Gwefan llywodraeth y DU

Gwarcheidwad Plant

Mae Gwarcheidwaid Plant yn cynrychioli hawliau a buddiannau plentyn yn ystod achosion sy'n cynnwys gwasanaethau cymdeithasol (achosion cyfraith gyhoeddus) neu achosion o herio penderfyniadau ar fabwysiadu.

Yn benodol, gallant wneud y canlynol:

• penodi cyfreithiwr sy'n arbenigo mewn cyfraith deuluol ar ran y plant
• rhoi cyngor i'r llys ar beth sydd angen ei wneud cyn y gall wneud penderfyniad
• llunio adroddiad i'r llys yn dweud beth fyddai orau i'r plant ym marn y gwarcheidwad - rhaid i'r adroddiad hwn roi gwybod i'r llys am ddymuniadau a theimladau'r plentyn

I wneud eu gwaith, mae Gwarcheidwaid Plant yn treulio amser yn dod i adnabod y plant ac aelodau eu teulu.

• Mwy o wybodaeth ar achosion gofal a’r rôl y Gwarchweidwaid Plant Opens new window

Swyddog Adrodd Plant a Theuluoedd

Mae Swyddogion Adrodd Plant a Theuluoedd yn helpu teuluoedd i gytuno ar drefniadau ar gyfer eu plant. Fel arfer, byddant yn cwrdd â'r rhieni neu oedolion i weld a ellir cytuno ar faterion heb orfod mynd i'r llys (a elwir yn gyfryngu).

Os na ellir dod i gytundeb, bydd y swyddog adrodd plant a theuluoedd yn llunio adroddiad i'r llys. Bydd yr adroddiad hwn yn egluro pa ymholiadau a wnaed, a beth sydd orau i'r plentyn ym marn y swyddog. Yn gyffredinol, yn yr achosion hyn, swyddogion Cafcass yw unig gynrychiolwyr buddiannau'r plentyn ac maent yn ffynhonnell o wybodaeth annibynnol i'r llys.

Nid oes gwasanaeth cyfryngu ar gael ar gyfer achosion cyfraith gyhoeddus neu fabwysiadu.

• Mwy o wybodaeth ar sut mae Cafcass yn gweithio gyda theuluoedd Opens new window

Swyddog Mabwysiadu

Mae rôl Swyddog Mabwysiadu Cafcass yn dibynnu ar ba un a yw'r rhieni yn cytuno i fabwysiadu. Os yw'r rhieni'n cytuno, bydd y swyddog yn sicrhau bod rhieni'n deall beth y bydd mabwysiadu yn ei olygu iddynt ac yn ysgrifennu adroddiad byr ar gyfer y llys.

Os nad yw rhiant yn cytuno, neu os oes amgylchiadau arbennig, bydd Gwarcheidwad Plentyn yn cynnal archwiliad manwl ac yn ysgrifennu adroddiad i roi gwybod i'r llys a fyddai mabwysiadu er budd y plentyn ym marn y gwarcheidwad.

• Mwy o wybodaeth am rôl Cafcass mewn achosion mabwysiadu Opens new window

Cyhoeddiadau Cafcass

Mae Cafcass yn cyhoeddi pecynnau i helpu plant a phobl ifanc i ddeall y broses gyfreithiol. Gellir eu lawrlwytho o'r dolenni isod.

• Taflenni Cafcass i oedolion Opens new window

• Taflenni Cafcass i blant Opens new window

• Cymorth gyda ffeiliau PDF

Cysylltiadau defnyddiol

• Cysylltiadau rhieni