Gwefan llywodraeth y DU

Beth yw’r Rhaglen Waith?

Darperir y Rhaglen Waith ar gyfer y Ganolfan Byd Gwaith gan sefydliadau arbenigol, a elwir yn 'ddarparwyr'.

Bydd eich darparwr yn rhoi'r holl gymorth sydd ei angen arnoch i ddod o hyd i waith ac i aros mewn gwaith, hyd yn oed os byddwch yn:

• newid budd-daliadau
• cael swydd

Gall y Rhaglen Waith gynnwys cymryd rhan mewn gweithgareddau i’ch helpu i ddod o hyd i waith fel:

• profiad gwaith
• hyfforddiant a chymorth pellach

Bydd y cymorth a gewch yn cael ei deilwra i'ch anghenion a’ch amgylchiadau unigol. Bydd eich ymglymiad i’r Rhaglen Waith yn para hyd at ddwy flynedd.

Bydd un o ymgynghorwyr y Ganolfan Byd Gwaith yn esbonio:

• yr hyn i’w ddisgwyl pan fyddwch yn ymuno â’r Rhaglen Waith
• beth fydd yn digwydd pan fyddwch yn dechrau

Pryd y mae’n rhaid i chi gymryd rhan yn y Rhaglen Waith

Os bydd yn rhaid i chi gymryd rhan yn y Rhaglen Waith, bydd y Ganolfan Byd Gwaith yn ysgrifennu atoch yn gofyn i chi fynd i gyfweliad.

Efallai y bydd yn rhaid i chi gymryd rhan os ydych yn cael un o’r canlynol:

• Lwfans Ceisio Gwaith
• Lwfans Cyflogaeth a Chymorth

Lwfans Ceisio Gwaith a’r Rhaglen Waith

Os ydych yn cael Lwfans Ceisio Gwaith, efallai y bydd yn rhaid i chi gymryd rhan yn y Rhaglen Waith ar ôl:

• tri mis os nad ydych mewn addysg, cyflogaeth neu hyfforddiant
• naw mis – os ydych rhwng 18 a 24 mlwydd oed
• 12 mis - os ydych yn 25 mlwydd oed neu’n hŷn

Efallai y gallech ymuno â'r Rhaglen Waith yn gynharach, os byddwch chi a'ch ymgynghorydd y Ganolfan Byd Gwaith yn cytuno ar hyn.

Lwfans Cyflogaeth a Chymorth a’r Rhaglen Waith

Os ydych yn cael Lwfans Cyflogaeth a Chymorth, ac yn rhan o’r grŵp gweithgaredd sy'n gysylltiedig â gwaith, efallai y bydd yn rhaid i chi gymryd rhan yn y Rhaglen Waith. Ceir rhai eithriadau i hyn, er enghraifft, os ydych yn:

• ofalwr llawn amser
• rhiant unigol gyda phlentyn o dan bum mlwydd oed
  

Gwirfoddoli i gymryd rhan yn y Rhaglen Waith

Os nad oes yn rhaid i chi gymryd rhan, gallwch wirfoddoli i ymuno â’r Rhaglen Waith.

I wirfoddoli, mae’n rhaid eich bod yn cael:

• Lwfans Cyflogaeth a Chymorth
• Credyd Pensiwn

Os ydych yn byw yn Lloegr, gallwch hefyd wirfoddoli os ydych yn cael Budd-dal Analluogrwydd neu Gymhorthdal Incwm. Nid yw hyn yn berthnasol os ydych yn byw yng Nghymru neu yn yr Alban.

Ni fydd pawb sy'n gwirfoddoli i ymuno â'r Rhaglen Waith yn gallu gwneud hynny. Yn dibynnu ar eich amgylchiadau, gall y Ganolfan Byd Gwaith gynnig cymorth gwahanol yn lle hynny.

I gael rhagor o wybodaeth, siaradwch ag ymgynghorydd y Ganolfan Byd Gwaith.

• Cysylltu â’r Ganolfan Byd Gwaith Opens new window

Cytundeb Ieuenctid - help ychwanegol i bobl rhwng 18 a 24 mlwydd oed

Gall fod yn anodd iawn dod o hyd i gyflogwyr a fydd yn recriwtio pobl sydd ag ychydig neu ddim profiad - a dyna lle gall y Cytundeb Ieuenctid eich helpu. Dylech siarad â'ch ymgynghorydd Canolfan Byd Gwaith am eich amgylchiadau.

Efallai y byddwch yn cael cynnig ystod o opsiynau, gan gynnwys:

• help i drafod lleoliad profiad gwaith
• cyfweliad gyrfaoedd gyda'r Gwasanaeth Gyrfaoedd Cenedlaethol (yn Lloegr)
• cyfleoedd i ddysgu tra rydych yn ennill cyflog
• cymhelliant ariannol i gyflogwyr i roi swydd i chi drwy’r Rhaglen Waith neu’r Ganolfan Byd Gwaith mewn ardaloedd cymwys
• cymorth wedi'i deilwra ychwanegol gan eich ymgynghorydd y Ganolfan Byd Gwaith

Gofynnwch i'ch ymgynghorydd y Ganolfan Byd Gwaith yr hyn y gall y Cytundeb Ieuenctid ei wneud i'ch helpu i gael sgiliau, profiad neu hyfforddiant swydd.

• Cysylltu â’r Ganolfan Byd Gwaith Opens new window

Gwybodaeth i Gyflogwyr, Cyflenwyr a Rhanddeiliaid

Cael mwy o wybodaeth am y Rhaglen Waith drwy ddefnyddio'r dolenni canlynol.

• Cyswllt Busnes – Y Rhaglen Waith Opens new window

• Cyflenwi’r Adran Gwaith a Phensiynau – Y Rhaglen Waith Opens new window

• Cytundeb Ieuenctid Opens new window

Mwy o ddolenni defnyddiol

• Lwfans Ceisio Gwaith (adran arian, treth a budd-daliadau)

• Lwfans Cyflogaeth a Chymorth (arian, treth a budd-daliadau)

• Help a chyngor wrth wneud cais am swydd

• Gwybodaeth am chwilio am waith