Gwefan llywodraeth y DU

Pryd y byddwch yn cael eich DQC

Byddwch yn cael DQC yn awtomatig pan fyddwch yn pasio'r cymhwyster cychwynnol CPC i Yrwyr. Bydd yn cael ei anfon i'r cyfeiriad ar eich trwydded yrru. Felly, gwnewch yn siŵr bod gan yr Asiantaeth Trwyddedu Gyrwyr a Cherbydau eich manylion diweddaraf.

• CPC i Yrwyr: sut i gael gafael arni a'i chadw

• Newid eich enw a'ch cyfeiriad ar eich trwydded yrru

Os oes gennych CPC i Yrwyr drwy 'hawliau caffaeledig'

Os oes gennych CPC i Yrwyr drwy 'hawliau caffaeledig' gallwch ddefnyddio eich trwydded yrru alwedigaethol fel prawf o'ch CPC i Yrwyr hyd:

• 9 Medi 2013 i yrwyr bysiau a choetsis
• 9 Medi 2014 i yrwyr lorïau

Erbyn hynny, byddwch wedi cwblhau eich 35 awr gyntaf o hyfforddiant cyfnodol. Bydd eich canolfan hyfforddi'n llwytho manylion eich hyfforddiant i gronfa ddata'r CPC i Yrwyr.

• CPC i Yrwyr: pryd a sut i ddilyn hyfforddiant cyfnodol

Os oes gennych drwydded cerdyn-llun

Byddwch yn cael DQC pan fyddwch wedi cwblhau eich hyfforddiant cyfnodol os oes gennych drwydded cerdyn-llun Prydain Fawr. Bydd yn cael ei anfon i'r cyfeiriad ar eich trwydded yrru.

Os oes gennych drwydded bapur

Os oes gennych drwydded bapur bydd angen i chi ei chyfnewid am drwydded cerdyn-llun er mwyn cael eich DQC, am fod angen llun a llofnod ar y DQC, a gymerir o gofnod y drwydded cerdyn-llun.

• Cyfnewid eich trwydded yrru bapur am drwydded cerdyn-llun

Cario eich DQC gyda chi

Mae'n rhaid i chi gario prawf o'ch CPC i Yrwyr bob amser pan fyddwch yn gyrru'n broffesiynol. Os na fydd gennych eich DQC pan fyddwch yn gyrru'n broffesiynol, efallai y bydd yn rhaid i chi dalu cosbau.

Prawf os oes gennych 'hawliau caffaeledig'

Os oes gennych 'hawliau caffaeledig', mae eich trwydded yrru yn brawf o'ch CPC i Yrwyr. Fodd bynnag, nid oes yn rhaid i chi gario eich trwydded yrru gyda chi.

Os gofynnir i chi ei chyflwyno, bydd yn rhaid i chi wneud hynny maes o law fel tystiolaeth o'ch 'hawliau caffaeledig'. Gall hyn olygu ei dangos i swyddog yr heddlu mewn gorsaf heddlu.

Ble y mae'n rhaid i chi gario eich DQC

Gorfodir CPC i Yrwyr ym mhob un o aelod-wladwriaethau'r Undeb Ewropeaidd (UE). Os byddwch yn gyrru'n broffesiynol yn un o wledydd eraill yr UE, bydd yn rhaid i chi gael CPC ddilys i Yrwyr a chario eich DQC o hyd.

Os bydd eich DQC yn cael ei golli, ei ddwyn neu ei ddifrodi

Os bydd eich DQC yn cael ei golli, ei ddwyn neu ei ddifrodi, bydd yn rhaid i chi roi gwybod i'r Asiantaeth Safonau Gyrru (DSA) ar unwaith.

Gwneud cais am DQC newydd

Gallwch wneud cais am gerdyn newydd drwy:

• anfon e-bost gyda 'DQC enquiry' yn y maes pwnc i customer.services@dsa.gsi.gov.uk
• anfon llythyr i: Driver CPC Enquiries, PO Box 280, Newcastle, NE99 1FP

Bydd angen i chi roi'r wybodaeth ganlynol i DSA:

• eich enw
• rhif eich trwydded yrru
• eich cyfeiriad
• eich rhif ffôn

Wedyn bydd DSA yn trefnu bod rhywun yn eich ffonio yn ôl i barhau â'ch cais.

Codir ffi am gardiau newydd. Bydd angen cerdyn credyd neu ddebyd arnoch i dalu'r ffi hon. Defnyddiwch y ddolen hon i edrych ar ffioedd DQC ar wefan Business Link.

• Ffioedd CPC i Yrwyr: Business Link Opens new window

Gyrru tra byddwch yn aros am DQC newydd

Gallwch barhau i yrru'n broffesiynol tra byddwch yn aros i'ch DQC newydd gyrraedd.

Os na fydd yn cyrraedd o fewn 15 diwrnod i wneud cais, cysylltwch â DSA i gadarnhau bod ganddynt eich cais a'i fod yn cael ei brosesu.

Dylech gadw copi o lythyrau a chael prawf postio pan fyddwch yn cysylltu â DSA. Gallwch gael prawf postio am ddim ar gyfer llythyrau a gaiff eu postio mewn Swyddfa Bost.

Mae DSA yn argymell eich bod yn rhoi gwybod i'ch cyflogwr os caiff eich cerdyn ei golli neu ei ddwyn.

Deiliaid trwydded o wledydd y tu allan i’r DU, o’r UE ac o drydedd wlad o fewn CPC i Yrwyr

Os ydych yn yrrwr o wlad y tu allan i’r DU, o aelod-wladwriaeth y UE neu o drydedd wlad ac mae arnoch angen cyfnewid eich trwydded yrru, gallwch hefyd gael gwybod mwy ynghylch gwneud cais am DQC yn y DU.

• CPC i Yrwyr: beth sy’n digwydd os byddwch yn cyfnewid eich trwydded yrru

Mwy o ddolenni defnyddiol

• Cymhwyster cychwynnol CPC i Yrwyr: Business Link Opens new window

• Hyfforddiant cyfnodol CPC i Yrwyr: Business Link Opens new window

• Prynu meddalwedd a llyfrau DSA ar-lein gan Y Llyfrfa Opens new window

• Gwneud cais am drwydded yrru dros dro