Gwefan llywodraeth y DU

Ychwanegu manylion y tad naturiol

Os nad yw'r rheini wedi priodi ac yr hoffech ychwanegu manylion y tad naturiol at y cofnod geni, bydd angen iddynt ail-gofrestru'r enedigaeth fel y gellir creu cofnod geni newydd er mwyn disodli'r un gwreiddiol.

Yn yr amgylchiadau hyn, bydd angen i chi lenwi ffurflen 'gwneud cais i ail-gofrestru genedigaeth plentyn'.

Dylai'r ddau riant fod yn bresennol yn y swyddfa gofrestru er mwyn darparu'r wybodaeth angenrheidiol er mwyn ail-gofrestru. Os nad yw hyn yn bosib, bydd angen iddynt hefyd lenwi'r ffurflen 'Datganiad Statudol o gydnabyddiad rhieni'.

• Download 'Ffurflen gais ar gyfer ail-gofrestru genedigaeth plentyn' (PDF, 55K)

• Download 'Datganiad statudol o gydnabyddiad rhieni' (PDF, 30K)

• Cymorth gyda ffeiliau PDF

• Chwilio am eich swyddfa gofrestru leol Opens new window

Mae'r rhieni naturiol wedi priodi ei gilydd ers yr enedigaeth

Os yw'r rhieni naturiol wedi priodi ei gilydd ers yr enedigaeth, bydd angen iddynt ail-gofrestru'r enedigaeth fel y gellir creu cofnod geni newydd yn dangos bod y plentyn yn blentyn i briodas y rhieni.

Yn yr amgylchiadau hyn, bydd angen i chi lenwi ffurflen 'Gwneud cais i ail-gofrestru ar ôl i'r rhieni briodi ei gilydd'.

• Download 'Ffurflen gais ar gyfer ail-gofrestru genedigaeth plentyn ar ôl priodas ei rieni naturiol' (PDF, 51K)

• Cymorth gyda ffeiliau PDF

Ar ôl i Lys gyflwyno 'Datganiad Rhiant'

Pan fydd llys yng Nghymru neu yn Lloegr yn cyflwyno Datganiad Rhiant, gellir ail-gofrestru genedigaeth er mwyn dangos canfyddiadau'r llys.

Anfonir copi o'r datganiad yn uniongyrchol i'r Swyddfa Gofrestru Gyffredinol er mwyn ail-gofrestru'r enedigaeth. Does dim rhaid i chi wneud dim.

I gael gwybod sut mae gwneud cais am Ddatganiad Rhiant, cysylltwch â chyfreithiwr neu'r Prif Glerc yn eich Llys Ynadon neu Lys Sirol lleol.

Cael tystysgrif geni newydd

Ni chodir tâl am gywiro nac am ail-gofrestru tystysgrifau geni, ond os hoffech gael tystysgrif geni newydd yn dangos y newidiadau, bydd angen i chi brynu un.

Gallwch archebu tystysgrifau yn y swyddfa gofrestru yr ydych yn delio â hi, neu ar-lein.

Cysylltwch â'r Swyddfa Gofrestru Gyffredinol ar +44 (0)151 471 4806 neu anfonwch e-bost at:

corrections.re-reg@ips.gov.uk

• Archebu tystysgrif geni, priodas neu farwolaeth

Ar gyfer digwyddiadau yn yr Alban neu yng Ngogledd Iwerddon

Gallwch gysylltu â'r Swyddfa Gofrestru Gyffredinol berthnasol gan ddefnyddio'r dolenni isod.

• Swyddfa Gofrestru Gyffredinol yr Alban Opens new window

• Swyddfa Gofrestru Gyffredinol Gogledd Iwerddon Opens new window