Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Moduro

Rheolau ar gyfer lorïau, bysiau a choetsys a ddefnyddir mewn profion gyrru

Mae rheolau ar gyfer y lori, y bws neu'r goets a ddefnyddiwch yn eich prawf gyrru. Os nad yw eich cerbyd yn bodloni'r rheolau, ni allwch ei ddefnyddio ar gyfer eich prawf. Mynnwch wybod a yw eich cerbyd yn bodloni'r rheolau.

Y cerbyd y byddwch yn ei ddefnyddio ar gyfer eich prawf gyrru

Os nad yw eich cerbyd yn bodloni'r rheolau, ni allwch ei ddefnyddio ar gyfer eich prawf. Os byddwch yn mynd â cherbyd nad yw'n bodloni'r rheolau:

bydd eich prawf yn cael ei ganslo
efallai y byddwch yn colli eich ffi

Rheolau ar gyfer lorïau a ddefnyddir mewn profion gyrru

Darllen y rheolau

Os nad yw eich cerbyd yn bodloni'r rheolau:

bydd eich prawf yn cael ei ganslo
efallai y byddwch yn colli eich ffi

Rhaid bod pob cerbyd a ddefnyddir ar gyfer profion categori C1, C1+E, C ac C+E yn gallu cyrraedd cyflymder o 50 milltir yr awr (mya), sef 80 cilometr yr awr (km/a).

Rhaid bod y canlynol wedi'u gosod ar y cerbyd:

drychau sydd wedi'u gosod yn allanol ar yr ochr i mewn ac ar yr ochr allan
gwregysau diogelwch ar seddi a ddefnyddir gan yr arholwr neu unrhyw un sy'n goruchwylio'r prawf
tacograff
system frecio wrth-gloi (ABS) - nodwch nad oes angen bod ABS wedi'i osod ar ôl-gerbydau

Nid yw uned tractor yn gerbyd addas ar gyfer prawf categori C neu C1.

Rhaid sicrhau bod pob adran cargo ôl-gerbyd:

ar ffurf blwch caeedig
o leiaf yr un mor uchel a llydan â'r cerbyd sy'n tynnu

Yn achos C1+E gall yr ôl-gerbyd fod ychydig yn llai llydan na'r cerbyd sy'n tynnu, ond dim ond drwy ddefnyddio drychau allanol y dylid gweld y cefn.

Lorïau maint canolig: is-gategori C1

Beth yw uchafswm màs awdurdodedig (MAM)

Gelwir hwn yn 'bwysau cerbyd gros' hefyd

Esboniad o bwysau cerbydau

Lorïau maint canolig sy'n perthyn i is-gategori C1.

Is-gategori C1

Y cerbydau sy'n perthyn i is-gategori C1 yw lorïau maint canolig:

sydd â MAM o bedair tunnell o leiaf
sy'n mesur o leiaf pum metr o hyd
sydd ag adran cargo ar ffurf blwch caeedig sydd o leiaf yr un mor llydan ac uchel â'r cerbyd sy'n tynnu

MAM yw uchafswm pwysau'r cerbyd gan gynnwys uchafswm y llwyth y gellir ei gludo'n ddiogel tra caiff ei ddefnyddio ar y ffordd. Gelwir hwn yn 'bwysau cerbyd gros' hefyd.

Is-gategori C1+E

Mae dau fath o gerbyd prawf yn perthyn i gategori C1+E:

dau gerbyd wedi'u huno gan far tynnu, lle mae cerbyd categori C1 yn tynnu ôl-gerbyd sydd â MAM o ddwy dunnell o leiaf, a lle mae'r ddau gerbyd yn mesur o leiaf wyth metr o hyd gyda'i gilydd
lori gymalog maint canolig sydd â MAM o chwe thunnell o leiaf, sy'n mesur cyfanswm o wyth metr o hyd o leiaf

Esboniad o bwysau cerbydau

Cerbydau nwyddau mawr: categori C

Cerbydau nwyddau mawr sy'n perthyn i gategori C.

Categori C

Y cerbydau sy'n perthyn i gategori C yw cerbydau nwyddau un-darn:

sydd â MAM o 12 tunnell o leiaf
sy'n mesur o leiaf wyth metr o hyd
sy'n mesur o leiaf 2.4 metr o led

Rhaid bod y canlynol wedi'u gosod ar y cerbyd:

o leiaf wyth cymhareb gêr flaen
adran cargo ar ffurf blwch caeedig sydd o leiaf yr un mor llydan ac uchel â'r cab

Categori C+E

Rhaid bod y canlynol yn wir am gerbydau categori C+E:

bod ganddynt o leiaf wyth cymhareb gêr flaen
eu bod yn mesur o leiaf 2.4 metr o led

Mae dau fath o gerbyd prawf sy'n perthyn i gategori C+E:

dau gerbyd wedi'u huno gan far tynnu, lle mae cerbyd categori C yn tynnu ôl-gerbyd sydd â MAM o 20 tunnell o leiaf, sy'n mesur o leiaf 7.5 metr o hyd o'r ddolen fachu i ben pellaf yr ôl-gerbyd a lle mae'r ddau gerbyd yn mesur o leiaf 14 metr o hyd gyda'i gilydd
lori gymalog sydd â MAM o 20 tunnell o leiaf, sy'n mesur o leiaf 14 metr o hyd heb fod yn fwy na 16.5 metr