Gwefan llywodraeth y DU

Rydych yn gweithio, mae gennych blant ond nid ydych yn talu am ofal plant

Y symiau a ddangosir yw'r cyfanswm o gredydau treth y gallech ei gael ar gyfer y flwyddyn dreth bresennol. Dechreuodd hon ar 6 Ebrill 2012 a daw i ben ar 5 Ebrill 2013. Os ydych yn rhan o gwpwl, yr incwm blynyddol yw eich incwm ar y cyd.

Pwy ddylai ddefnyddio'r tabl hawliadau hwn?

Gallwch ddefnyddio'r tabl hwn os oes un o'r canlynol yn gymwys:

• rydych yn sengl ac yn gweithio o leiaf 16 awr yr wythnos
• rydych yn rhan o gwpwl, mae un ohonoch yn gweithio o leiaf 16 awr a - rhyngoch chi - rydych yn gweithio o leiaf 24 awr yr wythnos

Gallwch hefyd ddefnyddio’r tabl hwn os ydych yn rhan o gwpl, mae un ohonoch yn gweithio o leiaf 16 awr yr wythnos, ac mae’r llall yn:

• hawlio budd-daliadau anabledd penodol (er enghraifft Lwfans Gweini neu Lwfans Cyflogaeth a Chymorth yn seiliedig ar gyfraniadau) neu mewn amgylchiadau penodol yn derbyn credydau Yswiriant Gwladol
• yn yr ysbyty neu’r carchar
• gymwys am Lwfans Gofalwr – hyd yn oed os nad yw’n cael unrhyw daliadau am ei fod yn cael budd-daliadau eraill yn lle hynny
  

• Cael gwybod mwy am beth y mae ‘analluogrwydd’ yn ei olygu ar gyfer credydau treth

Peidiwch â defnyddio'r tabl hwn os:

• rydych yn gweithio llai na 16 awr yr wythnos a bod gennych blant - dylech ddefnyddio tabl gwahanol
• rydych yn rhiant sengl sy'n gweithio rhwng 16 a 29 awr yr wythnos, a bod eich incwm yn fwy na £5,100

Gallwch weld faint y gallech ei gael drwy lenwi cyfrifydd ar-lein yn lle hynny - mae'n cymryd rhwng 10 a 15 munud i'w gwblhau.

• Rydych chi'ch gweithio llai na 16 awr ac mae gennych chi blant: tablau hawliau

• Cyfrifydd credydau treth - cael gwybod faint y gallwch ei gael

Mae tablau hawliadau eraill hefyd. Os nad ydych yn siŵr a ydych yn defnyddio'r tabl cywir, gallwch weld drwy ddilyn y ddolen isod.

• Tablau hawliadau ar gyfer credydau treth - dechrau arni

Sut i ddefnyddio'r tabl hwn

Dewch o hyd i'r lefel incwm flynyddol yn y golofn gyntaf sydd agosaf at gyfanswm eich incwm ar gyfer y flwyddyn dreth ddiwethaf (incwm ar y cyd ar gyfer gyplau). Mae hyn yn cynnwys incwm o waith, rhai budd-daliadau'r wladwriaeth (fel Lwfans Ceisio Gwaith yn seiliedig ar gyfraniadau), ac incwm arall (fel llog ar gynilion) dros £300.

Mae blwyddyn dreth yn rhedeg rhwng 6 Ebrill a 5 Ebrill. Os yw eich incwm yn ystod y flwyddyn dreth hon yn debygol o fod fwy na £2,500 yn is, efallai y bydd angen i chi edrych ar lefel incwm blynyddol wahanol. Gweler yr adran nesaf ar sut i weithio allan pa ffigur i'w ddefnyddio.

Dewch o hyd i'r pennawd yn y colofnau eraill sy'n berthnasol i chi.

Lle mae'r rhes a'r golofn yn cwrdd â'i gilydd, dyma'r swm nodweddiadol o gredydau treth a ddyfernir ar gyfer yr amgylchiadau hynny.

Dylech ddefnyddio'r wybodaeth yn y tabl fel canllaw yn unig. Bydd y credydau treth gwirioneddol a gewch yn dibynnu ar eich amgylchiadau personol a gallant fod yn wahanol i'r ffigurau a roddir yn y tablau.

I gael syniad gwell o faint y gallai fod hawl gennych i'w gael, gallwch ddefnyddio cyfrifydd credydau treth ar-lein manylach. Dylai gymryd rhwng 10 a 15 munud i'w gwblhau.

• Sut i gyfrifo eich incwm at ddibenion credydau treth

• Cyfrifydd credydau treth - cael gwybod faint y gallwch ei gael

Os bydd eich incwm yn gostwng mwy na £2,500 yn ystod y flwyddyn dreth

Os yw eich incwm yn ystod y flwyddyn dreth hon yn debygol o ostwng mwy na £2,500, efallai y bydd angen i chi edrych ar lefel incwm blynyddol wahanol. Dilynwch y camau isod.

Cam un

Cymerwch eich incwm is.

Cam dau

Ychwanegwch £2,500 ato. Mae hyn am fod y Swyddfa Credyd Treth yn anwybyddu’r £2,500 cyntaf o ostyngiad mewn incwm wrth weithio allan eich taliadau.

Cam tri

Dewch o hyd i'r lefel incwm blynyddol yn y tabl sydd agosaf at eich ateb.

Er enghraifft, roedd eich incwm ar gyfer y flwyddyn dreth ddiwethaf yn £30,000. Ond rydych yn amcangyfrif y bydd eich incwm yn gostwng i £18,000 ar gyfer y flwyddyn dreth hon (rhwng 6 Ebrill 2012 a 5 Ebrill 2013). Bydd angen i chi edrych ar yr incwm blynyddol o £20,000 yn y tabl.

Cyfrifir hyn fel a ganlyn:

£18,000 + £2,500 = £20,500. Felly, yr incwm agosaf yn y tabl yw £20,000.

Yr hyn y mae angen i chi ei wybod am rai o'r ffigurau incwm

Mae'n werth gwybod am rai o'r pethau sy'n berthnasol i rai o'r ffigurau incwm yn y tabl.

Ar gyfer y ffigurau incwm blynyddol o £0 a £5,100, mae'r swm o gredydau treth a ddangosir ond yn berthnasol os ydych:

• yn sengl ac yn gweithio o leiaf 16 awr - ond yn llai na 30 awr - yr wythnos
• yn rhan o gwpwl, mae un ohonoch yn gweithio o leiaf 16 awr a - rhyngoch chi - rydych yn gweithio llai na 30 awr yr wythnos

Ar gyfer y ffigurau incwm blynyddol o £9,500 ac uwch, mae'r symiau o gredydau treth a ddangosir ond yn berthnasol os ydych:

• yn sengl ac yn gweithio o leiaf 30 awr yr wythnos
• yn rhan o gwpwl, mae un ohonoch yn gweithio o leiaf 16 awr a - rhyngoch chi - rydych yn gweithio o leiaf 30 awr yr wythnos

Os nad yw'r oriau gwaith yn berthnasol i chi, gallwch weld y swm y gallwch ei gael drwy ddefnyddio cyfrifydd credydau treth ar-lein manylach.

• Cyfrifydd credydau treth - cael gwybod faint y gallwch ei gael

Mwy o ddolenni defnyddiol

• Sut i wneud cais am gredydau treth

• Sut y caiff eich hawl i gael credydau treth ei gyfrifo

Cysylltiadau defnyddiol

• Llinell Gymorth Credydau Treth – manylion cyswllt