Gwefan llywodraeth y DU

Os oes gennych drwydded a gyhoeddwyd cyn Ionawr 1997

Roedd gyrwyr a oedd wedi pasio eu prawf gyrru cyn Ionawr 1997 yn cael hawliau awtomatig, a elwir weithiau’n ‘hawliad taid’. Felly bydd gan ddeiliad y drwydded hawl i yrru lorïau bach, bysiau mini a cherbyd â threlar (categorïau C1, C1+E, D1 a D1+E), yn amodol ar rai cyfyngiadau.

Nawr, mae'n rhaid i unrhyw un sy'n goruchwylio gyrwyr dan hyfforddiant mewn cerbydau categori C1 neu D1 (gan gynnwys cerbyd â threlar) gael yr hawl lawn drwy basio’r profion theori a gyrru ymarferol ar gyfer gyrru’r cerbyd y bydd y gyrrwr dan hyfforddiant yn ei yrru. Nid yw hawliau awtomatig yn eich galluogi i oruchwylio gyrwyr dan hyfforddiant mewn cerbydau C1 a D1 mwyach.

Y gofynion cyffredinol ar gyfer goruchwylio gyrwyr mewn cerbydau categori C1 a D1 yw ei bod yn rhaid i'r ddau ohonynt:

• feddu ar drwydded lawn ar gyfer categori’r cerbyd y bydd y sawl â thrwydded yrru dros dro yn ei yrru
• meddu ar y drwydded honno am y cyfnod perthnasol – tair blynedd fel rheol (ond ystyrir bod y rheini â hawliau awtomatig a symudodd ymlaen i gael hawliau llawn cyn 1 Mai 2010 yn meddu ar yr hawl lawn ers tair blynedd o leiaf)

Yr effaith ar hyfforddwyr gyrru, a'r rheini sy'n hyfforddi hyfforddwyr gyrru

Rhaid i hyfforddwyr sydd am barhau i fod yn yrwyr goruchwyliol fod wedi pasio’r profion gyrru perthnasol cyn 1 Mai 2010.

Bydd yr Asiantaeth Safonau Gyrru yn gwneud yn siŵr yr ystyrir bod unrhyw un sydd wedi pasio’r prawf cyn 1 Mai 2010 yn bodloni’r gofyniad ynghylch y cyfnod perthnasol. Gan amlaf, mae’r cyfnod perthnasol yn dair blynedd o ddyddiad y newid.

Os byddwch yn pasio’r prawf gyrru perthnasol ar ôl 1 Mai 2010, bydd yn rhaid i chi aros tair blynedd cyn cael goruchwylio gyrwyr eraill.

Mwy o ddolenni defnyddiol

• Y cerbydau y cewch eu gyrru a'r gofynion oedran