Mynd i'r prif gynnwys
Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Teithio a thrafnidiaeth
Cyfyngiadau cyflymder a goryrru
Ceir cyfyngiadau cyflymder gwahanol ar gyfer ceir, faniau a cherbydau tynnu ar wahanol fathau o ffyrdd. Gwnewch yn siŵr eich bod yn gwybod beth yw'r cyfyngiadau cyflymder ar gyfer eich cerbyd chi, y cosbau am oryrru a phryd ddylech chi arafu i addasu ar gyfer amodau’r ffordd.
Y cyfyngiadau cyflymder cenedlaethol ar gyfer gwahanol gerbydau a mathau o ffyrdd
Rhaid i chi beidio gyrru’n gyflymach na’r cyfyngiad cyflymder ar gyfer y ffordd a’r math o gerbyd sydd gennych.
Fel arfer, mae cyfyngiad o 30 milltir yr awr (mya) neu 48 cilomedr yr awr (cya) yn berthnasol i’r holl draffig ar bob ffordd sydd â goleuadau stryd. Mae hyn yn berthnasol oni bai y byddwch chi’n gweld arwyddion sy’n dangos yn wahanol.
Tabl cyfyngiadau cyflymder cenedlaethol
| Math o gerbyd | Ardaloedd adeiledig | Ffyrdd unffrwd | Ffyrdd deuol | Traffyrdd |
|---|---|---|---|---|
| mya (cya) | mya (cya) | mya (cya) | mya (cya) | |
| Ceir a beiciau modur (yn cynnwys faniau sydd wedi deillio o geir sy’n pwyso hyd at 2 dunnell wedi’u llwytho) | 30 (48) | 60 (96) | 70 (112) | 70 (112) |
| Ceir sy’n tynnu carafanau neu drelars (gan gynnwys faniau sydd wedi deillio o geir a beiciau modur) | 30 (48) | 50 (80) | 60 (96) | 60 (96) |
| Bysiau, bysiau moethus a bysiau mini (sy’n llai na 12 metr o hyd i gyd) | 30 (48) | 50 (80) | 60 (96) | 70 (112) |
| Cerbydau nwyddau (sy’n pwyso llai na 7.5 tunnell wedi’u llwytho) | 30 (48) | 50 (80) | 60 (96) | 70 (112) Os yw’n gerbyd cymalog neu’n tynnu trelar, 60 mya (96 cya) yw’r cyfyngiad |
| Cerbydau nwyddau (sy’n pwyso mwy na 7.5 tunnell wedi’u llwytho) | 30 (48) | 40 (64) | 50 (80) | 60 (96) |
Faniau a faniau sydd wedi deillio o geir
Mae’r rhan fwyaf o faniau yn pwyso llai na 7.5 tunnell wedi’u llwytho, a rhaid iddynt ddilyn y cyfyngiadau cyflymder ar gyfer cerbydau nwyddau sy’n pwyso’r un faint.
Nid yw faniau sydd wedi deillio o geir yn pwyso mwy na 2 dunnell pan fyddant wedi’u llwytho, ac maent yn seiliedig ar gynlluniau ceir, er enghraifft:
- fan Ford Fiesta
- fan Vauxhall Astra
- fan Fiat Punto
- fan Peugot 207
- fan Renault Clio
Arwyddion traffig ar gyfer cyfyngiadau cyflymder
Gweler ‘Arwyddion rhybudd, rheoleiddio a chyfyngiadau cyflymder’ ac ‘Adnabod yr arwyddion traffig’ am:
- enghreifftiau o’r arwyddion traffig a ddefnyddir i ddangos cyfyngiadau cyflymder
- gwybodaeth ynghylch pryd fyddwch chi’n eu gweld ar wahanol ffyrdd
Cyfyngiadau cyflymder sydd wedi’u gosod yn lleol
Gall cynghorau lleol osod eu cyfyngiadau cyflymder eu hunain mewn ardaloedd lle ceir angen penodol. Er enghraifft, gellid cael:
- parth 20 mya mewn ardal adeiledig wrth ymyl ysgol
- cyfyngiad cyflymder 50 mya (yn hytrach na 60mya) ar ddarn o ffordd sydd â chorneli siarp
Rhaid cael arwyddion clir ar gyfer y cyfyngiadau cyflymder lleol.
Dirwyon goryrru a phwyntiau cosb
Mae gyrru’n gyflymach na’r cyfyngiad cyflymder yn erbyn y gyfraith, boed yn gyfyngiad a bennwyd yn lleol neu’n genedlaethol. Y gosb leiaf am oryrru yw £60 ac ychwanegir 3 o bwyntiau cosb at eich trwydded.
Os oes gennych chi nifer penodol o bwyntiau ar eich trwydded yn barod, ni roddir dirwy i chi a bydd yn rhaid i chi fynd i'r llys.
Yr heddlu sy’n gorfodi’r cyfyngiad cyflymder, a gallant ddefnyddio:
- camerâu cyflymder sefydlog neu symudol
- camerâu cyflymder cyfartalog (sy’n mesur cyflymder cyfartalog cerbyd rhwng dau fan penodol)
Gweler ‘Camerâu ar draffyrdd a chefnffyrdd’ i gael rhagor o wybodaeth am ble y defnyddir camerâu diogelwch.
Gyrru’n addas i'r amodau – nid dim ond y cyfyngiad cyflymder
PWYLLWCH! Mae’n 30 am reswm
Gall y gwahaniaeth rhwng ychydig filltiroedd yr awr olygu’r gwahaniaeth rhwng byw a marw
Mae llawer o ddamweiniau’n digwydd wrth i yrwyr gadw at y cyfyngiad cyflymder, ond eu bod yn gyrru'n rhy gyflym i amodau'r ffordd.
Defnyddiwch eich synnwyr cyffredin, a gwybod pryd i arafu. Meddyliwch yn ofalus am ba mor gyflym y byddwch chi’n gyrru wrth:
- nesáu at gornel ar y ffordd
- croesi cylchfan
- nesáu at gyffordd
- goddiweddyd mewn modd diogel
- gyrru heibio neu drwy waith ffordd
- gyrru mewn tywydd gwael
Byddwch yn ofalus iawn ar ffyrdd heb eu goleuo yn ystod y nos, lle gall prif oleuadau traffig sy'n dod tuag atoch eich dallu.
Gwybod Rheolau'r Ffordd Fawr
Mae’r cyfyngiadau cyflymder wedi’u nodi yn Rheolau’r Ffordd Fawr. I gael gwybodaeth am bellteroedd stopio diogel ar gyfer gwahanol gyflymder a sut mae brecio’n ddiogel, dilynwch y ddolen isod.
