Gwefan llywodraeth y DU

Clybiau Menter - beth ydynt

Mae Clybiau Menter yn un o'r gwasanaethau a gynigir gan y Ganolfan Byd Gwaith i'ch helpu i ddychwelyd i'r gwaith.

Bydd pob Clwb Menter yn cynnig gwasanaethau gwahanol. Gall hyn gynnwys y cyfle i:

• gyfarfod â phobl sydd eisoes yn hunangyflogedig, a all ddweud wrthych am eu profiadau
• cyfarfod â phobl sydd am fod yn hunangyflogedig - er mwyn rhannu eich syniadau a'ch sgiliau ac annog eich gilydd i weithio drwy eich syniadau busnes
• cael gwybodaeth a chyngor ar ddechrau busnes
• cael cyngor ariannol a chyfreithiol a chyngor ar y farchnad
• mynediad i'r rhyngrwyd
• cael cyngor ar fudd-daliadau y gallech eu cael tra byddwch yn gweithio

Caiff Clybiau Menter eu rhedeg gan sefydliadau lleol, a allai gynnwys:

• cyflogwyr
• sefydliadau busnes
• awdurdodau lleol
• Siambrau Masnach
• sefydliadau gwirfoddol
• grwpiau cymunedol

Os oes gennych ddiddordeb mewn Clybiau Menter, gall un o ymgynghorwyr y Ganolfan Byd Gwaith:

• egluro sut y gallai Clwb Menter eich helpu os ydych yn ystyried mynd yn hunangyflogedig
• rhoi mwy o wybodaeth i chi am Glybiau Menter yn eich ardal
• egluro beth fydd yn digwydd pan fyddwch yn dechrau

• Cysylltu â'r Ganolfan Byd Gwaith Opens new window

Pwy all gymryd rhan mewn Clwb Menter?

Mae cymryd rhan mewn Clwb Menter:

• yn gwbl wirfoddol
• ar gael i unrhyw un sy'n ddi-waith - cyn belled â bod un yn cael ei redeg yn eich ardal

Gallwch ymuno â Chlwb Menter ar unrhyw adeg oni bai ei bod yn ofynnol i chi gymryd rhan yn y Rhaglen Waith.

• Y Rhaglen Waith

Mynnwch wybod mwy am Glybiau Menter

I gael mwy o wybodaeth am yr hyn sydd ar gael yn eich ardal, cysylltwch â swyddfa leol y Ganolfan Byd Gwaith.

• Cysylltu â'r Ganolfan Byd Gwaith Opens new window

Lwfans Ceisio Gwaith a Chlybiau Menter

Er mwyn parhau i gael eich Lwfans Ceisio Gwaith tra'n mynychu Clwb Menter, rhaid i chi:

• barhau i chwilio am waith
• mynd i'ch adolygiadau chwiliad gwaith rheolaidd

Clybiau Menter a budd-daliadau eraill

Os ydych yn cael budd-daliadau eraill, byddwch yn parhau i'w cael cyn belled â'ch bod yn parhau i fodloni rheolau'r budd-dal hwnnw.

Mwy o ddolenni defnyddiol

• Hunangyflogaeth