Gwefan llywodraeth y DU

• Download fersiwn Windows Media Video oddi ar y we (WMV, 12792K)

• Cymorth gyda ffeiliau fideo

Pam ddylid defnyddio cyfryngu?

Mae cyfryngu’n ffordd well o ddatrys anghydfodau o fewn teulu yn hytrach na mynd i’r llys. Gall achosion llys fod yn hir, yn ddrud ac yn anodd iawn. Gall cyfryngu hefyd wella’r cyfathrebu rhwng aelodau’r teulu a lleihau gwrthdaro.

Sut mae cyfryngu yn gweithio?

Mewn proses gyfryngu, mae aelodau’r teulu yn egluro’u pryderon a’u hanghenion i’r naill a’r llall ym mhresenoldeb cyfryngwr. Mae’r cyfryngwr yn eu helpu i ddod i gytundeb heb gymryd ochr neb.

Mae’r holl wybodaeth a ddatgelir yn ystod y broses gyfryngu yn breifat, oni bai fod lles plentyn dan fygythiad. Yn yr achosion hyn, gellir anfon yr wybodaeth ymlaen at yr awdurdodau er mwyn amddiffyn y plentyn.

• Fideo: cyfryngu teuluol - straeon bywyd go iawn

Pwy yw'r cyfryngwyr teuluol?

Mae cyfryngwyr teuluol yn dod o ystod eang o gefndiroedd gan gynnwys y gyfraith, gofal iechyd a phroffesiynau eraill sy’n gweithio gyda theuluoedd a phlant. Fe’u hyfforddwyd i weithio gyda phobl y mae eu perthynas wedi chwalu.

A yw cytundebau’n rhwymo dan y gyfraith?

Nid yw unrhyw gytundeb a wneir drwy gyfryngu teuluol yn rhwym dan y gyfraith. Os ydych chi’n dymuno gwneud cytundeb yn rhwym dan y gyfraith, dylech wneud cais i’r llys drwy eich twrnai. Yna bydd y llys yn ystyried a ddylid gwneud gorchymyn llys.

• Dod o hyd i dwrnai neu asiantaeth gynghori cyfreithiol (adran ei wneud ar y we)

Faint fydd cyfryngu’n ei gostio?

Codir tâl fesul sesiwn ac mae’n amrywio yn ôl gwasanaethau cyfryngu unigol. Os ydych chi’n gymwys, fe allech gael Cymorth Cyfreithiol i dalu am eich gwasanaeth cyfryngu. Gallwch ddarganfod a ydych chi’n gymwys trwy ffonio’r Gwasanaeth Cyfreithiol Cymunedol ar 0845 345 4345, neu fynd i wefan Cyngor Cyfreithiol Cymunedol.

• Gwefan Cyngor Cyfreithiol Cymunedol Opens new window

Dod o hyd i gyfryngwyr teuluol yn eich ardal chi

Gallwch gael manylion cyfryngwyr teuluol sy’n lleol i chi drwy ffonio’r Llinell Gyfryngu i Deuluoedd. Gallwch hefyd gael cyngor cyffredinol am gyfryngu, gan gynnwys cyngor ynghylch a yw eich achos chi’n addas ar gyfer cyfryngu. Ffoniwch y llinell gymorth ar 0845 60 26 627, neu ewch i’w gwefan.

• Y Llinell Gyfryngu i Deuluoedd Opens new window

Rhoi'r lle blaenaf i’ch plant: arweiniad i rieni sy’n gwahanu

Mae llyfryn ar gael i roi cyngor i rieni ar faterion o ddydd i ddydd y byddai’n rhaid iddynt ddelio â hwy o bosib yn ystod y broses o ysgaru neu wahanu. Cyhoeddwyd y llyfryn gan Cafcass (y Gwasanaeth Cynghori a Chynorthwyo Llys i Blant a Theuluoedd), ac mae hefyd yn rhoi cyngor ar sut i gefnogi plant yn ystod y broses o wahanu. Gallwch lwytho’r llyfryn yma neu archebu copi am ddim ar-lein.

• Llwytho 'Rhoi'r lle blaenaf i'ch plant: arweiniad i rieni sy'n gwahanu' (PDF, 2171K) Opens new window

• Cymorth gyda ffeiliau PDF

• Archebu copi o'r llyfryn ar-lein Opens new window

Credydau treth a pherthynas yn chwalu

Os oeddech chi’n arfer derbyn credydau treth fel cwpl, ond rydych wedi gwahanu erbyn hyn, nid oes rhaid i chi lenwi ffurflen gais newydd. Gallwch wneud cais newydd fel person sengl dros y ffôn trwy ffonio'r Llinell Gymorth Credydau Treth ar 0845 300 3900, neu ffôn testun 0845 300 3909.

• Credydau treth pan fydd eich partner yn gadael neu pan fydd partner newydd yn symud i mewn Opens new window

Mwy o ddolenni defnyddiol

• Cyngor am y prif faterion y bydd angen i chi feddwl amdanynt os yw eich perthynas wedi dod i ben Opens new window

• Trais yn y cartref: cael cymorth (adran troseddau, cyfiawnder a'r gyfraith)

• Delio ag ochr emosiynol ysgariad Opens new window

• Cyngor cyffredinol am ddewisiadau eraill yn hytrach na mynd i'r llys Opens new window