Gwefan llywodraeth y DU

Colli eich swydd

Gall colli eich swydd fod yn amser pryderus, ond mae cefnogaeth ar gael. Os ydy eich swydd am gael ei dileu, dylai eich cyflogwr eich trin yn deg. Ceir rhai camau y disgwylir i'ch cyflogwr eu cymryd.

Fe allech chi hefyd fod â hawl i gael tâl dileu swydd. Gallwch ddefnyddio'r cyfrifiannell ar-lein i gyfrifo faint o arian dileu swydd mae gennych chi hawl iddo.

• Eich hawliau os caiff eich swydd ei dileu

• Cyfrifo'r arian gewch chi os daw eich swydd i ben

Gadael eich swydd

Ar eich diwrnod olaf yn y gwaith dylech chi gael yr holl dâl mae gennych chi hawl iddo, a thaliad am unrhyw gyfnod rhybudd sy'n ddyledus nad ydych chi wedi'i weithio. Dylech gael:

• tâl gwyliau wedi cronni (taliad am wyliau sy'n ddyledus ond nad ydynt wedi cael eu cymryd)
• Ffurflen Treth Incwm P45
• tâl dileu swydd
• llythyr yn dynodi dyddiad dileu'r swydd

Dod o hyd i waith

Y Ganolfan Byd Gwaith sydd â chronfa ddata fwyaf Prydain o swyddi gwag. Gallwch ddefnyddio'r offer chwilio am swyddi a sgiliau i ddod o hyd i swydd sy'n addas i chi. Gallwch hefyd gael awgrymiadau am sut mae llenwi ffurflenni cais a pharatoi ar gyfer cyfweliadau am swyddi drwy ddilyn y dolenni isod.

• Chwilio am waith

• Dod o hyd i swydd nawr

• Cymorth a chyngor wrth wneud cais am swydd

Hawlio budd-daliadau ar ôl colli eich swydd

Fel rhan o'ch hawliad budd-daliadau, efallai y gofynnir i chi am unrhyw daliadau dileu swydd rydych chi wedi'u cael gan eich cyflogwr. Bydd eich cynghorydd Canolfan Byd Gwaith yn egluro a fydd y taliadau hyn yn effeithio ar eich hawliad ai peidio.

Efallai y byddwch chi neu eich partner yn cael taliad gan eich cyflogwr pan ddaw eich swydd i ben, ee tâl terfynol, tâl os ydych chi wedi gweithio wythnos mewn llaw, tâl gwyliau. Ni chaiff y taliadau hyn eu hystyried wrth ystyried eich hawliad am Lwfans Ceisio Gwaith neu Gymhorthdal Incwm.

Gallwch ddefnyddio'r cynghorydd budd-daliadau ar-lein i'ch helpu i ganfod pa fudd-daliadau mae gennych chi hawl iddynt.

• Gwasanaeth cynghorydd budd-daliadau

Sut gall hyn effeithio ar eich pensiwn

Os ydych chi'n poeni neu os oes gennych chi gwestiynau ynghylch sut gallai colli eich swydd effeithio ar gynilo ar gyfer eich ymddeoliad, gallwch gysylltu â'r Gwasanaeth Cyngor am Bensiynau. Mae'n fudiad di-elw annibynnol sy'n darparu gwybodaeth ac arweiniad am ddim. Gall y gwasanaeth hefyd eich helpu os oes gennych chi broblem, cwyn neu anghydfod gyda'ch darparwr pensiwn preifat neu alwedigaethol.

• Y Gwasanaeth Cyngor am Bensiynau

Ble i dderbyn cymorth ychwanegol

Gall Cyngor Cyfreithiol Cymunedol ddarparu cymorth a chyngor am ddim am beth yw eich hawliau os caiff eich swydd ei dileu.

• Cyngor Cyfreithiol Cymunedol