Gwefan llywodraeth y DU

Cydweithio - beth ydyw

Mae Cydweithio yn un o'r gwasanaethau a gynigir gan y Ganolfan Byd Gwaith i'ch helpu i ddychwelyd i'r gwaith.

Gall gwirfoddoli tra rydych yn chwilio am waith â thâl eich helpu i:

• wella'r sgiliau sydd gennych eisoes
• dysgu sgiliau newydd
• rhoi cynnig ar rywbeth newydd fel y gallwch chwilio am fwy o fathau gwahanol o swyddi
• magu eich hunanhyder
• cael profiad go iawn mewn amgylchedd gwaith
• gwella eich CV drwy ychwanegu eich cyfnod o brofiad gwaith
• cael geirda sy'n gysylltiedig â gwaith
• cynnal eich cymhelliant drwy gyflawni rhywbeth ar gyfer eich cymuned leol

Cymryd rhan

Os oes gennych ddiddordeb mewn Cydweithio, gall un o ymgynghorwyr y Ganolfan Byd Gwaith:

• egluro sut y gallai gwirfoddoli eich helpu wrth chwilio am waith
• rhoi mwy o wybodaeth i chi am Cydweithio
• dweud wrthych beth sydd ar gael yn eich ardal gan fod cyfleoedd yn amrywio
• egluro beth fydd yn digwydd pan fyddwch yn dechrau

Gall hefyd roi manylion i chi am sefydliadau lleol a all eich helpu i ddod o hyd i gyfle gwirfoddoli. Gallai'r rhain gynnwys:

• sefydliadau lleol yn y sectorau gwirfoddol a chymunedol
• Canolfannau Gwirfoddol a Chanolfannau Gwasanaethau Gwirfoddol yn y gymuned
• sefydliadau sy'n rhoi cymorth ar-lein
• sefydliadau â chyfleoedd gwirfoddoli penodol

• Cysylltu â'r Ganolfan Byd Gwaith Opens new window

Pwy all wirfoddoli?

Mae cymryd rhan yn Cydweithio:

• yn gwbl wirfoddol
• ar gael i unrhyw un sy'n ddi-waith ac yn chwilio am waith

Gallwch ymuno â Cydweithio ar unrhyw adeg oni bai ei bod yn ofynnol i chi gymryd rhan yn y Rhaglen Waith.

• Y Rhaglen Waith

Gall un o ymgynghorwyr y Ganolfan Byd Gwaith drafod gwirfoddoli gyda chi a chytuno ar p'un a yw'n addas i chi ai peidio.

• Cysylltu â'r Ganolfan Byd Gwaith Opens new window

Lwfans Ceisio Gwaith a Cydweithio

Er mwyn parhau i gael eich Lwfans Ceisio Gwaith tra'n gwirfoddoli, rhaid i chi:

• barhau i chwilio am waith
• mynd i'ch adolygiadau chwiliad gwaith rheolaidd

Cydweithio a budd-daliadau eraill

Os ydych yn cael budd-daliadau eraill, byddwch yn parhau i'w cael cyn belled â'ch bod yn parhau i fodloni rheolau'r budd-dal hwnnw.

I gael mwy o wybodaeth am wirfoddoli tra'n cael budd-daliadau, defnyddiwch y ddolen ganlynol.

• Gwirfoddoli tra'n cael budd-daliadau (adran y cartref a'r gymuned)

Rhagor o ddolenni defnyddiol

• Gwirfoddoli tra'n chwilio am waith

• Chwilio ar-lein am waith gwirfoddol Opens new window