Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Arian, treth a budd-daliadau

Arian, treth a budd-daliadau

Cyfraddau Budd-dal Plant

Cewch Fudd-dal Plant cyfradd uwch ar gyfer eich plentyn hynaf neu'ch unig blentyn, a chyfradd is ar gyfer unrhyw blant ychwanegol. Mae Lwfans Gwarcheidwad yn swm ychwanegol y gall rhai pobl ei gael ar ben y Budd-dal Plant.

Faint fyddwch chi’n ei gael?

Bydd swm eich Budd-dal Plant yn dibynnu ar:

  • faint o blant y mae gennych yr hawl i gael Budd-dal Plant ar eu cyfer
  • cyfraddau presennol y Budd-dal Plant

Pan fyddwch yn dechrau cael Budd-dal Plant byddwch yn cael eich talu'r gyfradd am y flwyddyn bresennol.

Mae'r cyfraddau cyfredol fel a ganlyn:

Ar gyfer pwy mae’r lwfans

 Swm wythnosol presennol

Y plentyn hynaf neu'r unig blentyn

£20.30
Plant ychwanegol - fesul plentyn £13.40

Gwarcheidwad - fesul plentyn

£15.55

O 6 Ebrill 2011, bydd y cyfraddau Budd-dal Plant yn aros yr un peth am dair blynedd.

Beth sy'n digwydd os bydd dau deulu'n uno?

Dim ond un plentyn yn eich teulu sy'n gymwys ar gyfer y Budd-dal Plant cyfradd uwch. Os bydd dau deulu yn uno gyda'i gilydd, y plentyn hynaf sy'n gymwys i gael y gyfradd uwch. Os oes gennych yr hawl i gael Budd-dal Plant ar gyfer unrhyw un o'r plant eraill yn y teulu newydd, byddwch yn cael cyfradd is ar gyfer pob un ohonynt.

Beth sy’n digwydd os bydd teulu’n chwalu?

Os bydd teulu’n chwalu gallwch gael cyfradd uwch ar gyfer y plentyn hynaf, ar yr amod eich bod yn gymwys i gael Budd-dal Plant ar ei gyfer.

Er enghraifft, mae gennych dau o blant ac y mae un yn aros gyda chi, a’r llall yn mynd i fyw gyda’ch cyn-bartner. Byddwch yn derbyn y gyfradd uwch am y plentyn sy’n byw gyda chi. Wedyn os yw’ch cyn-bartner yn hawlio am y plentyn arall, byddant yn derbyn y gyfradd uwch am y plentyn hwnnw. Ond os mae’r ddau ohonoch yn penderfynu hawlio am yr un plentyn, dim ond un ohonoch bydd yn gallu hawlio Budd-dal Plant ar ei gyfer.

Beth sy'n digwydd os ydych yn credu eich bod wedi cael y swm anghywir?

Os ydych yn credu bod faint o Fudd-dal Plant yr ydych yn ei gael yn anghywir, naill ai yn ormod neu nad yw'n ddigon, rhowch wybod i’r Swyddfa Budd-dal Plant ar unwaith. Gallwch wneud hyn ar-lein drwy ddilyn y ddolen isod.

Fel arall, gallwch ffonio’r Llinell Gymorth Budd-dal Plant.

Gall y Swyddfa Bull-dal Plant ateb mewn fformat arbennig os gofynnwch iddynt, fel Braille, tâp sain neu brint bras.

Os nad ydych wedi cael digon

Os na fydd y Swyddfa Budd-dal Plant wedi talu digon i'ch cyfrif, byddant yn rhoi taliad arall i chi neu'n ychwanegu'r arian sy'n ddyledus i chi at eich taliad nesaf. Y naill ffordd neu'r llall, byddant yn cysylltu â chi i adael i chi wybod beth maent yn mynd i'w wneud.

Os ydych wedi cael gormod

Os na fyddwch yn rhoi gwybod i’r Swyddfa Budd-dal Plant am newid yn eich amgylchiadau, efallai y byddant yn talu gormod o arian i chi. Os digwydd hyn, efallai y bydd yn rhaid i chi dalu'r arian ychwanegol yn ôl.

Mwy o ddolenni defnyddiol

Cysylltiadau defnyddiol

Darparwyd gan HM Revenue and Customs

Yn yr adran hon...

Allweddumynediad llywodraeth y DU