Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

Y cartref a’r gymuned - Nodwch, os gwelwch yn dda, na ddiweddarir yr adran hon bellach

Y cartref a’r gymuned

Defnyddio gwresogyddion a blancedi trydan mewn modd diogel

Gall tywydd oer ddod â'r angen i ddefnyddio gwresogyddion a blancedi trydan er mwyn cadw'n gynnes. Defnyddiwch y canllawiau hyn er mwyn lleihau'r perygl o dân ac i sicrhau bod eich blancedi yn bodloni safonau diogelwch.

Diogelwch a blancedi trydan

Wrth ddewis eich blanced drydan, dylech ei phrynu gan ffynhonnell ddibynadwy. Sicrhewch fod ganddi farc safon diogelwch y DU – symbol sy'n golygu bod y flanced wedi'i phrofi'n annibynnol a'i bod yn bodloni safonau diogelwch diweddaraf y DU ac Ewrop. Mae'r enghreifftiau ar y chwith yn dangos y mathau o symbolau y dylech fod yn chwilio amdanynt.

Cyn i chi ddefnyddio eich blanced, sicrhewch nad yw hi (na'i chord) yn dangos unrhyw un o'r arwyddion canlynol o berygl:

  • marciau gwres neu staeniau i'w gweld ar ffabrig y flanced
  • gwifrau i'w gweld drwy'r ffabrig, neu'n ymwthio drwy'r ffabrig
  • ffabrig wedi rhaflo neu dreulio
  • difrod i'r cord trydan rhwng y plwg a mecanwaith rheoli'r flanced neu rhwng y mecanwaith rheoli a'r flanced
  • sŵn (buzz) neu arogl wrth droi'r mecanwaith rheoli ymlaen
  • difrod i gysylltydd y flanced, lle mae'r cord trydannol yn mynd i mewn i'r flanced, neu'r cysylltydd yn gorboethi

Os oes gennych chi unrhyw amheuon ynghylch eich blanced, cysylltwch â'r gwneuthurwr cyn i chi ei defnyddio er mwyn sicrhau ei bod yn ddiogel. Mae'n bosib y bydd angen un newydd arnoch.

Storio eich blanced drydan

Hyd yn oed pan nad ydych yn defnyddio'ch blanced, gallwch ei gadael ar y gwely drwy gydol y flwyddyn, neu ei gosod yn wastad ar wely sbâr. Os ydych chi am storio eich blanced, dylech ei storio fel y mae'r gwneuthurwr yn ei argymell neu fel a ganlyn:

  • gadewch i'r flanced oeri cyn ei phlygu
  • plygwch y flanced yn llac mewn tywel neu fag plastig a storiwch y flanced mewn lle sych oeraidd
  • peidiwch â defnyddio unrhyw gemegau atal gwyfynod
  • peidiwch â rhoi eitemau trwm ar ben y flanced pan fyddwch yn ei chadw

Dyma ragor o awgrymiadau diogelwch:

  • wrth ddewis blanced drydan, prynwch un newydd bob amser – peidiwch byth â phrynu un ail law rhag ofn nad yw'n ddiogel, ac ni allwch fod yn siŵr ei bod yn bodloni'r safonau diogelwch cyfredol
  • darllenwch a dilynwch gyfarwyddiadau'r gwneuthurwr bob amser cyn defnyddio blanced
  • chwiliwch eich blanced yn aml am arwyddion o dreulio neu ddifrod
  • peidiwch byth â defnyddio isflanced trydan fel gwrthban (nag i'r gwrthwyneb)
  • peidiwch â defnyddio'r flanced os yw wedi plygu neu chrychu
  • peidiwch â defnyddio potel dŵr poeth ar yr un pryd â'ch blanced drydan
  • peidiwch â chyffwrdd â'r flanced os oes gennych chi ddwylo neu draed gwlyb, a pheidiwch byth â defnyddio'r flanced os yw'n wlyb neu'n llaith

Gwresogyddion trydan

Mae gwresogyddion trydan yn defnyddio llawer o drydan ac yn cynhyrchu llawer o wres. Golyga hyn y gallant fod yn beryglus os na chânt eu defnyddio'n briodol. Dylech wneud y canlynol:

  • eu cadw oddi wrth ddodrefn a llenni
  • eistedd o leiaf dair troedfedd (metr) oddi wrthynt
  • eu prynu o siopau sydd ag enw da
  • peidio byth â sychu dillad arnynt neu'n agos atynt (nac ar gardiau tân)

Mwy o ddolenni defnyddiol

Yn yr adran hon...

Allweddumynediad llywodraeth y DU