Gwefan llywodraeth y DU

Pwy all gael Gostyngiad Taliadau Cynhaliaeth?

Gallwch gael Gostyngiad Taliadau Cynhaliaeth:

• os ganed chi neu'ch cyn-gymar neu'ch cyn-bartner sifil cyn 6 Ebrill 1935
• os ydych wedi gwahanu neu wedi ysgaru neu fod eich partneriaeth sifil wedi chwalu a chithau'n gwneud y taliadau dan Orchymyn Llys
• os yw'r taliadau ar gyfer cynnal eich cyn-gymar neu'ch cyn-bartner sifil (ar yr amod nad ydynt wedi ailbriodi neu mewn partneriaeth sifil newydd) neu ar gyfer eich plant o dan 21

Faint o ostyngiad Taliad Cynhaliaeth gallech ei gael?

Ar gyfer blwyddyn dreth 2012-13 gall ostyngiad Taliad Cynhaliaeth leihau eich bil treth gymaint â'r isaf o'r ddau swm canlynol:

• 10 y cant o £2,960 (£296) - bydd hwn yn berthnasol pan fyddwch yn talu Gostyngiad Taliad Cynhaliaeth o £2,960 neu fwy y flwyddyn
• 10 y cant o'r swm a delir i chi mewn gwirionedd - bydd hwn yn berthnasol pan fyddwch yn talu Gostyngiad Taliad Cynhaliaeth o lai na £2,960

Ni allwch hawlio gostyngiad treth ar gyfer unrhyw daliadau gwirfoddol y byddwch yn eu gwneud ar gyfer plentyn, cyn-gymar neu gynbartner sifil.

Gostyngiad Taliadau Cynhaliaeth - enghraifft a gyfrifwyd am y flwyddyn dreth 2012-13

Rydych yn 80, wedi ysgaru, mae gennych incwm trethadwy o £20,000 ac rydych yn talu £1,200 o daliad cynhaliaeth y flwyddyn i'ch cyn-gymar (£100 y mis):

• eich incwm trethadwy yw £20,000
• eich lwfans di-dreth yw £10,660 (Lwfans Personol ar sail oed ar gyfer pobl sy’n 75 mlwydd oed neu’n hŷn)
• tynnwch eich lwfans di-dreth (£10,660) oddi wrth eich incwm trethadwy (£20,000) - mae hynny'n eich gadael gydag incwm trethadwy o £9,340 a chyda bil treth o £1,868 (20 y cant o £9,340) - ond gallwch ddefnyddio'ch Gostyngiad Taliadau Cynhaliaeth i leihau'ch bil treth
• rydych chi'n talu cynhaliaeth o £1,200 felly mae £120 (10 y cant o £1,200) o ostyngiad treth yn ddyledus i chi
• tynnir y swm o'ch bil treth

Sut i hawlio Gostyngiad Taliadau Cynhaliaeth

Er mwyn hawlio Gostyngiad Taliadau Cynhaliaeth, cysylltwch â Chyllid a Thollau EM drwy glicio ar y drydedd ddolen isod.

Os ydych chi eisoes wedi hawlio Gostyngiad Taliadau Cynhaliaeth a'ch bod yn derbyn 'Hysbysiad Cod PAYE' bydd hwn yn rhoi gwybod i chi faint y byddwch yn ei gael.

Os ydych yn llenwi ffurflen dreth Hunanasesiad, bydd Cyllid a Thollau EM yn gofyn i chi gynnwys manylion eich cais am y Gostyngiad Taliad Cynhaliaeth.

• Deall eich Hysbysiad Cod PAYE

• A oes angen i chi gwblhau ffurflen dreth?

• Cysylltu â Chyllid a Thollau EM Opens new window

Os ydych chi'n derbyn taliadau cynhaliaeth

Ni fyddwch yn talu treth ar unrhyw daliadau cynhaliaeth y byddwch yn eu derbyn.

Mwy o ddolenni defnyddiol

• Oes rhaid i chi dalu treth ar ôl ymddeol? (adran pensiynau a chynllunio ar gyfer ymddeol)

• Lwfans Personol - dysgu mwy

• Lwfans Person Dall

Cysylltiadau defnyddiol

• Cysylltiadau arian, treth a budd-daliadau

• Swyddfa Cyfraniadau Yswiriant Gwladol