Gwefan llywodraeth y DU

Hawliau defnyddwyr

Mae mecanigion ceir yn darparu gwasanaeth drwy gynnal atgyweiriadau a chyflenwi nwyddau drwy osod rhannau newydd. Mae hyn yn golygu y cewch eich diogelu gan Ddeddf Cyflenwi Nwyddau a Gwasanaethau 1982.

Yn ôl y gyfraith, rhaid i unrhyw nwyddau a gyflenwir fod o ansawdd boddhaol. Rhaid i unrhyw wasanaethau y byddwch yn eu prynu:

• gael eu cyflawni gyda gofal a sgil resymol
• cael eu cyflawni o fewn amser rhesymol ac am gost resymol (os na chytunir ar gost ymlaen llaw)

Bydd ystyr 'rhesymol' yn wahanol ym mhob achos. Os bydd gennych broblem, efallai y bydd angen i chi gael cyngor ar ystyr 'rhesymol' yn eich sefyllfa (gweler y dolenni isod).

• Prynu gwasanaeth - hawliau defnyddwyr

• Hawliau defnyddwyr - cyflwyniad

Dewis garej

Ceisiwch ddewis garej sy'n perthyn i god ymarfer fel Cod Motor Codes Limited ar gyfer Rhoi Gwasanaeth ac Atgyweirio. Cynllun arall yw cod ymarfer y Swyddfa Masnachu Teg, a gaiff ei redeg gan y Gymdeithas Adeiladwyr ac Atgyweirwyr Cerbydau.

Gallwch hefyd ofyn i'ch ffrindiau a'ch teulu a oes ganddynt unrhyw argymhellion. Dylech hefyd gael dyfynbris (pris sefydlog) am unrhyw waith gan sawl garej cyn gwneud eich penderfyniad.

Bydd garej da:

• ond yn gwneud gwaith y mae'n gymwysedig i'w wneud
• wedi cofrestru ar gyfer 'cod ymarfer', e.e. drwy berthyn i gymdeithas fasnach
• yn rhoi manylion clir o'r opsiynau a'r gost o atgyweirio
• yn cytuno ar unrhyw waith gyda chi ac yn ei nodi'n ysgrifenedig
• yn rhoi dyfynbrisiau ysgrifenedig
• yn rhoi amcangyfrifon ysgrifenedig os nad yw'n bosibl rhoi dyfynbrisiau - bydd amcangyfrif yn rhoi'r pris y byddwch fwyaf tebygol o orfod ei dalu
• yn cynnwys TAW (Treth Ar Werth) mewn unrhyw ddyfynbris neu amcangyfrif

• Cymdeithas Atgyweirwyr Cerbydau Modur Opens new window

• Motor Codes Limited Opens new window

• Cymdeithas Adeiladwyr ac Atgyweirwyr Cerbydau Opens new window

Casglu eich car

Ni fydd garej da yn gosod rhannau newydd yn lle rhannau sydd heb ôl traul, ond bydd yn dweud wrthych pryd y bydd yn debygol y bydd angen gosod rhannau newydd. Os oes rhannau newydd wedi'u gosod, gofynnwch am gael gweld yr hen rannau a chadarnhewch y canlynol:

• bod y bil ar gyfer y swm y cytunwyd arno neu nad yw'n llawer mwy nag unrhyw amcangyfrif a roddwyd i chi
• bod y gwaith a'r rhannau wedi'u hysgrifennu ar eich bil, mae hyn fel bod gennych brawf o brynu os bydd unrhyw broblemau
• bod y manylion ar unrhyw dystysgrif MOT newydd yn gywir a bod y dystysgrif wedi'i stampio'n gywir â manylion y garej
• bod llyfr cofnod gwasanaeth y car wedi'i stampio â stamp y garej a bod manylion y gwasanaeth yn gywir

Lawrlwythwch y daflen ar gael gwasanaeth car i gael mwy o gyngor ar fynd â'ch car at fecanig.

• MOT (adran moduro)

• Taflen ar gael gwasanaeth car (PDF, 776KB) Opens new window

• Help gyda ffeiliau PDF

Beth i'w wneud os nad yw eich car wedi'i drwsio neu'i wasanaethu'n briodol

Os bydd gennych gŵyn, cysylltwch â'r garej cyn gynted â phosibl. Os byddwch yn anfodlon o hyd a bod y garej yn aelod o gymdeithas fasnach neu god ymarfer, gallwch fynd â'r mater atynt. Efallai y bydd ganddynt wasanaeth datrys anghydfod annibynnol.

Os bydd gennych anghydfod ynghylch gwaith ar gar newydd gyda gwarant, dylai gweithgynhyrchydd y car allu helpu. Caiff y rhan fwyaf o geir newydd a werthir yn y DU eu diogelu gan God Ceir Newydd Motor Codes, sy'n cynnwys gwasanaeth datrys anghydfod.

• Gwneud cwyn - beth i'w wneud gyntaf

• Motor Codes Limited Opens new window

• Cymdeithas Atgyweirwyr Cerbydau Modur Opens new window

• Cymdeithas Adeiladwyr ac Atgyweirwyr Cerbydau Opens new window

Ble i gael cyngor cyfreithiol

Os byddwch yn anfodlon o hyd, gallech fynd â'ch cwyn i'r llys. Gofynnwch am gyngor gan Cyswllt Defnyddwyr neu'ch Canolfan Cyngor ar Bopeth leol neu swyddfa safonau masnach y cyngor.

• Cysylltu â Cyswllt Defnyddwyr

• Ble i gael cyngor cyfreithiol (adran llywodraeth, dinasyddion a hawliau)

Mwy o ddolenni defnyddiol

• Cynnal a chadw eich cerbyd (adran moduro)

• Prynu gwasanaeth - hawliau defnyddwyr