Gwefan llywodraeth y DU

Os mai chi sydd bellach yn gyfrifol am y plentyn

Rhowch wybod i'r Swyddfa Budd-dal Plant cyn gynted â phosib am farwolaeth rhiant neu rieni’r plentyn.

Bydd angen i chi roi gwybod i’r Swyddfa:

• union ddyddiad y farwolaeth
• lle mae'r plentyn neu'r plant yn byw nawr
• pwy sy'n gofalu amdanynt

Gallwch wneud hyn:

• ar-lein – dilynwch y ddolen isod
• drwy ffonio’r Llinell gymorth Budd-dal Plant
• drwy ysgrifennu at y Swyddfa Budd-dal Plant

• Rhoi gwybod i'r Swyddfa Budd-dal Plant ar-lein os yw rhiant neu rieni plentyn wedi marw Opens new window

• Manylion cyswllt am Fudd-dal Plant Opens new window

Bydd hefyd angen i chi wneud hawl Budd-dal Plant ar ran eich hun am y plentyn. Mae’n werth gwybod ni all y Swyddfa Budd-dal Plant ôl-ddyddio eich taliadau Budd-dal Plant fwy na thri mis ar ôl y dyddiad iddo gael eich cais.

• Sut i hawlio Budd-dal Plant

Os yw'ch partner wedi marw ac mai nhw oedd yn cael y Budd-dal Plant

Os yw'ch partner wedi marw ac mai nhw oedd yn cael y taliadau Budd-dal Plant, ni fydd y taliadau'n cael eu trosglwyddo i chi yn awtomatig. Byddant yn cael eu hatal ar y dydd Llun ar ôl marwolaeth eich partner.

Os mai chi sydd bellach yn gofalu am y plentyn neu'r plant, dylech lenwi ffurflen hawlio Budd-dal Plant.

Bydd angen i chi hawlio hyd yn oed os oeddech yn 'dalai amgen' – rhywun y gellir talu’r taliadau Budd-dal Plant iddynt yn lle'r sawl a oedd yn ei hawlio yn y lle cyntaf.

• Sut i hawlio Budd-dal Plant

Os ydych chi eisoes yn cael Budd-dal Plant

Os mai chi sy'n cael y Budd-dal Plant a bod eich partner wedi marw, bydd y Swyddfa Budd-dal Plant yn parhau i wneud taliadau i'ch cyfrif banc chi. Ond mae'n bwysig rhoi gwybod i’r Swyddfa os oedd y taliadau yn mynd i gyfrif banc a oedd yn enw'ch partner yn unig.

Os oeddent, bydd angen i chi roi manylion cyfrif banc neu gymdeithas adeiladu wahanol i'r Swyddfa Budd-dal Plant fel y gall ddechrau talu i'r cyfrif hwnnw. Bydd hyn yn sicrhau y gallwch barhau i dynnu arian eich budd-dal o'ch cyfrif.

• Sut mae newid manylion eich cyfrif banc ar gyfer taliadau Budd-dal Plant

Budd-daliadau eraill y gallech fod yn gymwys i’w cael

Os ydych yn cael Budd-dal Plant, efallai y gallech gael rhai budd-daliadau eraill hefyd.

Lwfans Gwarcheidwad

Telir Lwfans Gwarcheidwad i bobl sy'n magu plentyn oherwydd bod un o rieni'r plentyn, neu'r ddau ohonynt, wedi marw.

Nid oes yn rhaid i chi fod yn warcheidwad cyfreithlon i'r plentyn er mwyn cael y lwfans, ond mae'n rhaid eich bod yn cael Budd-dal Plant ar ei gyfer.

• Lwfans Gwarcheidwad – cael gwybod mwy

Lwfans Rhiant Gweddw

Os ydych chi’n rhiant a bod eich gŵr, eich gwraig, neu’ch partner sifil wedi marw a bod gennych blentyn sy'n ddibynnol arnoch, gallech gael Lwfans Rhiant Gweddw.

Mae’n rhaid eich bod yn cael Budd-dal Plant ar gyfer y plentyn er mwyn cael y lwfans.

• Manylion y Lwfans Rhiant Gweddw

Os yw’r sawl sy'n cael y Budd-dal Plant a'r plentyn yn marw

Os ydych chi'n bartner i rywun sydd wedi marw a bod ei b/phlentyn wedi marw hefyd, gallwch fel arfer gael taliadau Budd-dal Plant am wyth wythnos ar ôl i'r plentyn farw. Mae’n rhaid eich bod wedi bod yn byw gyda'ch cymar ar yr adeg pan fuont farw.

Bydd angen i chi wneud cais am Fudd-dal Plant ar gyfer yr wythnosau hyn. Byddwch yn gwneud hyn ar ffurflen CH330A sydd ar gael o'r Swyddfa Budd-dal Plant. Gallwch wneud cais am un ar-lein, neu gallwch ffonio’r Llinell gymorth Budd-dal Plant.

• Anfon cais ar-lein am ffurflen CH330A

• Manylion cyswllt am y Llinell gymorth Budd-dal Plant Opens new window

Os oes gennych blant eraill a'ch bod yn dymuno hawlio Budd-dal Plant ar eu cyfer, bydd angen i chi lenwi ffurflen gais Budd-dal Plant newydd ar eu cyfer.

• Sut i hawlio Budd-dal Plant

Talu ôl-daliadau Budd-dal Plant

Bydd yn rhaid i'r sawl a fydd yn hawlio’r ôl-daliadau fod yn 16 mlwydd oed neu'n hŷn a gallai fod yn un o'r canlynol:

• ysgutor y sawl sydd wedi marw
• y sawl a dalodd am yr angladd
• perthynas agosaf y sawl sydd wedi marw
• rhywun a fydd yn gwario'r arian ar y plant

Os mai chi fydd yn hawlio’r ôl-daliadau sydd heb eu talu, bydd angen i chi wneud hynny cyn pen 12 mis ar ôl y dyddiad pan fu'r unigolyn farw. Byddwch yn hawlio ar ffurflen CH330 sydd ar gael gan y Swyddfa Budd-dal Plant. Gallwch hefyd anfon cais ar-lein i gael y ffurflen wedi'i hanfon atoch chi.

• Anfon cais ar-lein am ffurflen CH330 i hawlio ôl-daliadau Budd-dal Plant

• Manylion cyswllt am y Llinell gymorth Budd-dal Plant Opens new window

Cysylltiadau defnyddiol

• Cysylltiadau arian, treth a budd-daliadau

• Manylion cyswllt am y Llinell gymorth Budd-dal Plant Opens new window