Gwefan llywodraeth y DU

Ceisio penderfynu pwy sy'n cael y Budd-dal Plant

Os ydych chi'n gyfrifol am blentyn, gallwch hawlio Budd-dal Plant. Ond efallai fod rhywun arall yn talu tuag at gost gofalu am y plentyn a'u bod hwythau yn dymuno hawlio hefyd.

Er enghraifft, os yw eich plentyn:

• yn byw gyda pherthynas ond mai chi sy'n talu am ei gynnal
• yn byw gyda chi ond bod eich partner nad yw'n byw gyda chi yn talu tuag at ofalu am eich plentyn
• yn treulio rhan o'r wythnos gyda chi a rhan o'r wythnos gyda rhywun arall

Os ydych chi ac unigolyn arall yn dymuno hawlio Budd-dal Plant, mae'n well i chi drefnu rhwng eich gilydd pwy ddylai hawlio.

Fel arfer, bydd y Budd-dal Plant yn cael ei dalu i'r sawl y mae'r plentyn yn byw gydag ef. Ystyrir bod plentyn yn byw gyda chi fel arfer hyd yn oed os byddant oddi cartref am gyfnod byr. Bydd hyn ar yr amod nad yw hynny'n fwy na 56 diwrnod mewn unrhyw gyfnod o 16 wythnos.

• Budd-dal Plant os yw'ch plentyn yn byw gyda rhywun arall

Os ydych chi neu'ch partner yn gweithio'n rhan-amser neu ddim yn gweithio o gwbl

Mae'n bosib nad ydych chi - neu'ch partner - yn gweithio digon o oriau i dalu'r cyfraniadau Yswiriant Gwladol yn llawn.

Felly, efallai y byddai'n well i'r unigolyn hwnnw hawlio Budd-dal Plant, oherwydd gall hyn helpu i ddiogelu eu hawl i Bensiwn y Wladwriaeth.

• Sut y gall hawlio Budd-dal Plant ddiogelu'ch Pensiwn y Wladwriaeth

Rydych eisoes yn cael Budd-dal Plant ac mae rhywun arall yn hawlio ar gyfer yr un plentyn

Efallai eich bod eisoes yn cael Budd-dal Plant a bod rhywun arall yn penderfynu hawlio hefyd. Er enghraifft:

• mae eich plentyn yn byw gyda pherthynas a'r perthynas hwnnw'n penderfynu hawlio
• mae'ch plentyn yn byw gyda chi ac mae person arall yn dechrau talu tuag at gynnal y plentyn

Mewn rhai achosion ni fyddwch yn ymwybodol o'r hawliad arall hwn nes bydd y Swyddfa Budd-dal Plant yn ysgrifennu atoch i ddweud eu bod wedi cael yr hawliad. Ni fydd modd iddynt ddweud wrthych pwy sydd wedi gwneud yr hawliad. Ond os ydych chi'n gwybod bod rhywun arall wedi gwneud cais am Fudd-dal Plant, ceisiwch benderfynu gyda'ch gilydd pwy ddylai gael y taliad.

Os byddwch yn penderfynu nad oes arnoch eisiau parhau â'ch hawliad, rhowch wybod i'r Swyddfa Budd-dal Plant cyn gynted â phosib. Gallwch roi wybod iddynt ar-lein drwy ddefnyddio’r ddolen isod, neu gallwch ffonio’r Llinell Gymorth Budd-dal Plant.

• Cysylltwch â’r Llinell Gymorth Budd-dal Plant

• Rhoi gwybod ar-lein i’r Swyddfa Budd-dal Plant nad ydych chi am barhau â’ch hawl Opens new window

Os na allwch benderfynu pwy ddylai gael y taliad a bod y ddau ohonoch yn dal yn dymuno hawlio, bydd y Swyddfa Budd-dal Plant yn penderfynu pwy y byddant yn ei dalu. Os byddant yn penderfynu y bydd rhywun arall yn cael y Budd-dal Plant, bydd eich taliadau chi yn dod i ben.

Os na allwch benderfynu pwy ddylai gael y Budd-dal Plant

Os ydych chi a'r unigolyn arall wedi gwneud hawliad, efallai na fyddwch yn gallu penderfynu pwy ddylai gael y Budd-dal Plant. Yn yr achos hwn, efallai y bydd yn rhaid i'r Swyddfa Budd-dal Plant benderfynu i bwy y byddant yn talu'r budd-dal. Byddant yn cysylltu â chi am ragor o wybodaeth.

Ni fydd y penderfyniad ynghylch pwy gaiff y Budd-dal Plant o reidrwydd yr un fath a'r penderfyniad ynghylch pwy gaiff y credydau treth - os ydych chi'n cael nhw.

Os ydych yn credu bod penderfyniad y Swyddfa Budd-dal Plant yn anghywir

Os ydych yn anghytuno ynghylch pwy ddylai gael y taliad, gallwch ofyn i’r Swyddfa Budd-dal Plant am eglurhad o sut y gwnaethant y penderfyniad.

• Problemau gyda'ch Budd-dal Plant - ble i ddechrau

Newid eich meddwl ynghylch pwy sy'n cael Budd-dal Plant

Os oes arnoch eisiau i rywun arall hawlio Budd-dal Plant, er enghraifft i helpu i ddiogelu eu pensiwn, bydd angen i chi ddweud wrth y Swyddfa Budd-dal Plant:

• eich bod chi am roi’r gorau i gael Budd-dal Plant
• bod arnoch eisiau i rywun arall ei gael yn lle – bydd rhaid i’r unigolyn hwnnw wneud cais newydd am Fudd-dal Plant

Os byddwch yn newid eich meddwl eto nes ymlaen gallwch wneud cais arall am Fudd-dal Plant.

• Sut y gall hawlio Budd-dal Plant ddiogelu'ch Pensiwn y Wladwriaeth

• Cysylltu â’r Swyddfa Budd-dal Plant

• Rhoi gwybod ar-lein i’r Swyddfa Budd-dal Plant eich bod am roi’r gorau i dderbyn Budd-dal Plant Opens new window

Os yw'ch amgylchiadau wedi newid

Os bydd eich amgylchiadau yn newid, er enghraifft bod eich plentyn yn mynd i fyw gyda rhywun arall, bydd yn rhaid i chi ddweud wrth y Swyddfa Budd-dal Plant ar unwaith.

• Budd-dal Plant - pa newidiadau y bydd angen i chi roi gwybod amdanynt

Mwy o ddolenni defnyddiol

• Budd-dal Plant - a ydych yn gymwys?

• Sut i hawlio Budd-dal Plant

• Mae gennych chi blant - allwch chi gael credydau treth?

Cysylltiadau defnyddiol

• Swyddfa Budd-dal Plant