Gwefan llywodraeth y DU

Newid manylion eich cyfrif – pethau i holi yn eu cylch

Cyn i chi ddweud wrth y Swyddfa Budd-dal Plant am y newid, gwnewch yn siŵr bod y cyfrif yn enw un o'r canlynol:

• eich enw chi
• enw eich partner
• eich enw chi ac enw'ch partner
• enw'r sawl sy'n gweithredu ar eich rhan
• eich enw chi ac enw'r sawl sy'n gweithredu ar eich rhan

Mae rhai cyfrifon yn anaddas ar gyfer taliadau Budd-dal Plant, er enghraifft Cyfrif Cronfa Ymddiriedolaeth Plant neu ISA (Cyfrifon Cynilo Unigol).

• Sut y caiff Budd-dal Plant, credydau treth a Lwfans Gwarcheidwad eu talu

Newid manylion eich cyfrif ar-lein

Un o’r ffyrdd cyflymaf a mwyaf diogel o ddweud wrth y Swyddfa Budd-dal Plant am newid ym manylion eich cyfrif yw llenwi ffurflen ar-lein – gallwch wneud hyn drwy ddilyn y ddolen isod.

Cyn i chi lenwi'r ffurflen, bydd angen manylion eich cyfrif newydd a’ch rhif Yswiriant Gwladol. Byddai’n ddefnyddiol hefyd i chi gael eich rhif Budd-dal Plant.

Bydd y Swyddfa Budd-dal Plant yn anfon e-bost i gadarnhau eu bod wedi cael eich ffurflen ar-lein.

• Dweud wrth y Swyddfa Budd-dal Plant ar-lein eich bod am newid eich manylion banc neu gymdeithas adeiladu Opens new window

Ffyrdd eraill o newid manylion eich cyfrif

Gallwch hefyd gysylltu â’r Swyddfa Budd-dal Plant i roi gwybod iddynt ynghylch newid i fanylion eich cyfrif drwy:

• ffonio’r Llinell Gymorth Budd-dal Plant
• ysgrifennu at y Swyddfa Budd-dal Plant

Pan fyddwch yn cysylltu â’r Swyddfa Budd-dal Plant, bydd angen roi’ch rhif Budd-dal Plant iddynt.

Gall y Swyddfa Budd-dal Plant ateb mewn fformat arbennig, fel Braille, tâp sain neu fras, os gofynnwch iddynt.

• Manylion cysylltu am Fudd-dal Plant Opens new window

Mwy o ddolenni defnyddiol

• Cael Budd-dal Plant ar ran rhywun arall

Cysylltiadau defnyddiol

• Cysylltiadau arian, treth a budd-daliadau