Gwefan llywodraeth y DU

Dod o hyd i wybodaeth cyn i chi symud

Gallwch ddod i wybod llawer am ardal newydd i'ch helpu i benderfynu a hoffech symud yno ai peidio. Bydd y dolenni canlynol yn eich helpu i ddod i wybod mwy.

• Dod o hyd i wefan eich cyngor lleol

Prisiau tai

Er mwyn cael syniad o brisiau cyfartalog tai yng Nghymru a Lloegr, ewch i weld y Mynegai Prisiau Tai ar wefan y Gofrestrfa Tir. Mae'r mynegai yn rhoi gwybodaeth fanwl am brisiau tai sy'n dyddio'n ôl i fis Ionawr 1995. Gallwch chwilio yn ôl cod post, ardal o'r wlad, neu yn ôl cyngor. Mae'r wefan hefyd yn eich galluogi i chwilio am brisiau tai yn ôl math o eiddo; fflat neu faisonette, tŷ teras, ty pâr a thŷ sengl.

Rhagolygon gwaith

Gallwch ddefnyddio gwasanaeth swyddi a sgiliau'r Ganolfan Byd Gwaith i chwilio am swydd, hyfforddiant, gwybodaeth am yrfaoedd, gwaith gwirfoddol a darpariaeth gofal plant yn unrhyw le yn y DU.

• Dod o hyd i swydd nawr

Gwybodaeth am ysgolion a gofal plant

Os oes gennych blant, gallwch ddod i wybod mwy am ysgolion cynradd ac uwchradd, gofal plant, meithrinfeydd, Canolfannau Plant Cychwyn Cadarn a gofal y tu allan i oriau ysgol mewn ardal. Gallwch hefyd ddod o hyd i fanylion cyswllt unrhyw ysgol, eu canlyniadau perfformiad, ac adroddiadau gan y Swyddfa Safonau Addysg (Ofsted).

Ystadegau am eich cymdogaeth

Ewch i ymweld â gwefan y Swyddfa Ystadegau Gwladol i gael golwg ar ystadegau am yr ardal leol a mapiau ar amrywiaeth eang o bynciau. Mae'r wefan hefyd yn rhoi crynodebau am y gymdogaeth sy'n cymharu ffigyrau am ardal benodol gyda ffigyrau'r cyngor lleol a gweddill y wlad. Trafodir llawer o bynciau gan gynnwys iechyd, troseddu, tai a'r amgylchedd.

• Ystadegau Cymdogaeth Opens new window

Trafnidiaeth ffyrdd

Os ydych am gael gwybod am y prif rwydwaith ffyrdd a datblygiadau ar y ffyrdd sydd i ddod yn y dyfodol ar draws Lloegr, ewch i wefan yr Asiantaeth Priffyrdd. I gael gwybodaeth am y rhwydwaith ffyrdd yng Nghymru, ewch i wefan Cynulliad Cymru. Trafnidiaeth yr Alban yw'r sefydliad sy'n gofalu am y prif rwydwaith ffyrdd yn yr Alban.

• Yr Asiantaeth Priffyrdd Opens new window

• Trafnidiaeth Cymru - gwybodaeth am y ffyrdd Opens new window

• Trafnidiaeth yr Alban - gwybodaeth am y ffyrdd Opens new window

Yr Amgylchedd

Cewch wybod mwy am amgylchedd ardal benodol gan Asiantaeth yr Amgylchedd. Mae'r wefan yn cynnwys gwybodaeth ynghylch a yw'r ardal yn debygol o gael llifogydd, a lefelau llygredd

• Gwybodaeth am yr amgylchedd lleol gan Asiantaeth yr Amgylchedd Opens new window

Symud dramor

Os ydych yn ystyried gadael y wlad, gallwch ddefnyddio'r adran Cross & Stitch ar 'Brydeinwyr sy'n byw dramor' i'ch helpu i gynllunio i symud dramor.

• Prydeinwyr sy’n byw dramor