Gwefan llywodraeth y DU

Sut i gwyno am hysbyseb

Mae'r Awdurdod Safonau Hysbysebu (ASA) yn sicrhau bod pob hysbyseb yn dilyn cod ymarfer. Gallwch gwyno i'r ASA:

• os ydych yn credu bod rhywbeth o'i le ar hysbyseb rydych wedi'i gweld neu ei chlywed
• os credwch fod hysbyseb yn dramgwyddus, er enghraifft ar sail hil, crefydd, rhyw, tueddfryd rhywiol neu anabledd

Bydd yr ASA yn ymchwilio i gwynion am bob hysbyseb, ac eithrio'r canlynol:

• rhai sy'n ymwneud â gwasanaethau ariannol
• rhai rydych yn eu cael dros y ffôn

• Awdurdod Safonau Hysbysebu Opens new window

Cynhyrchion a gwasanaethau ariannol

Yr Awdurdod Safonau Ariannol (FSA) sy'n gyfrifol am hysbysebion ar gyfer bancio, buddsoddi ac yswiriant. Gallwch ddefnyddio ei ffurflen gwyno am hysbyseb ar-lein.

• Ffurflen gwyno am hysbyseb - FSA Opens new window

Hysbysebion dros y ffôn

PhonepayPlus sy'n delio â chwynion am wasanaethau a delir drwy'r ffôn yn y DU. Er enghraifft, galwad ffôn sy'n dweud eich bod wedi ennill gwyliau ac yna'n gofyn i chi ffonio llinell ddrud i'w hawlio.

• Cysylltu â Phonepayplus Opens new window

Sut i gwyno i'r Awdurdod Safonau Hysbysebu

Bydd angen copi ysgrifenedig o'ch cwyn ar yr ASA. Mae ffurflen gwyno ar-lein ar gael ar wefan yr ASA. Os yw'n bosibl, dylech gynnwys y canlynol:

• copi o'r hysbyseb
• manylion ble a phryd yr ymddangosodd
• y rheswm eich bod yn credu bod yr hysbyseb yn gamarweiniol

• Darllenwch pa fathau o hysbysebion a deunydd hyrwyddo y gall yr ASA ddelio â hwy Opens new window

• Defnyddiwch ffurflen gwyno ar-lein yr ASA Opens new window

Beth fydd yn digwydd i'ch cwyn

Bydd yr ASA yn ymchwilio i'ch cwyn ac yn rhoi'r wybodaeth ddiweddaraf i chi am hynt eich achos. Yna bydd yn rhoi gwybod i chi am ei benderfyniad terfynol.

Gall yr ASA gyhoeddi dyfarniad yn erbyn yr hysbysebwr. Mae hyn yn golygu y gall fynnu:

• bod yr hysbyseb yn cael ei thynnu
• na chaiff y wybodaeth gamarweiniol ei hailadrodd yn y dyfodol

• Rhestr o ddyfarniadau ASA Opens new window

Beth i'w wneud os byddwch o'r farn bod angen delio â hysbyseb ar unwaith

Cysylltwch â Chyswllt Defnyddwyr os ydych o'r farn bod angen cael gwared ar hysbyseb ar unwaith. Er enghraifft, rydych wedi gweld hysbyseb ar gyfer nwyddau rydych yn gwybod eu bod yn beryglus neu'n anghyfreithlon.

• Cysylltwch â Chyswllt Defnyddwyr

Beth os yw hysbyseb mor dramgwyddus neu anllad fel y gall fod yn anghyfreithlon?

Cysylltwch ag Uned Cyhoeddiadau Anllad y Swyddfa Gartref a fydd yn gallu rhoi cyngor. Yna byddai unrhyw gwynion am anlladrwydd yn cael eu trosglwyddo i'r heddlu i ymchwilio iddynt.

• Cysylltu â'r Swyddfa Gartref Opens new window

Mwy o ddolenni defnyddiol

• Gwneud cwyn yn erbyn sefydliad preifat

• Gwneud cwyn yn erbyn un o gyrff y llywodraeth neu gorff cyhoeddus