Gwefan llywodraeth y DU

Tystysgrifau y ddylech chi eu hanfon gyda'r ffurflen hawlio

Dylech anfon fersiwn wreiddiol un o'r canlynol i'r Swyddfa Budd-dal Plant:

• tystysgrif geni eich plentyn
• y dystysgrif geni a gewch ar ôl mabwysiadu
• tystysgrif mabwysiadu eich plentyn

Does dim ots p'un ai'r dystysgrif geni hir ynteu'r un fer a anfonwch i'r Swyddfa Budd-dal Plant.

Er enghraifft, os ydych chi wedi anfon y dystysgrif hir er mwyn gwneud cais am basbort, gallwch anfon yr un fer iddynt.

Pan na fydd angen i chi anfon y dystysgrif

Os rydych chi wedi derbyn Budd-dal Plant ar gyfer eich plentyn yn y gorffennol, does dim angen i chi anfon y dystysgrif geni neu fabwysiadu iddynt. Ond bydd angen i chi anfon y dystysgrif iddynt os ydych chi newydd fabwysiadu plentyn.

Cysylltwch â'r Swyddfa Budd-dal Plant os nad ydych yn gwybod a ydynt wedi talu Budd-dal Plant ar gyfer eich plentyn yn y gorffennol.

Gallwch wneud hwn ar-lein drwy ddilyn y ddolen isod neu gallwch ffonio’r Llinell gymorth Budd-dal Plant.

• Anfon eich ymholiad i’r Swyddfa Budd-dal Plant ar-lein Opens new window

• Manylion cysylltu am y Llinell gymorth Budd-dal Plant

Os nad oes gennych chi dystysgrif geni neu fabwysiadu eich plentyn

Os nad oes gennych chi'r dystysgrif, dylech ddal anfon eich ffurflen hawlio yn ddi-oed. Fel arfer, ni all y Swyddfa Budd-dal Plant ôl-ddyddio eich Budd-dal Plant fwy na thri mis ar ôl iddynt gael eich ffurflen. Felly os byddwch chi'n oedi, efallai na chewch chi rai taliadau.

Dylech anfon y dystysgrif iddynt yn syth ar ôl ei chael.

Os ydych chi wedi colli'r dystysgrif, gallwch wneud cais am un arall gan y Swyddfa Gofrestru Gyffredinol. Bydd y Swyddfa Budd-dal Plant yn eich atgoffa os byddwch yn anghofio ei hanfon atynt.

• Gwneud cais am dystysgrif i blentyn yng Nghymru a Lloegr ar wefan y Swyddfa Gofrestru Gyffredinol (dolen allanol) Opens new window

• Cael gwybod sut i wneud cais am dystysgrif i blentyn yn yr Alban ar wefan y Swyddfa Gofrestru Gyffredinol yn yr Alban (dolen allanol) Opens new window

• Cael gwybod sut i wneud cais am dystysgrif i blentyn yng Ngogledd Iwerddon ar wefan nidirect Opens new window

Os ydych yn mabwysiadu plentyn

Os ydych yn ei chael yn anodd cael gafael ar dystysgrif mabwysiadu'ch plentyn cysylltwch â'r Swyddfa Budd-dal Plant ac efallai y gallant eich helpu.

Bydd arnynt angen gwybod:

• dyddiad swyddogol y mabwysiadu
• cyfeiriad Swyddfa'r Cofrestrydd Rhanbarth

Gallwch gysylltu â’r Swyddfa Budd-dal Plant ar-lein drwy ddefnyddio’r ddolen isod.

Neu os oes angen i chi siarad gyda rhywun, gallwch ffonio’r Llinell gymorth Budd-dal Plant.

• Anfon eich ymholiad ynghylch tystysgrif geni neu fabwysiadu ar-lein i’r Swyddfa Budd-dal Plant Opens new window

• Manylion cysylltu am y Llinell gymorth Budd-dal Plant

Anfon y tystysgrifau yn y post

Gallwch anfon eich tystysgrif gyda'r post arferol. Does dim angen i chi ddefnyddio gwasanaeth post wedi'i gofrestru neu wedi'i gofnodi.

Os ydych wedi anfon tystysgrif geni y Deyrnas Unedig i’r Swyddfa Budd-dal Plant, byddant wastad yn ei dychwelyd gan ddefnyddio’r post arferol. Bydd tystysgrifau geni a mabwysiadu o wledydd eraill yn cael eu dychwelyd gan ddefnyddio'r un gwasanaeth ag a wnaethoch chi. Er enghraifft, os gwnaethoch chi ddefnyddio gwasanaeth post wedi'i gofrestru, byddant hwythau'n defnyddio gwasanaeth post wedi'i gofrestru wrth ddychwelyd y dystysgrif.

Dylech anfon y dystysgrif i'r:

Canolfan Gyswllt Gymraeg
Cyllid a Thollau EM
Tŷ Moelwyn
Tros y Bont
Porthmadog
LL49 9AB

Os na fyddwch yn derbyn eich tystysgrif o fewn pedair wythnos, dylech gysylltu â’r Swyddfa Budd-dal Plant.

• Manylion cysylltu am y Swyddfa Budd-dal Plant

Mwy o ddolenni defnyddiol

• Pryd ddylech chi ddisgwyl eich taliad Budd-dal Plant cyntaf

Cysylltiadau defnyddiol

• Swyddfa Budd-dal Plant