Gwefan llywodraeth y DU

Profiad gwaith - beth ydyw

Mae profiad gwaith yn un o'r gwasanaethau a gynigir gan y Ganolfan Byd Gwaith i'ch helpu i ddychwelyd i'r gwaith.

Mae profiad gwaith yn rhoi'r cyfle i chi:

• wella eich siawns o ddod o hyd i waith
• gweld sut y gellir defnyddio'r sgiliau sydd gennych eisoes mewn gweithle
• cael profiad gwaith bywyd go iawn
• magu eich hyder
• ychwanegu at eich CV
• cael geirda

Gall lleoliad profiad gwaith:

• bara rhwng pythefnos ac wyth wythnos
• bod yn brofiad gwaith ymarferol am 25 i 30 awr yr wythnos

Efallai y gallwch gael help gan y Ganolfan Byd Gwaith hefyd ar gyfer costau sy'n gysylltiedig â mynd i'ch lleoliad profiad gwaith. Gallai hyn helpu gyda phethau fel eich:

• costau teithio
• costau gofal plant
  

Dod o hyd i leoliad profiad gwaith

Os oes gennych ddiddordeb mewn cael profiad gwaith, gall ymgynghorydd y Ganolfan Byd Gwaith:

• egluro sut y gallai profiad gwaith wella eich siawns o ddod o hyd i waith
• rhoi rhagor o wybodaeth i chi am y lleoliadau gwaith sydd ar gael yn eich ardal
• cadarnhau a allwch gael unrhyw help gyda'ch costau teithio a gofal plant - ni fydd pawb yn gallu cael help
• egluro beth fydd yn digwydd pan fyddwch yn dechrau
• egluro beth fydd yn digwydd pan ddaw eich profiad gwaith i ben

Gallwch hefyd ddod o hyd i'ch lleoliad profiad gwaith eich hun. Os byddwch yn gwneud hyn, rhaid i chi ddweud wrth eich ymgynghorydd y Ganolfan Byd Gwaith ar unwaith fel y gellir trefnu'r lleoliad rydych wedi dod o hyd iddo yn ffurfiol gyda'r Ganolfan Byd Gwaith.

• Cysylltu â'r Ganolfan Byd Gwaith Opens new window

Pwy all gymryd rhan?

Gallwch wirfoddoli am gyfnod o brofiad gwaith os ydych:

• rhwng 16 a 24 oed
• yn hawlio Lwfans Ceisio Gwaith

Gallwch ymuno â phrofiad gwaith:

• pan fyddwch wedi bod yn cael Lwfans Ceisio Gwaith am 13 wythnos
• hyd nes ei bod yn ofynnol i chi gymryd rhan yn y Rhaglen Waith

• Y Rhaglen Waith

Lwfans Ceisio Gwaith a phrofiad gwaith

Er mwyn parhau i gael eich Lwfans Ceisio Gwaith tra'n cymryd rhan mewn Profiad Gwaith, rhaid i chi:

• barhau i chwilio am waith
• mynd i'ch adolygiadau chwiliad gwaith rheolaidd

Er mwyn helpu yn ystod eich lleoliad, efallai y gall y Ganolfan Byd Gwaith gynnig amseroedd gwahanol i chi fynd i'ch adolygiadau chwiliad gwaith rheolaidd. Er enghraifft, efallai y cewch fynd i'ch adolygiadau'n gynharach neu'n hwyrach yn y dydd na'r arfer.

Manteisio i'r eithaf ar eich lleoliad profiad gwaith

Mae'r Ganolfan Byd Gwaith wedi llunio rhai awgrymiadau ar sut i fanteisio i'r eithaf ar eich lleoliad gwaith.

Gallwch lawrlwytho taflen ffeithiau 'profiad gwaith - Rhai awgrymiadau defnyddiol' y Ganolfan Byd Gwaith gan ddefnyddio'r ddolen ganlynol.

• Download 'Profiad gwaith gwirfoddol - rhai awgrymiadau defnyddiol' (PDF, 130K) Opens new window

• Cymorth gyda ffeiliau PDF