Gwefan llywodraeth y DU

Rhybudd: gwaith ffordd o'ch blaen

Cyflymder a phellter

Wrth yrru ar gyflymder o 70 mya, byddwch yn cyrraedd gwaith ffordd mewn 51 eiliad

Bob blwyddyn, caiff gweithwyr y ffordd eu lladd a'u hanafu wrth iddynt weithio i gynnal, cadw a gwella'r rhwydwaith traffyrdd. Gellid atal y marwolaethau a’r anafiadau hyn i gyd.

Mae fideo’r Asiantaeth Priffyrdd ‘Parchu gweithwyr y ffordd’ yn dangos effeithiau damweiniau ar waith ffordd. Gallwch weld y fideo mewn fformat o’ch dewis (gan gynnwys trawsgrifiad testun yn unig) drwy ddilyn y ddolen isod.

• Gweld 'Parchu gweithwyr y ffordd' Opens new window

Mae’r cyfyngiadau cyflymder ger gwaith ffordd yno i ddiogelu gyrwyr hefyd. Mae’n hanfodol ar gyfer eich diogelwch chi eich bod yn arafu eich cerbyd wrth i amgylchedd y ffordd newid, e.e. gyda maint lonydd llai a rhwystrau diogelwch.

Edrych am arwyddion gwaith ffordd

Mae gwaith ffordd yn amrywio o waith tymor hir sy’n cynnwys cau lonydd ar gyfer gwaith atgyweirio rheolaidd cyflym. Gallai’r gwaith gael ei wneud ddydd a nos. Ym mhob achos, bydd arwyddion a fydd yn rhoi gwybod i yrwyr beth i'w ddisgwyl a phryd.

Ar gyfer gwaith ffordd a fydd wedi’i orffen yn gyflym, mae’n bosib y byddwch yn gweld arwyddion ar gefn cerbydau gwaith. Ar gyfer gwaith ffordd dros dro arferol, mae’n bosib y bydd yr arwyddion wedi’u gosod ar ochr y ffordd.

Ceir hefyd amrywiaeth o arwyddion electronig amlwg. Yn aml, bydd y rhain ar bont arwyddion uwchben y ffordd a gall y negeseuon newid gan ddibynnu ar yr amodau.

• Arwyddion negeseuon electronig

Gallwch lwytho dogfen PDF o arwyddion gwaith ffordd o Reolau'r Ffordd Fawr oddi ar y we drwy ddilyn y ddolen isod.

• Arwyddion a marciau (Rheolau'r Ffordd Fawr)

Llif y traffig ger gwaith ffordd: disgwyl yr annisgwyl

Lôn ar gau

Pan fyddwch yn gweld yr arwydd hwn yn fflachio o bont arwyddion uwchben y ffordd, mae’n golygu bod y ffordd o dan ar gau, a ni chewch yrru arni.

Gall gwaith ffordd wneud i draffig ymddwyn mewn ffyrdd anghyffredin. Mae’n bwysig eich bod yn rhoi sylw i’r arwyddion ac yn rhoi amser i chi ymateb i’r canlynol:

• patrymau traffig newydd
• gwrthlifau (lle y bydd traffig ar un lôn neu ragor yn teithio mewn cyfeiriad i’r gwrthwyneb i’r arfer)
• lonydd cul
• gweithwyr yn y ffordd
• ffyrdd ar gau
• golwg cyfyngedig neu weld llai o’r ffordd o’ch blaen
• cyfyngiadau cyflymder dros dro
• gwyriadau
• offer sy’n symud yn araf
• rhwystrau concrid

Ble i gael rhagor o gyngor

Mae’r Asiantaeth Priffyrdd wedi cynhyrchu taflen fanwl ynghylch ‘Gyrru drwy waith ffordd’. Gallwch lwytho copi oddi ar y we drwy ddilyn y ddolen isod. Gallwch hefyd ffonio Llinell Wybodaeth yr Asiantaeth Priffyrdd (0300 123 5000) a gofyn i’r Asiantaeth anfon copi atoch.

• Download ‘Gyrru drwy waith ffordd’ (PDF, 132K)

• Cymorth gyda ffeiliau PDF

PWYLLWCH!

Mae ymgyrch ddiogelwch PWYLLWCH! yn cynghori gyrwyr i gymryd gofal ychwanegol ger gwaith ffordd. Yn benodol, mae’n cynghori gyrwyr i wneud y canlynol:

• cadw at y cyfyngiad cyflymder – mae cyfyngiad yno i’ch diogelu chi
• mynd i'r lôn gywir a pheidio â newid o hyd
• canolbwyntio ar y ffordd o’ch blaen, nid ar y gwaith ffordd
• gwylio rhag ofn bod traffig y gwaith yn mynd i mewn neu’n gadael y gwaith ffordd
• cadw pellter diogel o’r car y tu blaen i chi – gall fod ciwiau o’ch blaen
• rhoi sylw i arwyddion y ffordd

• Gwefan diogelwch ar y ffordd Pwyllwch! Opens new window

Mwy o ddolenni defnyddiol

• Pwy sy'n rheoli ffyrdd, gwaith ffordd a thraffyrdd

• Cynllunio'ch siwrnai

• Cael gwybodaeth am draffig yn ystod eich taith

Cysylltiadau defnyddiol

• Yr Adran Drafnidiaeth

• Transport for London (TfL)