Gwefan llywodraeth y DU

Gwarantau ar gyfer cartrefi sydd wedi'u hadeiladu o'r newydd

Gwnewch yn siŵr bod yr eiddo wedi'i ddiogelu gan warant dda a ddarperir gan gwmni dibynadwy.

Mae'r mwyafrif o gartrefi newydd wedi'u diogelu gan yswiriant a gwarant Buildmark 10 mlynedd y Cyngor Cenedlaethol Adeiladu Tai (NHBC). Fodd bynnag, mae rhai adeiladwyr yn defnyddio darparwyr gwarant eraill a gallant roi manylion llawn am warant yr eiddo i chi. Dilynwch y ddolen isod i gael gwybodaeth am warant cartref newydd LABC, sy'n enghraifft o ddarparwr arall.

Os nad yw'r eiddo newydd wedi'i ddiogelu gan warant NHBC neu warant debyg, dylech wneud yn siŵr bod y dystysgrif rheoli adeiladu derfynol ar gael.

• Warant Buildmark y Cyngor Cenedlaethol Adeiladu Tai Opens new window

• Warant cartref newydd LABC Opens new window

Cyn prynu cartref sydd wedi'i adeiladu o'r newydd

Dylech ganfod a yw eich adeiladwr wedi'i gofrestru gyda NHBC. Gallwch wneud hyn drwy ffonio llinell gymorth NHBC ar 0844 633 1000 neu drwy edrych ar y gofrestr ar wefan NHBC. Os nad yw'ch adeiladwr wedi'i gofrestru gyda NHBC, holwch a fyddwch yn cael cynnig gwarant gan gwmni dibynadwy arall.

Gwnewch yn siŵr bod gan yr adeiladwr enw da.

Gofynnwch am gael edrych o amgylch tai y mae'r adeiladwr wedi'u hadeiladu o'r blaen a siaradwch â chyn gwsmeriaid os oes modd.

Ewch i weld y safle - ydy'r safle'n daclus ac wedi'i reoli'n dda? Bydd hyn yn rhoi gwybodaeth i chi am ymrwymiad yr adeiladwr i ansawdd.

Treuliwch amser yn gwneud yn siŵr eich bod yn deall beth sydd wedi'i ddiogelu dan y warant.

• Dod o hyd i adeiladwr sydd wedi'i gofrestru gyda NHBC Opens new window

Ar ôl cyfnewid contractau

Ar ôl i chi gyfnewid contractau:

• gofynnwch i'ch twrnai am y dogfennau gwarant a darllenwch nhw'n ofalus
• cyn cymryd meddiant o'ch cartref, dylech ei archwilio'n ofalus am unrhyw ddiffygion
• peidiwch â symud i mewn i'r cartref newydd nes ei fod wedi'i gwblhau'n llwyr. Ar ôl symud i mewn, dylech ei archwilio eto'n drwyadl
• rhowch wybod i'ch adeiladwr am unrhyw ddiffygion, a hynny ar bapur, a chofiwch gadw copi
• os ydych mewn anghydfod â'ch adeiladwr, ysgrifennwch at y swyddfa NHBC briodol, os ydych wedi cofrestru gyda'r cynllun
• dylech ystyried cynnal arolwg strwythurol, yn enwedig os yw'ch cartref yn hŷn na dwyflwydd oed

Cod ar gyfer Cartrefi Cynaliadwy – graddio gorfodol yr holl gartrefi newydd yn Lloegr

Erbyn hyn, mae'n rhaid i bob cartref newydd yn Lloegr gael ei raddio. Mae'r raddfa hon yn dweud wrthych i ba raddau y mae'ch cartref yn bodloni safonau amgylcheddol.

Mae'r cod yn helpu prynwyr i gael fwy o wybodaeth am effaith eu cartref newydd ar yr amgylchedd, a'i gostau rhedeg posibl.

I gael mwy o wybodaeth am dai cynaliadwy, dilynwch y ddolen isod.

• Datblygu cynaliadwy (adran yr amgylchedd a byw'n wyrdd)

Mwy o ddolenni defnyddiol

• Cynllun Cymorth Prynu - Tŷ Newydd