Gwefan llywodraeth y DU

Sut mae Lwfans Person Dall yn gweithio

Ychwanegir Lwfans Person Dall at eich Lwfans Personol di-dreth - felly mae'n swm ychwanegol o incwm y gallwch ei gael bob blwyddyn heb dalu treth. Os ydych chi ar incwm isel, neu os nad ydych chi'n talu treth o gwbl hyd yn oed, efallai y gallwch drosglwyddo'ch Lwfans Person Dall i'ch cymar neu'ch partner sifil - gweler yr adran am drosglwyddo isod.

Lefel y Lwfans Person Dall

Y Lwfans Person Dall ar gyfer blwyddyn dreth 2012-13 yw £2,100 - does dim cyfyngiadau o ran oed nac incwm. Felly, er enghraifft, os ydych chi'n 58 oed, wedi'ch cofrestru'n ddall gyda'ch awdurdod lleol a bod gennych:

• gyflog blynyddol o £12,000
• Lwfans Personol o £8,105
• Lwfans Person Dall o £2,100

Dim ond ar £1,795 (£12,000 tynnu £8,105 a £2,100) y bydd yn rhaid i chi dalu treth.

Os ydych chi a'ch cymar neu'ch partner sifil yn gymwys i gael Lwfans Person Dall, gall y ddau ohonoch gael lwfans.

• Gweld lwfansau a chyfraddau Treth Incwm am y flwyddyn dreth 2012-13 ar wefan Cyllid a Thollau EM Opens new window

• Lwfans Personol – dysgu mwy

Sut y byddwch chi'n cael Lwfans Person Dall

Os ydych chi'n credu y gallech hawlio Lwfans Person Dall cysylltwch â Chyllid a Thollau EM ar eu rhif ffôn blaenoriaeth 0845 366 7887. Mae'r llinellau ar agor rhwng 8.00 am ac 8.00 pm o ddydd Llun i ddydd Gwener, a rhwng 8.00 am a 4.00 pm ar ddydd Sadwrn.

Trosglwyddo'ch Lwfans Person Dall i'ch cymar neu'ch partner sifil

O s nad yw eich bil treth yn ddigon uchel i ddefnyddio'ch Lwfans Person Dall i gyd, gallwch ofyn i Gyllid a Thollau EM drosglwyddo unrhyw lwfans nas defnyddiwyd i’ch cymar neu’ch partner sifil. Gallwch wneud hyn drwy:

• lenwi ffurflen 575 ‘Hysbysiad o drosglwyddo lwfansau Treth Incwm nad oes eu hangen’
• ffonio Cyllid a Thollau EM ar 0845 366 7887 – mae llinellau ar agor rhwng 8.00 am a 8.00 pm, o ddydd Llun i ddydd Gwener a 8.00 am a 4.00 pm, ar ddydd Sadwrn

Os ydych chi’n gwneud hawl i gael treth yn ôl ar ffurflen R40 gallwch hefyd gwneud cais am ffurflen 575 drwy dicio’r blwch priodol.

Os nad ydych chi'n talu treth a bod eich cymar neu'ch partner sifil yn gwneud hynny, gallwch ddal i drosglwyddo'ch lwfans nas defnyddiwyd iddynt.

Os gallwch hefyd hawlio Lwfans Pâr Priod, byddwch yn gallu trosglwyddo’r lwfans hwn i’ch i’ch cymar neu bartner sifil ar yr un adeg.

• Lwfans Pâr Priod (yn cynnwys partneriaethau sifil)

• Ffurflen 575 - Hysbysiad o drosglwyddo lwfansau Treth Incwm nad oes eu hangen Opens new window

• Mwy o wybodaeth am bartneriaethau sifil ar wefan yr uned Menywod a Chydraddoldeb Opens new window

Mwy o ddolenni defnyddiol

• Cynllunio ar gyfer ymddeol (adran pensiynau a chynllunio ar gyfer ymddeol)

• Oes rhaid i chi dalu treth ar ol ymddeol? (adran pensiynau a chynllunio ar gyfer ymddeol)

• Ad-daliadau treth ac adhawlio treth os ydych wedi talu gormod

• Sut mae delio â Chyllid a Thollau EM ar ran rhywun arall

• Mwy o wybodaeth am weithio a thalu treth

Cysylltiadau defnyddiol

• Cysylltiadau arian, treth a budd-daliadau

• Swyddfa Cyfraniadau Yswiriant Gwladol