Gwefan llywodraeth y DU

Ble i ddod o hyd i’ch rhif Budd-dal Plant

Mae’ch rhif Budd-dal Plant yn cynnwys wyth llythyren a dau rif, er enghraifft, CHB12345678 AB. Bydd modd i chi gael eich rhif oddi ar waith papur sy’n gysylltiedig â’ch Budd-dal Plant. Er enghraifft:

• unrhyw lythyr gan y Swyddfa Budd-dal Plant
• eich hysbysiad dyfarniad Budd-dal Plant diweddaraf

Os na allwch chi ddod o hyd i'ch gwaith papur ac rydych chi’n dal yn eisiau eich rhif Budd-dal Plant, gallwch anfon ymholiad ar-lein i’r Swyddfa Budd-dal Plant.

Cofiwch nodi’n glir ar y ffurflen eich bod yn chwilio am eich rhif Budd-dal Plant. Efallai y bydd o gymorth os ydych chi’n dweud wrth y Swyddfa Budd-dal Plant pwy sydd wedi gofyn amdano.

• Anfon ymholiad am eich Budd-dal Plant at Gyllid a Thollau EM ar-lein Opens new window

• Manylion cyswllt y Llinell Gymorth Budd-dal Plant

Os gofynnir i chi am brawf eich bod yn gymwys i gael Budd-dal Plant

Efallai y gofynnir i chi brofi eich bod chi’n cael Budd-dal Plant. I’ch helpu i gael gwybod pa waith papur y mae angen i chi ei ddarparu, holwch bwy bynnag sydd wedi gofyn i chi:

• pa brawf y mae ei angen arnynt
• pa mor gyfredol y dylai fod

Efallai y gofynnir i chi am eich hysbysiad dyfarniad Budd-dal Plant. Mae hwn yn rhoi eich rhif Budd-dal Plant ac yn dweud wrthych am ba blentyn y mae’ch Budd-dal Plant ar ei gyfer. Bydd angen i chi wneud yn sicr y caiff ei dderbyn fel prawf eich bod dal yn gymwys am Fudd-dal Plant.

Os nad yw’r hysbysiad dyfarniad gennych chi, cewch ddarparu prawf arall yn lle, er enghraifft:

• cyfriflen banc sy’n dangos y Budd-dal Plant yn mynd i’ch cyfrif
• eich hysbysiad dyfarniad credydau treth diweddaraf, os ydych chi’n cael credydau treth

Ni fydd modd i chi gael prawf ysgrifenedig gan y Swyddfa Budd-dal Plant i brofi eich bod chi’n cael Budd-dal Plant. Y rheswm am hyn yw bod eich awdurdod lleol yn gallu derbyn cyfriflenni banc neu eich hysbysiad dyfarniad credydau treth.

Pam y byddai angen eich rhif Budd-dal Plant arnoch

Efallai y bydd angen i chi gael eich rhif Budd-dal Plant yn y sefyllfaoedd canlynol.

Rydych chi wedi cael Budd-dal Plant o’r blaen ac yn gwneud hawliad newydd

Os ydych chi wedi cael Budd-dal Plant ar gyfer eich plentyn o’r blaen a’ch bod yn gwneud hawliad newydd ar ei gyfer, byddai darparu’ch hen rif Budd-dal Plant yn ddefnyddiol. Mae hyn yn golygu na fydd yn rhaid i chi ail anfon tystysgrif geni neu dystysgrif mabwysiadu eich plentyn.

Ond dylech anfon eich hawliad newydd am Fudd-dal Plant hyd yn oed os nad ydych chi’n gwybod beth yw’ch hen rif Budd-dal Plant.

Rydych chi’n rhoi gwybod i’r Swyddfa Budd-dal Plant am newid

Os ydych chi’n rhoi gwybod am newid a allai effeithio ar eich Budd-dal Plant, byddai’n ddefnyddiol pe gallech ddarparu eich rhif Budd-dal Plant. Ond os nad ydych chi’n gwybod beth ydyw, gallwch roi eich rhif Yswiriant Gwladol yn lle hynny.

Rydych chi’n gwneud hawliad am gredydau treth

Pe gallech ddarparu eich rhif Budd-dal Plant ar eich ffurflen hawlio, bydd yn helpu’r Swyddfa Credyd Treth i ddelio â’ch hawliad credydau treth yn gyflymach. Dylai olygu hefyd na fydd angen i chi anfon tystysgrif geni neu dystysgrif mabwysiadu eich plentyn i'r Swyddfa.

Am faint ddylech chi gadw’r gwaith papur?

Eich penderfyniad chi yw am faint o amser yr ydych am gadw’r gwaith papur. Ond mae’n syniad da cadw’ch hysbysiad dyfarniad, ac unrhyw lythyrau pwysig eraill, nes byddwch yn rhoi'r gorau i gael Budd-dal Plant.

Mwy o ddolenni defnyddiol

• Deall eich Hysbysiad Dyfarniad Budd-dal Plant

• Cael gwybod sut y gallech fod yn gymwys i gael budd-daliadau eraill os ydych yn cael Budd-dal Plant

Cysylltiadau defnyddiol

• Manylion cyswllt Budd-dal Plant