Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Arian, treth a budd-daliadau

Budd-dal Plant - pa newidiadau y bydd angen i chi roi gwybod amdanynt

Os bydd unrhyw newid yn eich amgylchiadau, mae'n bwysig i chi roi gwybod i'r Swyddfa Budd-dal Plant cyn gynted â phosib. Bydd hyn yn sicrhau y cewch yr arian yr ydych yn gymwys i'w gael heb unrhyw oedi, a hefyd nad ydych yn cael gormod o arian ac yna'n gorfod talu rhywfaint ohono'n ôl.

Newidiadau yn ymwneud â chi

Gall rhai newidiadau yn eich amgylchiadau effeithio ar eich hawl i gael Budd-dal Plant. Mae'n rhaid i chi roi gwybod i'r Swyddfa Budd-dal Plant cyn gynted â phosib os bydd unrhyw un o'r canlynol yn newid.

Math o newid	Rhaid i chi roi gwybod i'r Swyddfa Budd-dal Plant:
Newidiadau teuluol	os byddwch chi'n priodi, yn ffurfio partneriaeth sifil, neu'n dechrau byw gyda phartner, a bod y ddau ohoonoch yn cael Budd-dal Plant os byddwch yn rhoi'r gorau i fyw gyda phartner a bod y ddau ohonoch yn cael Budd-dal Plant os byddwch chi'n cael babi os bydd plentyn arall yn dod i fyw gyda chi os byddwch yn dechrau cael eich talu gan awdurdod lleol, neu yng Ngogledd Iwerddon gan Fwrdd neu Ymddiriedolaeth Iechyd a Gwasanaethau Cymdeithasol, ar gyfer plentyn yr ydych yn gofalu amdano
Newidiadau i gyfrif banc, enw neu gyfeiriad	os ydych am i'r Budd-dal Plant gael ei dalu i gyfrif arall os ydych wedi newid eich enw neu'ch cyfeiriad
Cyfraniadau ar gyfer plentyn yn newid neu'n dod i ben	os byddwch yn rhoi'r gorau i dalu arian neu wneud cyfraniadau ar gyfer plentyn nad yw'n byw gyda chi neu sydd yn yr ysbyty am fwy nag 84 diwrnod os byddwch yn mynd i'r ysbyty neu'r carchar am fwy nag wyth wythnos a’ch bod yn rhoi'r gorau i wneud cyfraniadau ar gyfer eich plentyn
Absenoldeb o'r DU	os byddwch chi neu'ch partner yn gadael y DU yn barhaol neu am fwy na 52 wythnos os byddwch yn gadael y DU dros dro am fwy nag wyth wythnos, neu fwy na deuddeg wythnos oherwydd eich bod chi neu aelod o'ch teulu yn sâl, neu wedi marw os byddwch yn colli'r hawl i breswylio yn y DU mae eich statws mewnfudo yn cael ei newid gan y Swyddfa Gartref
Newidiadau eraill	os byddwch chi neu'ch partner yn dechrau talu cyfraniadau nawdd cymdeithasol, neu'n cael budd-dal nawdd cymdeithasol, gan wlad dramor os byddwch yn gadael Prydain Fawr i fynd i fyw i Ogledd Iwerddon yn barhaol, neu'n gadael Gogledd Iwerddon i fynd i fyw i Brydain Fawr yn barhaol

Sut i newid manylion eich cyfrif banc ar gyfer taliadau Budd-dal Plant

Newidiadau yn ymwneud â'ch plentyn

Gall rhai newidiadau yn amgylchiadau'ch plentyn effeithio ar eich hawl i gael Budd-dal Plant. Mae'n rhaid i chi roi gwybod i'r Swyddfa Budd-dal Plant cyn gynted â phosib os bydd unrhyw un o'r canlynol yn newid.

Math o newid	Rhaid i chi roi gwybod i'r Swyddfa Budd-dal Plant os yw'ch plentyn:
Newidiadau o ran addysg neu hyfforddiant eich plentyn	yn gadael addysg berthnasol ac yn dechrau gweithio o leiaf 24 awr yr wythnos, a'u bod yn cael cyflog neu'n disgwyl cael cyflog yn gadael addysg neu hyfforddiant perthnasol yn gynharach na'r dyddiad a roesoch i'r Swyddfa Budd-dal Plant yn aros mewn addysg berthnasol ar ôl y dyddiad y rhoesoch wybod i'r Swyddfa Budd-dal Plant y byddai'n gadael yn dechrau addysg berthnasol sydd wedi'i darparu gan gyflogwr neu fel rhan o unrhyw swydd neu rôl arall sydd ganddynt yn 15 oed neu'n hŷn ac yn methu mynd i'r ysgol, i'r coleg neu i hyfforddiant perthnasol yn cwtogi'r amser y mae'n ei dreulio yn astudio dan oruchwyliaeth mewn ysgol neu goleg i 12 awr neu lai yn dechrau cwrs addysg uwch sy'n arwain at gymhwyster fel gradd yn dechrau cael ei addysgu gartref a'i fod yn 16 oed neu'n hŷn yn dechrau ar hyfforddiant perthnasol a ddarperir gan ei gyflogwr yn dechrau ar gwrs hyfforddiant nad yw wedi'i gymeradwyo
Mae eich plentyn oddi cartref	wedi byw oddi cartref am fwy na 56 diwrnod mewn unrhyw gyfnod o 16 wythnos wedi bod dan ofal awdurdod lleol (Bwrdd neu Ymddiriedolaeth Iechyd a Gwasanaethau Cymdeithasol yng Ngogledd Iwerddon), mudiad gwirfoddol, neu wedi'i gadw mewn llety diogel neu lety heb ei ddiogelu am o leiaf un diwrnod bob wythnos yn ystod yr wyth wythnos diwethaf yn gadael y DU yn barhaol neu am fwy na 52 wythnos yn gadael y DU dros dro am fwy na 12 wythnos yn gadael Prydain Fawr i fynd i fyw i Ogledd Iwerddon yn barhaol, neu'n gadael Gogledd Iwerddon i fynd i fyw i Brydain Fawr yn barhaol mewn ysbyty neu ofal preswyl am 12 wythnos neu fwy oherwydd ei fod yn sâl neu'n anabl ac na fyddwch yn gwario arian arno'n rheolaidd
Newidiadau eraill	yn newid ei enw yn dechrau cael budd-daliadau ei hun yn priodi, yn ffurfio partneriaeth sifil neu'n dechrau byw gyda phartner yn cael ei gadw’n gaeth dan y gyfraith am fwy nag wyth wythnos yn mynd ar goll

Cael gwybod mwy am Fudd-dal Plant os yw eich plentyn mewn addysg neu hyfforddiant

Os bydd eich plentyn yn marw

Os bydd eich plentyn yn marw, bydd angen i chi roi gwybod i'r Swyddfa Budd-dal Plant. Bydd hyn yn gyfnod anodd i chi, ond fel arfer gallant barhau i dalu Budd-dal Plant i chi am hyd at wyth wythnos ar ôl y dyddiad y bu farw eich plentyn. Gall hyn helpu gyda'r costau ychwanegol y byddwch yn eu hwynebu yn ystod y cyfnod hwn.