Gwefan llywodraeth y DU

Sut i wirio eich hyfforddiant cyfnodol CPC i Yrwyr

Os ydych wedi cofrestru i ddefnyddio'r gwasanaeth a bod gennych gyfrinair, gallwch:

• weld sawl awr o hyfforddiant rydych wedi'i gwneud
• gweld pa gyrsiau rydych wedi'u mynychu
• creu cyfrinair dros dro i'ch cyflogwr neu'ch darpar gyflogwr gael gweld eich cofnod hyfforddiant

Os nad yw hyfforddiant yn ymddangos ar eich cofnod

Os ydych wedi gwneud hyfforddiant ond nid yw'n ymddangos ar eich cofnod ar ôl pum diwrnod gwaith, cysylltwch â'r ganolfan hyfforddi.
Os na all y ganolfan hyfforddi eich helpu, cysylltwch â’r Asiantaeth Safonau Gyrru (DSA) drwy e-bost ar: dcpc.complaints@dsa.gsi.gov.uk

Sut i gofrestru os ydych yn ddefnyddiwr newydd

Os ydych yn ddefnyddiwr newydd, mae angen i chi gofrestru er mwyn defnyddio'r gwasanaeth ar-lein.

Bydd angen i chi roi:

• rhif eich trwydded yrru
• cod post eich cartref

Pan fyddwch yn cofrestru, caiff cyfrinair ar gyfer y gwasanaeth ei anfon drwy'r post i'r cyfeiriad ar eich trwydded yrru. Felly, mae'n bwysig eich bod yn nodi eich cyfeiriad diweddaraf.

• Newid eich enw a'ch cyfeiriad ar eich trwydded yrru Opens new window

Pan fydd gennych eich cyfrinair

Pan fydd gennych eich cyfrinair, gallwch ddefnyddio'r gwasanaeth ar-lein i wirio eich cofnod hyfforddiant. Mae'r DSA yn argymell eich bod yn newid y cyfrinair cychwynnol i un sy'n fwy cofiadwy.

Gallwch roi cyfeiriad e-bost er mwyn cael cyfrineiriau newydd yn gyflym dros yr e-bost.

Pryd y gallwch ddefnyddio'r gwasanaeth hwn

Gallwch ddefnyddio'r gwasanaeth ar-lein hwn 24 awr y dydd, o ddydd Llun i ddydd Sul.

Help gyda'r gwasanaeth hwn

Os cewch unrhyw broblemau gyda'r gwasanaeth hwn, cysylltwch â thîm gwasanaeth cwsmeriaid y DSA.

• DSA - canolfan gwasanaeth cwsmeriaid

Mwy o ddolenni defnyddiol

• Y Dystysgrif Cymhwysedd Proffesiynol i Yrwyr: sut i'w chael a'i chadw (adran moduro)

• Y Dystysgrif Cymhwysedd Proffesiynol i Yrwyr: pryd a sut i ddilyn hyfforddiant cyfnodol (adran moduro)

• Y Dystysgrif Cymhwysedd Proffesiynol i Yrwyr: eich Cerdyn Cymhwyster Gyrrwr (DQC) (adran moduro)

• Gyrru lorïau, bysys a choetsys (adran moduro)