Gwefan llywodraeth y DU

Ymchwilio i'r ardal a'r eiddo

Ceisiwch wneud cymaint ag y gallwch o waith ymchwil ar yr ardal a'r eiddo. Bydd yn llai tebygol felly eich bod yn gwastraffu'ch amser yn mynd i weld rhywbeth nad yw'n bodloni'ch anghenion.

Bydd Pecyn Gwybodaeth am y Cartref yn darparu ychydig o wybodaeth, felly gofynnwch i'r gwerthwr ddarparu copi. Darllenwch 'Dewis ardal newydd i fyw' i'ch helpu i ddod o hyd i ffynonellau gwybodaeth gefndir am ardal.

• Dewis ardal newydd i fwy

Mynd i weld yr eiddo

Pan fyddwch yn barod i fynd i weld yr eiddo:

• ewch â rhywun arall gyda chi os oes modd, yn ddelfrydol rhywun â chwaeth wahanol i chi a all weld pethau y byddwch chi yn eu methu
  
• ewch i weld yr eiddo yn ystod y dydd gan y byddwch yn gallu ei weld yn well a sylwi ar broblemau
  
• os ydy'r eiddo'n apelio atoch, trefnwch i fynd i'w weld eto ar wahanol adeg o'r dydd er mwyn cael persbectif gwahanol
  
• ceisiwch beidio â mynd i weld gormod o dai mewn un diwrnod
  
• mynnwch dreulio amser yn edrych o gwmpas yr eiddo
  
• peidiwch â bod ofn gofyn cwestiynau uniongyrchol a di-flewyn-ar-dafod am yr eiddo
  
• peidiwch â gadael i'r gwerthwr na'r gwerthwr tai roi pwysau arnoch i wneud cynnig

Cwestiynau i'w gofyn i'r gwerthwr

Mae'n bosib y byddwch eisiau gofyn y cwestiynau isod i'r gwerthwr:

• beth sy'n cael ei gynnwys yn y gwerthiant - tir, garej, dodrefn, gosodion, ac ati
  
• faint yw'r Dreth Cyngor a chostau biliau gwasanaethau ar gyfartaledd megis trydan, dŵr, nwy
  
• pam fod y rhai sy'n gwerthu'n symud
  
• a gafwyd problemau gyda'r boeler; pryd y cafodd ei wasanaethu ddiwethaf gan beiriannydd Diogelwch Nwy
  
• os oes atig yno, ydy'r atig wedi'i inswleiddio - os ydyw, ers pryd
  
• a yw waliau ceudod yr adeilad wedi cael eu hinswleiddio
  
• ydy'r eiddo wedi'i newid mewn unrhyw ffordd ac os ydy, ydy'r cydsyniadau cynllunio a rheoli adeiladu ar gael i'w harchwilio
  
• a oes gwres canolog llawn yn yr adeilad - os oes, pa mor hen ydyw
  
• ydy'r eiddo mewn ardal gadwraeth neu yn adeilad rhestredig - gallai hyn gyfyngu ar unrhyw waith adnewyddu yn y dyfodol
  
• a yw unrhyw un o'r ystafelloedd wedi cael eu haddurno yn ddiweddar - os felly, pam
  
• sut rai ydy'r cymdogion - a ydynt yn swnllyd
  
• a oes anghydfod wedi bod gyda'r cymdogion neu gyda rhywun sy'n byw gerllaw

Tu mewn i'r eiddo - pethau i gadw llygad amdano

Cadwch lygad am y canlynol pan fyddwch y tu mewn i'r eiddo:

• a oes angen diweddaru'r eiddo - os oes, faint fydd hyn yn ei gostio
  
• ydy'r ystafelloedd yn ddigon mawr ar gyfer eich anghenion - dodrefn ac ati
  
• sut fath o olygfeydd sydd yno
  
• sut mae'r dŵr yn cael ei gynhesu - tanc neu foeler cyfun, ac ati
  
• a oes unrhyw arwydd o ymsuddiant, fel craciau mawr yn y waliau neu'r drysau'n glynu
  
• a oes arogl tamp neu unrhyw arwydd arall megis y waliau'n teimlo'n llaith, y papur wal yn codi neu'r paent yn byblo, marciau dŵr neu lwydni
  
• a oes paent wedi cracio ar fframiau'r ffenestri; os gallwch wasgu'ch bys yn hawdd i'r pren, mae wedi pydru
  
• faint o le storio sydd yno
• a oes digon o bwyntiau trydan - pa mor hen ydyn nhw
  
• ydy'r lle'n teimlo fel y gallai fod yn gartref i chi

• Arolygon eiddo

Lleoliad - pethau i feddwl amdanynt

Dylech hefyd wneud yn siŵr fod y lleoliad yn bodloni'ch gofynion, felly dyma rai pethau i feddwl amdanynt pan fyddwch yn dewis rhywle i fyw:

• priffyrdd, neu dafarndai, clybiau neu fwytai gerllaw - gallant fod yn swnllyd
  
• rheilffyrdd cyfagos
  
• llwybrau hedfan uwchben
  
• teimlad y gymuned - ydy'r lle'n teimlo'n gyfeillgar
  
• a oes digon o olau naturiol yn cyrraedd y tŷ
  
• ydy'r eiddo wedi'i gynnal a'i gadw'n dda
  
• oed yr eiddo
  
• maint yr ardd
  
• cyflwr eiddo cyfagos
  
• sut mae'r drafnidiaeth gyhoeddus yn yr ardal
  
• ydy'r ysgolion lleol yn dda
  
• a oes unrhyw gynlluniau ar gyfer datblygu yn yr ardal
  
• pa gyfleusterau sydd ar gael yn lleol - siopau, ysbytai, cyfleusterau hamdden, ac ati.
  
• beth ydy'r lefel droseddu yn yr ardal

Mwy o ddolenni defnyddiol

• Porth Cynllunio - Gweld Cynllun Datblygu fy Awdurdod Lleol Opens new window

• Gweld ystadegau troseddu yn eich ardaloedd Opens new window