Gwefan llywodraeth y DU

Newidiadau i reolau trwyddedau gyrru ar gyfer gyrwyr bysiau a lorïau

O 19 Ionawr 2013, bydd rheolau ar gyfer trwyddedau i yrru bysiau a lorïau yn newid. I gael gwybod mwy am y newidiadau, dilynwch y ddolen isod.

• Gyrwyr bysiau a lorïau - cyfnodau dilysrwydd newydd ar gyfer trwyddedau gyrru

Beth mae gyrrwr lori, bws neu fws moethus yn ei wneud

Bydd dal trwydded yrru bws neu lori yn caniatáu i chi weithio i gwmni neu sefydliad yn gyrru eich cerbyd yn lleol, yn genedlaethol neu ar draws Ewrop.

Beth y cewch ei wneud fel gyrrwr lori

Fel gyrrwr lori, cewch wneud y canlynol:

• danfon deunyddiau siop neu adeiladu (danfon i sawl lle)
• gyrru cynhwysydd blwch neu gerbydau â llenni ar yr ochrau
• gyrru tanceri sy'n cynnwys hylifau megis tanwydd neu laeth
• gyrru tanceri sy'n cynnwys powdrau megis sment neu flawd
• cludo da byw
• danfon nwyddau y rheolir eu tymheredd megis salad, blodau neu fwydydd wedi'u rhewi

Beth y cewch ei wneud fel gyrrwr bws moethus

Fel gyrrwr bws moethus, cewch yrru'n bell:

• tripiau dydd neu wasanaethau maes awyr
• cyrchfannau gwyliau yn Ewrop

Beth y cewch ei wneud fel gyrrwr bws

Fel gyrrwr bws, cewch yrru'n lleol, gwasanaethau wedi'u hamserlennu neu wasanaethau ysgol.

Y drwydded yrru y mae ei hangen i yrru lori neu fws

• Y cerbydau y cewch eu gyrru a'r gofynion oed

Eich ymddygiad wrth yrru fel gyrrwr proffesiynol

Dylai gyrrwr proffesiynol osod esiampl i yrwyr eraill. Dylech chi wneud yn siŵr bod y cerbyd yn cael ei yrru gyda chymaint o ddiogelwch, cwrteisi ac ystyriaeth â phosibl at bawb arall ar ffyrdd prysur heddiw.

Os byddwch yn colli eich hawl trwydded car unrhyw bryd, byddwch hefyd yn colli eich trwydded LGV neu PCV yn awtomatig.

• Eich ymddygiad wrth yrru cerbydau mwy, bysiau mini neu fysiau

Yr hyn y mae gofyn i chi ei wneud i ddod yn yrrwr proffesiynol

Er mwyn bod yn yrrwr proffesiynol mae'n bwysig eich bod yn cael yr hyfforddiant a'r cyfarwyddyd cywir cyn sefyll eich prawf ymarferol. Ceir rhestr o fudiadau a hyfforddwyr cymeradwy'r Asiantaeth Safonau Gyrru ar gyfer hyfforddiant LGV ar wefan Business Link.

• Chwilio am fudiadau/hyfforddwyr hyfforddiant LGV ar wefan Business Link Opens new window

Y profion y bydd angen i chi eu sefyll

Er mwyn cael trwydded i yrru lori a/neu fws bydd yn rhaid i chi basio'r profion canlynol:

• profion theori ac adnabod peryglon
• prawf gyrru ymarferol
• Tystysgrif Cymhwysedd Proffesiynol i Yrwyr (CPC i Yrwyr)

• Sut mae cael a chadw’r Dystysgrif Cymhwysedd Proffesiynol i Yrwyr (CPC i Yrwyr)

Safonau iechyd a meddygol

Er mwyn cael trwydded yrru ar gyfer bws neu lori, bydd arnoch angen cael archwiliad meddygol i wneud yn siŵr eich bod yn addas i yrru.

• Rheolau meddygol ar gyfer pob gyrrwr

Mwy o ddolenni defnyddiol

• Sefyll prawf theori bws a lori

• Y prawf gyrru ymarferol ar gyfer bysiau a lorïau

• Rheolau ar gyfer lorïau, bysiau a choetsys a ddefnyddir mewn profion gyrru

• Tanysgrifio i negeseuon e-bost yr Asiantaeth Safonau Gyrru