-waith neu wedi ymddeol yn ddiweddar, darllenwch y canllaw isod i gael gwybod sut i hawlio eich ad-daliad treth.

• Sut mae hawlio ad-daliad treth pan fyddwch yn rhoi'r gorau i weithio

Sut mae adhawlio gordaliadau Talu Wrth Ennill – 2009-10 a blynyddoedd treth blaenorol

Ysgrifennwch at Gyllid a Thollau EM gan gynnwys dogfennau perthnasol am eich enillion yn ystod y flwyddyn dreth yr ydych yn hawlio ar ei chyfer, megis:

• P60, P45
• gwybodaeth am hanes eich cyflogaeth a budd-daliadau

Byddant yn ymchwilio i'ch ymholiad, yn cyfrifo faint sy'n ddyledus i chi ac yn anfon ad-daliad atoch yn y post.

Terfynau amser ar gyfer hawlio ad-daliad treth drwy PAYE

Yn y rhan fwyaf o achosion byddwch yn cael y dreth yr ydych wedi ei ordalu yn ôl ar yr amod eich bod yn hawlio ar amser.

Terfynau amser ar gyfer ad-hawlio treth PAYE

• Cysylltu â Chyllid a Thollau EM Opens new window

Sut mae adhawlio treth Hunanasesu a ordalwyd

Os ydych chi'n credu eich bod wedi talu gormod o dreth wrth Hunanasesu, cliciwch ar y ddolen isod er mwyn cael gwybod sut i'w adhawlio.
Os oes ad-daliad treth yn ddyledus i chi bydd Cyllid a Thollau EM yn ei ad-dalu un ai drwy:

• ei roi yn eich cyfrif Hunanasesu er mwyn ei ddefnyddio yn erbyn biliau treth yn y dyfodol
• drosglwyddiad banc
• siec
  

Terfynau amser ar gyfer hawlio ad-daliad treth drwy Hunanasesu

Mae’r terfynau amser ar gyfer hawlio ad-daliad yn cael eu dangos yn y tabl isod. Os nad ydych chi’n gwneud hawl o fewn y terfyn amser byddwch yn colli allan ar unrhyw ad-daliad sy’n ddyledus i chi. Ond os mae Cyllid a Thollau EM wedi gwneud camgymeriad gallwch gael amser ychwanegol.

Terfynau amser ar gyfer ad-hawlio treth drwy Hunanasesu

• Cywiro eich ffurflen dreth a hawlio unrhyw ad-daliad

Mwy o ddolenni defnyddiol

• Gweithio a thalu treth

• Adhawlio treth os ydych chi wedi gordalu drwy'ch pensiwn Opens new window

Cysylltiadau defnyddiol

• Cysylltiadau arian, treth a budd-daliadau

• Swyddfa Cyfraniadau Yswiriant Gwladol